Daði Rafnsson bloggar um blogg frkvstj. Nei-sinna

Daði Rafnsson, skrifar bloggfærslu þann 27.maí, þar sem hann gerir ýmis skrif framkvæmdastjóra Nei-sinna að umtals efni. Daði segir:

"Eitt af uppáhaldsbloggunum mínum er blogg framkvæmdastjóra Heimssýnar. Þar birtist manni svo sannarlega áhugaverð sýn á heiminn, menn og málefni sem er ekki á hvers manns færi að greina.

Framkvæmdastjórinn fer um víðan völl í bloggi sínu, en ég hef orðið var við nokkur varhugaverð meginþemu í því sem hann er að benda lesendum sínum á. Það er vissara að sperra við eyrun því það sem hann segir gefur svo sannarlega tilefni til að íhuga alvarlega stöðu mála hér á landi.

Til dæmis eru fréttamenn Ríkisútvarpsins mútuþægir sukkarar.

RÚV-fréttamenn á ESB-spena: hóp-mútur í lagi

Ef aðrir fjölmiðlar þiggja mútuferðir er í lagi að RÚV-fólk taki þátt í sukkinu

Þriðjudagur, 24. apríl 2012

Það er auðvitað svakalegt að ríkisstarfsmenn skuli þiggja mútur og ber stjórnsýslunni og siðferði starfsfólks RÚV ekki gott vitni.

En þá kemur í ljós að RÚV er í raun áróðursmaskína sem er stjórnuð af ESB og ekki nóg með það heldur hefur stofnunin boðið Samfylkingu og VG einn sinn helsta starfsmann til að ná ítarlegri pólitískum völdum í landinu.

Samfylkingin og sá hluti VG sem lítur á sig sem Samfó-hækju bjóða fram Þóru Arnórsdóttur til forseta. Þóra er ESB-sinni til margra ára og starfaði í samfylkingarkreðsum áður en hún gekk til liðs við ESB-RÚV.

Laugardagur, 26. maí 2012"

Athugasemdir

[Ómar Bjarki Kristjánsson, 28.5.2012 kl. 22:09]

Er nefnilega alveg ótrúlegur lestur þessi skrif framkvæmdarstjóra heimssýnar. Stundum eins og hann sé alveg við það að ærast.

Skrítið að þetta eru nú megin Andsinnasamtök landsins - og málflutningurinn er þessi. Einhvernveginn svona hálf óður málflutningur.