Pawel Bartoszek um "draum um einsemd" í FRBL

Pawel Bartoszek, stærfræðingur, skrifar mjög áhugaverða grein um EES-samninginn og Evrópumál þann 31.12 og hefst hún svona:

"Margt virðist benda til að þrátt fyrir að fjármálakrísan sé alþjóðleg hafi umfang hennar á Íslandi mest með innlendar ákvarðanir að gera.

Margt virðist benda til að þrátt fyrir að fjármálakrísan sé alþjóðleg hafi umfang hennar á Íslandi mest með innlendar ákvarðanir að gera. Vöxtur bankanna var eins og hann var og aðgerðir stjórnvalda til að halda honum í skefjum voru eins og þær voru. Hafi frelsi í fjárfestingum milli landa þannig haft einhver áhrif þá voru það fremur fjárfestingar Íslendinga erlendis sem komu okkur í vanda heldur en fjárfestingar útlendinga á Íslandi.

En í allri þeirri bylgju þjóðernisgeðshræringar sem nú ríður yfir er hætta á því að auðvelt verði fyrir menn á kössum með gjallarhorn að hrópa niður öll tengsl okkar við útlönd. Þeir sem vilja veg Íslands á alþjóðavísu meiri en minni þurfa því að hafa sig alla við við að verja það samstarf sem við tökum þátt í, að ekki sé nú minnst á einhvers konar dýpkun eða útvíkkun þess."

Öll greinin (Mynd: www.xd.is)

Athugasemdir

[Sleggjan og Hvellurinn, 3.1.2012 kl. 01:15]

Pawel er mjög skarpur strákur og það er ánægjulegt að hann er að berjast fyrir góðum málstað.

[Þorsteinn Briem, 3.1.2012 kl. 02:51]

"Aðild Íslands að Evrópusambandinu hefði áhrif á greiðslu skólagjalda Íslendinga í háskólum í Bretlandi.

Þar er greint á milli tveggja hópa; heimamanna (e. home fees) og þeirra sem búa erlendis (e. overseas fees) en skólagjöld þeirra eru allajafna talsvert hærri en þeirra fyrrnefndu.

Íbúar Evrópusambandsríkjanna teljast þar heimamenn en Íslendingar hafa verið settir í hinn flokkinn, þrátt fyrir aðild Íslands að Evrópska efnahagssvæðinu (EES).

Íslenskir námsmenn greiða því hærri skólagjöld í Bretlandi en námsmenn frá aðildarríkjum Evrópusambandsins."