Mikið verðfall krónunnar - von á öllu!

Krónan fellur verulega, þrátt fyrir gjaldeyrishöft! Um þetta var fjallað í hádegisfréttum RÚV og sagt frá því að um verulegar sveiflu sé að ræða. Sérfræðingur sem rætt var við sagði að hún myndi sennilega rétta úr kútnum með vorinu, en það væri í raun von á öllu! Krónan er ólíkindatól!

Athugasemdir

[Ásgrímur Hartmannsson, 23.2.2012 kl. 09:39]

Þrátt fyrir?  Gæti allt eins verið vegna.  Við erum ekkert með góða hagstjórn.  Hún batnar ekkert með öðrum gjaldmiðlum. Gæti betnað með innrás... einhvers.  Geimvera, kannski?

[Lúðvík Júlíusson, 23.2.2012 kl. 09:41]

Þetta tengist útboðs og fjárfestingaleiðum Seðlabankans.  Hann kaupir aflandskrónur af aflandskrónueigendum en selur þær síðan áfram til aðila sem eiga gjaldeyri erlendis á mjög lágu verði en öðrum býðst hér á landi.

Seðlabankinn kaupir evrur almennings og útflutningsfyrirtækja á 160 krónur en þeir sem taka þátt í útboðs og fjárfestingaleiðum Seðlabankans geta selt Seðlabankanum gjaldeyrisnn sinn á allt að 240 krónur!

Svona mismunun ætti auðvitað hvergi að líðast.

Auðvitað vilja sem flestir notfæra sér þessa leið, annað hvort núna eða í framtíðinni, og þá fækkar þeim gjaldeyri sem skilar sér til landsins, sérstaklega sá sem ekki er skilaskildur.

[Þorsteinn Briem, 23.2.2012 kl. 11:56]

Frá áramótum hefur gengi evrunnar gagnvart íslensku krónunni HÆKKAÐ um 4,01%, gagnvart Bandaríkjadollar um 2,75% og breska sterlingspundinu um 1,43%.

Og frá því evruseðlar voru settir í umferð í ársbyrjun 2002 hefur gengi evrunnar gagnvart Bandaríkjadal HÆKKAÐ um 47,74% og breska sterlingspundinu um 35,98%.

Í fyrra, árið 2011, HÆKKAÐI gengi evrunnar gagnvart íslensku krónunni um 3,38% og frá ársbyrjun 2006 hefur gengi evrunnar gagnvart íslensku krónunni HÆKKAÐ um 121,13%.

Og hér á Íslandi eru GJALDEYRISHÖFT.

Áttatíu prósent Íra ánægð með evruna

[Sleggjan og Hvellurinn, 23.2.2012 kl. 13:14]

Krónusagan er stanslaus hörmungarsaga.

Það þarf að binda enda á hana með ESB og upptöku Evru.

Til hagsbótar fyrir þjóðina.

[Ómar Bjarki Kristjánsson, 23.2.2012 kl. 18:33]

það er alveg ótrúlegt að hægt sé að finna einn innbyggjara hérna sem er á móti svo miklu hagsmunamáli fyrir einstaklinga sem upptaka Evru er.

Enfremur er eitthvað tragískt við að heyra innbyggjara tala um misserum saman hérna að Evran sé að falla eða hrynja.

Bendir til að talsverður hluti innbyggjara sé barasta fábjánar. Því miður.