Til hamingju með daginn!

Evrópusamtökin óska launafólki Íslands til hamingju með 1.maí - alþjóðlegan baráttudag verkafólks.

Hagsmunir launamanna felast meðal annars í stöðugum gjaldmiðli, sem heldur kaupmætti sínum, lágum vöxtum og lágri verðbólgu. Nú, ekki væri verra að losna við verðtrygginguna.

Þetta fæst með aðild að Evrópusambandinu og upptöku Evru sem lögeyris. 

T.a.m. er talið að helmings lækkun verðbólgu og vaxta muni spara Íslendingum tugi milljarða á ári, en við eigum Evrópumet í verðbólgu um þessar mundir.

(Mynd: Gaflari.is)

Athugasemdir

[Sólbjörg, 1.5.2012 kl. 22:15]

Þær standast nú ekki þessar fullyrðingar ykkar. Atvinnuleysi í helstu og stærstu ESB löndum er gríðarlegt og engar aðgerðir virðast gagnast. Í Frakklandi fjölgar atvinnulausum og heimilislausum svo mikið að það er sjáanlegt á götum úti fjölgun heimilislausra. Fátækt og eymd eykst í Frakklandi allt er á suðupunkti. Verðbólgan hér er vegna óstjórnar, en þið viljið að útrýma lífbjörginni okkar íslensku krónunni. Ef við hefðum ekki íslensku krónuna værum við í sporum Spánar, Portúgal, Írlands og hugsanlega Grikklands. Hættið þessu rugli um stöðugleika evrunnar og kaupmátt hennar, hvað máli skiftir það fyrir fólk í þessum löndum sem á engar evrur vegna atvinnuleysis.