Kíkt í ársskýrslu Matís

Eins og fram hefur komið í fréttum ákvað stjórn Matís að draga til baka umsókn um 300 milljóna styrk frá Evrópusambandinu, en það var gert á pólítískum forsenddum og hefur víða verið sagt frá málinu.

Sé Matís og ársskýrsla fyrirtækisins frá 2010 skoðuð virkar þessi ákvörðun enn furðulegri. Í ársskýrslunni segir meðal annars:

"Fjórða starfsár Matís ohf. einkenndist, líkt og þau fyrri, af vexti fyrirtækisins í ýmsum skilningi. Matís hefur mikilvægum skyldum að gegna í matvælarannsóknum og matvælaöryggi en ekki síður er fyrirtækið í vaxandi mæli jarðvegur fyrir nýsköpun og sprota vítt um samfélagið. Matís ohf. hefur rekstrarlega sterka stöðu og bætir sífellt við sig á þekkingarsviðinu. Með þá stöðu er hægt að halda áfram á sömu braut uppbyggingar. Þrátt fyrir samdrátt hjá mörgum viðskiptavinum hefur tekist að laga fyrirtækið að breyttum aðstæðum og sá sveigjanleiki er einnig tákn um styrk."

Síðar segir: " Á árinu 2010 voru undirritaðir samningar um forystuhlutverk Matís í stórum Evrópuverkefnum á rannsóknasviðinu. Þau verkefni eru ánægjuleg skilaboð um að til Íslendinga er horft meðtrausti þó margir kunni að halda annað. Við höfum fram að færa reynslu á sjávarútvegssviðinu, í fiskveiðistjórnun og fleiri þáttum sem horft er til. Forystuhlutverk Matís ohf. í þessum verkefnum er jafnframt mikil traustsyfirlýsing og góð kynning bæði hérlendis og erlendis á styrk fyrirtækisins og hæfni starfsfólks. Erlend verkefni færa fyrirtækinu bæði aukinn faglegan styrk en einnig nýjar tekjur, sem er mikilvægt atriði á samdráttartíma hér innanlands."

Í skýrslunni er rætt við Hörð G. Kristinsson, rannsóknarstjóra fyrirtækisins, um tækifæri og sóknarfæri Matís:"

„Þau er að finna á öllum sviðum fyrirtækisins. Sjávarútvegur og fiskiðnaður eru mikilvægar undirstöðugreinar og mikilvægt að halda þeirri stöðu áfram. Það liggja hins vegar líka ný tækifæri í þeirri grein, allt frá því að vera nýting nýrra nytjastofna við landið, fullvinnsla afla, framleiðslutækni eða betri aflameðferð. Þar sem Matís vinnur mjög faglega þá getum við komið að svona verkefni á margan hátt og gott dæmi um það er á sama tíma og við komum að verkefnum í sjávarútvegi sem snúa að aukinni verðmætasköpun þá erum við stöðugt að skoða hvernig nýta má það sem til fellur í fiskiðnaði til nýsköpunarframleiðslu á líftæknisviðinu. Sjávarútvegurinn er því mjög breitt svið tækifæra fyrir okkur á komandi árum,” segir Hörður og nefnir einnig framþróun í fiskeldismálum, landbúnaðarframleiðslu, sem og mikinn uppgang í ferðaþjónustu.

"Ísland er og verður vissulega okkar aðal markaður en hins vegar er Matís fyllilega samkeppnisfært
fyrirtæki á okkar sérsviðum erlendis og við viljum gjarnan koma okkur enn betur á framfæri á þeim vettvangi,” segir Hörður."

Í skýrslunni segir um hlutverk og stefnu Matís: 

"Hlutverk Matís er að
• ...efla samkeppnishæfni íslenskra afurða og atvinnulífs
• ...tryggja matvælaöryggi og sjálfbæra nýtingu umhverfisins
með rannsóknum, nýsköpun og þjónustu
• ...bæta lýðheilsu
Stefna Matís er að
• ...vera framsækið þekkingarfyrirtæki sem eflir samkeppnishæfni
Íslands og skilar þannig tekjum til íslenska ríkisins."

Á bls. 63 segir svo þetta: "Leiðandi hlutverk í fjölþjóðlegu líftækniverkefni

Fullyrða má að einstök þekking á heimsvísu hafi byggst upp innan Matís með rannsóknum sérfræðinga fyrirtækisins á hitaþolnum örverum sem er að finna í lífríki jarðhitasvæða á Íslandi. Þessi þekking er burðarásinn í fjölþjóðlega verkefninu AMYLOMICS sem Evrópusambandið ákvað á síðasta ári að styrkja. Verkefnið er hugmynd líftæknisérfræðinga Matís og mun fyrirtækið leiða það. Hörður G. Kristinsson, sviðsstjóri Líftækni- og lífefna Matís, segir markmiðið að nýta örverur úr íslenskum hverum og háhitasvæðum til að þróa hitaþolin ensím sem nýta má í iðnaðarframleiðslu, sér í lagi í sterkju- og sykuriðnaði. Hita- og sýruþol eru einmitt nauðsynlegir eiginleikar í framleiðsluferlum þessara iðngreina. Meðal þátttakenda í verkefninu verður franska fyrirtækið Roquette Frères, sem er eitt hið stærsta í Evrópu í framleiðslu á sterkju og afleiddum afurðum og mun það fá ensím sem þróuð verða í verkefninu til prófunar og nýsköpunar í framleiðslu sinni."

(Feitletranir í textanum eru ES-bloggsins.)

Í ljósi þessara orða úr ársskýrslu Matís er sú ákvörðun að draga styrkumsóknina til baka afar sérkennileg.

Vel má velta þeim spurningum upp hvort með henni sé ekki;  a) verið að draga út matvælaöryggi, og b) flytja þekkingu úr landinu og eða koma í veg fyrir nýtingu þekkingar í landinu?

Athugasemdir

[Örn Ægir Reynisson, 2.12.2011 kl. 21:26]

Samfylkingin vill ekki að efnahagsböðlar Evrópusambandsins fari í fangelsi og reynir því að tefja fyrir byggingu þess.Samfylkingin sér um sína:Paste/

- Horfa

Þór Saari (Hr):

Frú forseti. Ég þakka fyrir að fá að komast hér að, Hreyfingin er enn þingflokkur á Alþingi. Mig langar að ræða fangelsismál og þá afstöðu formanns fjárlaganefndar að bygging nýs fangelsis sé stórpólitískt mál. Fangelsismál eru í vondri stöðu og hafa verið það í áratugi á Íslandi. Það eru ákveðnar ástæður fyrir því. Niðurstaðan er að fangar komast ekki í afplánun, það er vont fyrir fangana, það er vont fyrir samfélagið og dómar fyrnast.

Lagalegt samfélag á Íslandi hrynur ef refsingar eru ekki fullnustaðar, við skulum bara gera okkur grein fyrir því. Ef menn geta farið hér um víðan völl og framið glæpi og þurfa ekki að gjalda fyrir þá hrynur samfélag laga og réttar. Það að gera þetta mál stórpólitískt er skammarlegt. Hér er um að ræða, eins og margoft hefur komið fram í þingsölum, kjördæmapot sumra þingmanna Suðurkjördæmis sem líta á ógæfusömustu menn samfélagsins sem verslunarvöru í eigin endurkjöri. Og það er skammarlegt að þurfa að hlusta á þetta dag eftir dag. Það hefur ítrekað komið fram hjá sumum þingmönnum kjördæmisins að þeir vilja eitt risafangelsi í sínu eigin kjördæmi í atvinnusköpunarskyni. Slíkt fangelsi er óhagkvæmt, það er óhentugt og það er ekki gott fyrir fangana, það er ekki gott fyrir starfsfólkið og það er ekki gott fyrir samfélagið á svæðinu. Fangavarsla er með neikvæðustu störfum sem hægt er að hugsa sér og því fjölbreyttari úrræði og fjölbreyttari fangelsi sem til eru, því betra. Þá er hægt að víxla mönnum og föngum og reyna að gera eitthvað betra við þá en að hafa þá alla innilokaða í sama stóra fangelsinu.

Frestun á úrlausn vanda fanga og hvítflibbaglæpamanna ýtir undir samfélag ótta og það er ekki það sem fólk á Íslandi vill. Við stöndum frammi fyrir því að hugsanlega munu útrásarvíkingar eða fjárglæframenn þurfa að fara í afplánun, en þeir munu ekki komast í afplánun vegna þess að fjöldi þingmanna vill ekki að þeir fari í afplánun og það er skammarlegt.