Gríðarlegar verðhækkanir - samanburður: Ísland - Evrusvæðið

Á vef samtakanna Já-Ísland birtist þessi tilkynning: "Hagsmunir íslenskra heimila í umræðunni um mögulega aðild Íslands að Evrópusambandinu munu vega þungt þegar kemur að því að taka ákvörðun um hvort ganga skuli í ESB eða ekki.

Augljóst er að gjaldmiðlamál skipta þar miklu máli. Til að kjósendur geti tekið upplýsta ákvörðun um hvort aðild gagnist heimilunum í landinu er mikilvægt að skoða samanburð við þær þjóðir sem hafa evru og kjör sem bjóðast í þeim ríkjum.

Hagstofa Íslands tók saman gögn fyrir Já Ísland sem sýna hækkun og lækkun á verði á vörum og þjónustu frá árinu 2008 til dagsins í dag. Um er að ræða samræmda vísitölu neysluverðs sem Eurostat, Hagstofa Evrópusambandsins, tekur saman reglulega. Á þeim tölum má sjá gífurlega mikinn mun á þróun verðlags hér á landi og í Evruríkjunum.

Já Ísland, leggur mikla áherslu á horft sé til staðreynda þegar fjallað er um mögulega aðild Íslands að ESB. Þessi samantekt er tilraun til að hafa jákvæð áhrif á þá umræðu, til gagns og fróðleiks.

Tímabilið 2008 – 2012

Dæmi:

- Heildar hækkun á vöru og þjónustu á Íslandi er 34,9% en 5,8% á Evrusvæðinu.

- Matarkarfan hækkaði á Íslandi um 32% en 5,2% á Evrusvæðinu.

- Áfengi og tóbak hækkaði á Íslandi um 55,9% en 14,9% á Evrusvæðinu.

- Föt og skór hafa hækkað á Íslandi um 31,4% en lækkaði um 7,9% á Evrusvæðinu."

Einnig frétt á Visir.is og RÚV.is

Athugasemdir

[Anna Sigríður Guðmundsdóttir, 4.4.2012 kl. 11:16]

Hver borgaði Hagstofunni fyrir þessa afmörkuðu samantekt, sem ekki er með heildarmyndina inni í dæminu?

Á ekki að fara fram víðsýn og hlutlaus fræðsla um ESB, fyrir öll sjónarhorn?

Hvað eru margir atvinnulausir í ESB?

Hverjar eru ráðstöfunartekjur atvinnulausra í ESB?

Hverjir fara verst út úr kreppunni og atvinnuleysinu í ESB?

Hvernig fara konur, í illa launuðum þjónustustörfum í opinbera geiranum í ESB, út úr bankaráninu og ESB-lausnunum AGS-stýrðu?

Hvað segja ESB-"jafnréttis"-stjórnvöldin um útkomuna, af nánari skoðun, og heildarmyndina á þessum atriðum? 

Þeir sem gefa sig út fyrir að gæta réttar alþýðunnar bankarændu og sviknu, ættu að kanna hvernig farið er með þá verst settu í ESB. Og til þess eins að bjarga forréttindahópum, bönkum og fyrirtækjum, á kostnað svikinnar og bankarændrar alþýðunnar, sem þrælar frá sér líftóruna til að fá að lifa. Það er mótsagnarkennt, og gengur ekki upp í friðarbandalagi.

Það er heldur hæpin aðferð, að koma með einhverjar áróðurs-glefsur á þann hátt, sem svokallað "Já Ísland" gerir hér, án þess að koma með sanngjarna og réttláta heildarmynd.

Það dugar ekkert minna en réttlæti og heiðarleiki, fyrir alla jafnt, núna.

M.b.kv.

[Þorsteinn Briem, 4.4.2012 kl. 11:47]

Anna Sigríður Guðmundsdóttir,

Í Evrópusambandsríkjunum býr hálfur milljarður manna og í sumum þeirra er lítið atvinnuleysi en mikið í öðrum.

Hérlendis er mikið atvinnuleysi á Suðurnesjum en lítið á Vestfjörðum.

Og í sumum fylkjum Bandaríkjanna er mikið atvinnuleysi en lítið í öðrum.

En fyrir þá sem eru með litlar tekjur skiptir að sjálfsögðu mjög miklu máli að matvörur séu ekki mjög dýrar.

Og með aðild Íslands að Evrópusambandinu LÆKKAR VERULEGA verð á mat- og drykkjarvörum hérlendis með niðurfellingu tolla Á ÖLLUM VÖRUM frá Evrópusambandsríkjunum.

[Þorsteinn Briem, 4.4.2012 kl. 11:54]

Atvinnuleysi hefur verið svipað undanfarið í Evrópusambandinu og Bandaríkjunum, eða 9,6% í Evrópusambandinu og 9,7% í Bandaríkjunum í maí 2010.

Atvinnuleysi í Evrópusambandinu og Bandaríkjunum í maí 2010

Vinnumálastofnun - Atvinnuleysi hérlendis í maí 2010

Ísland er hins vegar örlítill vinnumarkaður miðað við Evrópusambandslöndin og Bandaríkin.

[Þorsteinn Briem, 4.4.2012 kl. 11:55]

US Monthly Unemployment Rates by State 1976-2009

[Þorsteinn Briem, 4.4.2012 kl. 11:58]

Árið 2010 komu 66,7% af mat- og drykkjarvörum frá Evrópska efnahagssvæðinu og 88,3% af eldsneyti og smurolíum.

Vöruviðskipti við útlönd árið 2010

[Þorsteinn Briem, 4.4.2012 kl. 12:22]

Meðallaun í 72 löndum - Ellefu Evrópusambandsríki fyrir ofan Ísland, þar á meðal Kýpur og Ítalía en Spánn og Grikkland í næstu sætum

[Anna Sigríður Guðmundsdóttir, 5.4.2012 kl. 10:52]

Takk fyrir þetta Steini Briem. Þú stendur þig betur en margir aðrir við að segja satt. Það eru til sýnis hjá þjóðunum, falsaðar heildar-tölur um afkomu ríkja ESB, en það er engin sundurliðun á því hverjir hafa nóg að borða og hverjir ekki.

Ég á erfitt með að gera greinarmun á AGS-EES og ESB, eins og flestir eru líklega farnir að sjá. Í mínum huga er þetta eitt og sama félagið á toppnum.

Þróunin í EES, í þá áratugi sem það hefur verið til, hefur verið sú, að reglurnar og lögin sem þetta samband smíðar, frá ári til árs, hefur útilokað þá verst settu fyrst, frá mannsæmandi lífi. Það eru setta reglur og lög, sem stríða gegn jöfnuði og friði, en styrkja réttarstöðu banka og annarra fjárglæfrafyrirtækja. Þess vegna treysti ég ekki þessu bandalagi fyrir þeim sem verst standa, hvort sem það er á Íslandi eða í öðrum löndum.

Að kalla mig þjóðrembing vegna þessara skoðana minna á EES-ESB, eins og sumir gera um nei-sinna eins og mig, (en ekki þú Steini), er vægast sagt ósanngjarnt. Ég stend ekkert síður með sviknum almenningi í öðrum löndum, heldur en Íslandi.

AGS-EES-ESB yfir-stjórnendurnir eru eins og siðblind valda/peninga-gráðug kónguló, sem hefur það eina takmark að spinna svikavef til að veiða, svíkja og drepa sem flesta. Ekkert í sögunni segir okkur annað.

Fyrst eru þjóðir veiddar í EES, með blekkingum og hálfsannleik, og svo er fólki sagt að það sé of seint að snúa við. Það sama er í gangi í sambandi við ESB. Svo kemur AGS eins og "frelsandi engill", og fullkomnar verkið.

Það er hræsni, að fullyrða að þjóðin fái að kjósa um þessa ESB-aðild, að loknum viðræðum, hverju nafni sem yfirvöldum þóknast að nefna þær, í blekkingarskyni. Stjórnvöld eru eflaust líka blekkt, að stórum hluta til. Eineltið er hvergi virkara, en hjá yfir-fjármálastofnunum heimsins.

Það stendur ekki til, og hefur aldrei staðið til, að þjóðin fái að kjósa um þessa ESB-aðild. Það er löngu búið að ákveða, að ekki verði um annað en ráðgefandi kosningu að ræða, þegar þar að kemur. Stjórnarskrárbreytingar verða að fara fram áður en slík kosning fer fram. Það kemur skýrt fram í minnisblaði ríkisstjórnarinnar um aðildarumsókn, frá því í byrjun sumars 2009.

Það eru blekkingarnar, hræsnin og lygin í kringum alla umræðuna, sem mér finnst alveg ólíðandi.

Hvernig væri að þeir færu að taka þá áhættu að segja satt, sem vilja láta taka sig alvarlega, og vera þar með einhvers trausts verðir?

Traust er það sem vantar mest af öllu, og það fæst ekki með undirferli, blekkingum, lygi og eigingirni.

Ástþór Magnússon hefur tekið þá áhættu að segja satt, og hvað gerði almenningur? Almenningur trúði hirðfíflum fjármála-stofnana-elítunnar, sem kallaði þennan boðbera sannleikans, þorpsfíflið!

Ég ber mikla virðingu fyrir Ástþóri Magnússyni, fyrir að taka þá áhættu að segja satt. Það var ekki þrautalaust fyrir þann mann, en hann lagði það á sig.

Takk fyrir Ástþór Magnússon

M.b.kv.