Samkomulag um Grikkland - Evra styrkist

Á www.visir.is stendur: "Leiðtogar evruríkjanna sautján samþykktu í dag að koma gríska ríkinu enn á ný til bjargar og slógu um leið á ótta fjármálaheimsins við að gengi evrunnar hrapi.

Grikkir fá nú 109 milljarða evra samtals í fjárhagsaðstoð, eða ríflega 18.000 milljarða króna, bæði frá Evrópusambandinu og Alþjóðagjaldeyrissjóðnum. Auk þess hafa fjármálafyrirtæki samþykkt að veita Grikkjum eftirgjöf á skuldum upp á 37 milljarða evra, eða rúmlega 6.000 milljarða króna.

Þá verða vextir á neyðarlánum ESB og AGS til Grikklands lækkaðir úr 4,5 prósentum í 3,5 prósent og afborgunartími lánanna verður lengdur úr 7,5 árum í 15 til 30 ár."

Öll fréttin

Athugasemdir

[Þorsteinn Briem, 22.7.2011 kl. 12:03]

Frá áramótum hefur gengi evru gagnvart Bandaríkjadollar HÆKKAÐ um 8,54%, Kanadadollar um 3,11%, japanska jeninu um 4,88%, breska sterlingspundinu um 3,18%, íslensku krónunni um 7,88%, sænsku krónunni um 1,35% og dönsku krónunni um 0,01%.

Frá því evruseðlar voru settir í umferð í ársbyrjun 2002 hefur gengi evru gagnvart Bandaríkjadal HÆKKAÐ um 60,08% og við Íslendingar kaupum til að mynda olíu í Bandaríkjadollurum.

[Sleggjan og Hvellurinn, 23.7.2011 kl. 22:35]

það er mjög jákvætt að fjármálafyrirtækin horfast í augu við vandann og afskrifa 6000milljarða. Það munar um minna.

Það er svipað og ef Íslendingar mundu fá afskrifað 170milljarða

munar um minna