Hefur eitthvað breyst? Óli K. Ármannsson um Icesave í FRBL um upphrópanir og fleira

Óli Kristján Ármansson, skrifar ágætan leiðara í Fréttablaðið í dag um snúningana í Iceseave og segir þar meðal annars:

"Sérfræðingar í Evrópurétti furða sig...ekkert á aðkomu framkvæmdastjórnar ESB að málarekstri ESA, sem er í fullu samræmi við stofnsamþykkt EFTA-dómstólsins. Í Fréttablaðinu í dag segir Stefán Már Stefánsson lagaprófessor að krafa framkvæmdastjórnarinnar um meðgöngu í málarekstrinum endurspegli mikilvægi málsins. „Það hefur klárlega þýðingu fyrir allan fjármálamarkað Evrópu," segir hann.

Og í fréttum Útvarps í gær tók Margrét Einarsdóttir, lektor í Evrópurétti við Háskólann í Reykjavík, í sama streng og kvað ekki koma á óvart að framkvæmdastjórnin beitti sér í málinu með formlegri hætti. „Ég sé ekki í fljótu bragði að það muni hafa nein úrslitaáhrif," bætti hún við."

Í lokin segir svo: "Í raun hefur ekkert breyst. Fulltrúar óttasleginna sérhagsmunahópa reyna nú sem fyrr að bregða fæti fyrir ferli sem á endanum á að skila sér í aðildarsamningi sem leggja á fyrir þjóðina. Sama gera andstæðingar fjölþjóðasamstarfs sem litla lýðræðisást bera í brjósti. Hvorugur hópurinn vill gefa þjóðinni færi á að meta sjálf hvernig hag hennar er best borgið."

Athugasemdir

[Anna Sigríður Guðmundsdóttir, 13.4.2012 kl. 16:42]

Það er líklega ekki nein tilviljun, að einungis fæst ráðgefandi þjóðaratkvæðagreiðsla um "samning" um aðild Íslands að ESB. Þannig er auðvelt fyrir stjórnvöld að hundsa niðurstöðuna á löglegan og siðlausan hátt.

Gylfi Arnbjörnsson á að gæta réttar alþýðunnar á Íslandi, þegar kemur að lífvænlegum launum, og kaupmætti þeirra, á vinnumarkaði. Hann berst eins og ljón, í samvinnu við SA, að koma Íslandi í ESB.

Ég set hér inn málsgrein frá LO (ASI Noregs):

EU-domstolen fastslår at ethvert selskap som jobber på tvers av nasjonale grenser, skal ha lov til å underby de lönns-og arbeidsvilkår som fagbrevsvegelsen gjennom faglig og politisk 3-4 generasjoner har fått etablert for innenlandske selskap. Det betyr frihet til å dumpe lönninger og arbeidsvilkårbare du har regisrert selskapet ditt i et annet land en der jabben skal gjöres.

Hvernig geta íslenskir launþegar hagnast á að tilheyra ESB-"friðar"-þrælaveldinu?

M.b.kv.

[Evrópusamtökin, www.evropa.is, 13.4.2012 kl. 17:20]

Anna: T.d. með því að þurfa ekki að búa við verðtryggingu, ofurverðbólgu og vexti, lægra matvælaverð! Og fá gjaldmiðil sem felur í sér alvöru kaupmátt!

[Anna Sigríður Guðmundsdóttir, 13.4.2012 kl. 17:57]

Hver bannar okkur að afnema verðtryggingu, ofurverðbólgu og lækka vexti? Hvað er Gylfi Arnbjörnsson að hugsa, að ætla að troðna Íslandi í undirboða-launa-samband?

Hver er raunverulegur kaupmáttur þeirra, sem búa við undirboð á launum, og atvinnuleysi, í þessu dásamaða EES-ESB?

Allt er þetta skerðingar-starf gert til að bjarga föllnu fjármálakerfi og svikulum bönkum í Evrópu, og meir og minna í vestrinu öllu.

Það er ekki hægt að skauta fram hjá mikilvægum staðreyndum í umræðunni um EES-ESB.

M.b.kv.

[Evrópusamtökin, www.evropa.is, 13.4.2012 kl. 19:26]

...þetta eru einmitt rök margra Nei-sinna, en áf hverju er þá ekki löngu búið að græja þetta? Getur þú svarað því?

[Anna Sigríður Guðmundsdóttir, 13.4.2012 kl. 21:23]

Það er vegna þess að fólk í stjórnmála-geiranum er keypt í Háskólanum, og hefur alla tíð verið gert á Íslandi.

Keyptir/mútaðir til að svíkja og blekkja bæði háskóla-lærða heiðarlega nemendur og alþýðuna sem á að kjósa á "lýðræðislegan" hátt.

Mér finnst þetta afskaplega sorglegt, vegna þess að raunveruleg þekking nemenda Háskólanna er gerð að engu, af svikulum og keyptum pólitíkusum.

Við flýjum ekki þessa staðreynd með því að fara í ESB.

Við þurfum öll að leggja spilin á borðið, og viðurkenna mistökin (allir hafa að sjálfsögðu gert mistök), til að koma í veg fyrir enn meiri svik og blekkingar, af hálfu þeirra sem stjórna á toppnum.

Ég geri mitt besta til að vera heiðarleg, og koma öllu réttlátu á framfæri. Ég græði ekkert á því, annað en að geta kannski opnað augu almennings fyrir því sem verið að að blekkja fólk með, eftir minni bestu þekkingu, visku og reynslu.

Ef mér tekst að láta gott af mér leiða, þá hef ég grætt allt sem mér finnst mikilvægast fyrir gott samfélag.

M.b.kv.