Vigdís spyr og spyr og spyr!

Á vef DV.is stendur: "Starfsmenn utanríkisráðuneytisins og embættismenn undirstofnana fóru 336 ferðir erlendis á síðasta ári. Þetta kemur fram í svari Össurar Skarphéðinssonar við fyrirspurn Vigdísar Hauksdóttur, þingkonu Framsóknarflokksins."

Vigdís spyr og spyr eins og henni sé borgað fyrir það! Spurningar Vigdísar hafa kostað íslenska skattgreiðendur fúlgur!Og ekkert fær stoppað Vigdísi, að því er virðist.

Við DV segist Vigdís vera með spurningaflæðið vegna ESB-málsins, sem samkvæmt heimildum ES-bloggsins er algerlega á kostnaðaráætlun.

Og í DV kemur fram að ferðum á vegum Utanríkisráðuneytisins hefur fækkað stórlega, úr 537 árið 2007 í 336 í fyrra!

Í framhaldi af spurningaflóði Vigdísar er hæglega hægt að velta fyrir sér hlutverki þingmanna - sem á jú að vera að semja lög. Fyrir það fá þeir borgað.

Kannski vill Vigdís að enginn sem vinnur í stjórnsýslunni fari eitt eða neitt, að allir séu bara hér á Íslandi, andandi að sér íslensku lofti, á íslenskum mat og drekki íslenskt vatn?

 

Athugasemdir

[Elle_, 13.9.2011 kl. 15:16]

Hlutverk þeirra er að semja lög, segiði.  Já, en ekki að troða okkur undir erlent vald, hvað þá fórnu öllu fyrir það.  Maður með minnstu hugsun semur varla lög bara út í loftið án þess að spyrja spurninga.  Nema auðvitað að maður sé í samfylkingarliðinu sem gerir bara nákvæmlega það sem þeim sjálfum dettur í hug og spyrja ekki kóng eða prest.