Krónan Akkilesarhæll?

Á RÚV kom þetta fram í gær: "Norskt fyrirtæki hætti við að skila inn tilboði í Vaðlaheiðargöng því það varð að vera í íslenskum krónum. Aðeins eitt tilboð af fjórum var undir kostnaðaráætlun Vegagerðarinnar. Framkvæmdastjóri norska félagsins telur að betri boð hefðu fengist ef bjóða hefði mátt í verkið að hluta í öðrum gjaldmiðli en íslenskum krónum.

„Við ákváðum að draga tilboð okkar tilbaka þar sem Vegagerðin vildi ekki leyfa okkur að hafa hluta tilboðsins í norskum krónum,“ segir Frode Nilsen, framkvæmdastjóri LNS. " (Leturbreyting ES-blogg).

Gengur þetta? Hvernig getur nútímaríki búið við þessar aðstæður?

Athugasemdir

[Guðmundur Jónsson, 12.10.2011 kl. 09:46]

"Gengur þetta? Hvernig getur nútímaríki búið við þessar aðstæður?"

svar: Já þetta gengur.

Þetta norska fyritæk var einfaldlega ekki sampkeppnis fært og teysti sér ekki til að bjóða í verkið.

Sjáðu til þeir hefðu bara þurft að bjóða hærra vegna sinnar áhættu í íslenskum krónum og þeir því aldrei fengið verkið.

[Jóhann Elíasson, 12.10.2011 kl. 11:45]

Eitthvað gengur illa hjá innlimunarsinnum að koma því inn í skallann á sér að vandamálið er EKKI krónan HELDUR hvernig stjórnmálamennirnir hafa stjórnað efnahagsmálum þjóðarinnar, alveg frá stofnun lýðveldisins.........................

[Haraldur Hansson, 12.10.2011 kl. 12:54]

En að hafa tilboðið í GULLI.

Norðmenn ganga inn í lægst boð, sem gerir um 1.320 kg af gulli. Greiðist á framkvæmdatímanum eftir framvindu verksins. Kannski á 5-6 árum.

Væri það ekki pottþétt? Engar áhyggjur af gengistapi verktakans.

Eða hvað?
Gullverð er nú yfir $1.800 únsan og í sögulegu hámarki. Það gæti lækkað um 30-40% á samningstímanum, enginn veit. Það þýddi hrikalegt gengistap fyrir verktakann.

Þeir norsku þyrftu enn frekar að hafa "hluta tilboðsins" í norskum krónum eða semja um aðrar gengistryggingar. Hvað segðu evrusinnar þá?

Þetta gull er vonlaus gjaldmiðill. Getur nútímaríki búið við þessar aðstæður?

----- ----- -----

Að sjálfsögðu tókst áróðursdeild esb á Fréttastofu RÚV að búa til úr þessu mikla frétt og stilla málinu þannig upp að "krónunnar vegna" væri þarna eitthvað skelfilegt mál á ferðinni.

Ef við værum í ESB og með evru þyrfti ekki að hafa neinar áhyggjur af gengistapi/gengishagnaði. Og ekki af jarðgangagerð heldur. Þá værum við á grískri vegferð, hefðum ekki efni á verkinu og hugmyndinni stungið ofan í frystikistu næstu tíu árin.

[Þorsteinn Briem, 12.10.2011 kl. 15:10]

Semsagt, engir Íslendingar tóku hér lán í erlendri mynt, gengi íslensku krónunnar hrundi ekki haustið 2008, engir Íslendingar töpuðu einni einustu krónu vegna gengishrunsins og hér eru ekki gjaldeyrishöft.

Ísland best í heimi! - Myndband

[Þorsteinn Briem, 12.10.2011 kl. 15:17]

SJÁLFSTÆÐUR ÍSLENDINGUR.

"Einar Lárusson er tveggja barna faðir sem flutti með fjölskyldu sína til Svíþjóðar í janúar [2010].

Hann segist hafa fengið nóg af ástandinu á Íslandi og segir að fjölskyldunni líði mjög vel í Svíþjóð þar sem samfélagið sé manneskjulegra og fólkið jákvæðara en hér á landi.

Einar sendi þingheimi harðort bréf í vikunni þar sem hann lýsti viðhorfi sínu til ástandsins.

"Ég var á Íslandi um daginn og fékk eiginlega sjokk yfir verðlaginu.

Kaffið sem ég drekk hérna í Svíþjóð er þrisvar sinnum dýrara á Íslandi.

Ég fór með bíl í skoðun og það var 100 prósent dýrara en í Svíþjóð.

Það er of dýrt að vera Íslendingur."

Einar vakti athygli í vikunni þegar hann sendi þingheimi bréf þar sem hann lýsti því að hann væri búinn að fá nóg af íslensku þjóðfélagi.

Búið væri að ræna fólkið aleigunni."

Of dýrt að vera Íslendingur - Fluttur til Svíþjóðar

[Þorsteinn Briem, 12.10.2011 kl. 16:22]

Frá áramótum hefur gengi evrunnar gagnvart Bandaríkjadollar HÆKKAÐ um 3,52%, Kanadadollar um 6,72%, breska sterlingspundinu 2,28%, íslensku krónunni 3,36% og sænsku krónunni 1,92% en lækkað um 2,52% gagnvart japanska jeninu, norsku krónunni um 0,34% og svissneska frankanum 0,38%.

Og frá ársbyrjun 2006 hefur gengi evrunnar gagnvart íslensku krónunni HÆKKAÐ um 112,57%.

[Örn Ægir Reynisson, 12.10.2011 kl. 16:27]

Mikið yrði nú frábært ef aðildarsinnar tæku sig allir til og færu úr landi t.d. til Þýskalands þá myndum við losna við þá og allt bullið í þeim með.En það er ekki víst að Þjóðverjarnir tækju vel í það aðildarsinnarnir margir hverjir eru að vinna fyrir þá hér á landi. Og að lokum evran hættulegasti gjaldmiðill í heimi gengur ekki upp og við höfum ekkert með hana að gera hér frekar en ESB aðild.

[Þorsteinn Briem, 12.10.2011 kl. 16:43]

Ekki vantar hér rökin, frekar en fyrri daginn!