ESB og afleiðingar "Arabíska vorsins"

Alþjóðamálastofnun H.Í. stendur fyrir fundi næsta föstudag og í tilkynningu segir: "Föstudaginn 10. febrúar er komið að þriðja fundi vorannar um Evrópumál en þá lítur Jordi Vaquer i Fanés, forstöðumaður Barcelona Centre for International Affairs á Spáni, yfir farinn veg ári eftir atburðina sem tengdir hafa verið við arabíska vorið. Fundurinn sem haldinn er á ensku fer fram í Lögbergi 101 frá kl. 12 til 13.

Sú bjartsýni sem ríkti innan ESB í kjölfarið á atburðum liðins árs hefur nú dofnað eftir kosningasigra flokka íslamista í Túnis, Egyptalandi og Marokkó. Ástandið er síður en svo stöðugt í Líbíu og Jemen og mótmælendur í Bahrein og Sýrlandi eru vægðarlaust beittir ofbeldi. Óvissan um framtíðina er því mikil á þessum slóðum. Ári eftir fall Mubaraks er Evrópusambandið enn að reyna að átta sig á þeim breytingum sem orðið hafa í arabaheiminum. Nú þarf að grípa tækifærið og endurskoða stefnu sambandsins til þess að geta tekist á við þessar nýju áskoranir."

Sjá: http://stofnanir.hi.is/ams/

 

Athugasemdir

[Sigurgeir Jónsson, 8.2.2012 kl. 23:24]

Þriðji fundur vorannar um "Evrópumál" ESB á semsagt að fjalla um N-Afríku.Gamlar nýlendur.Valdagræðgi gömlu nýlenduveldanna á sér engin takmörk og hefur aldrei átt.Hvenær skyldu gömlu nýlenduveldin tilkynna að N-Afríka sé í raun hluti Evrópu í sögulegum skilningi og rétt sé að N-Afríkuríkin fái að sækja um inngöngu í ESB.En þau verði að sjálfsögðu að hlýða Berlin-París stjórninni.Nei við ESB.

[Örn Ægir Reynisson, 9.2.2012 kl. 00:36]

Nei og aftur nei

[Þorsteinn Briem, 9.2.2012 kl. 01:29]

Sigurgeir Jónsson,

Mörg Austur-Evrópuríki, til að mynda Hvíta-Rússland, munu seint fá aðild að Evrópusambandinu.

Og þú heldur náttúrlega að Sandgerði sé í Afríku.

Þið eruð nú meiri fáráðlingaflokkurinn.