Meira af límmiðum!

Hvernig á ritari að vita að hvort það eru Bændasamtökin eða Nei-samtökin sem framleiða heyrúllulímmiða, sem nú eru seldir með næstum 50% afslætti?

Þetta eru hvort eð er næstum sömu samtökin! 

Sitt lítið af hverju getur nú farið framhjá manni.

En það eru víst samtök Nei-sinna á Íslandi sem framleiða herlegheitin!

Kannski koma bændur með sína eigin límmiða þegar fram í sækir? Hver veit?

Athugasemdir

[Þorsteinn Briem, 7.8.2012 kl. 19:03]

Bændasamtök Íslands fá um 416 milljónir króna úr ríkissjóði á þessu ári, 2012.

Fjárlög fyrir árið 2012, sjá bls. 67

[Gunnar Heiðarsson, 7.8.2012 kl. 20:17]

Þegar síðuhafi þessarar síðu ákveður að taka eitthvert mál til umfjöllunnar, ætti hann að kynna sér málið áður.

Það hefur komið fram í flestum eða öllum fjölmiðlum hver stendur að baki framleiðslu þessara miða, með hvaða hætti þá er hægt að nálgast og hvað þarf að greiða fyrir.

Í þessum fréttum hefur einnig komið fram að Bændasamtökin eiga engann þátt í tilurð þeirra né fjármagni þá að neinu leiti.

Það er því frumskylda, ef síðuhafi vill láta taka þessa síðu alvarlega, að kynna sér málin áður en ritað er um þau. Að öðrum kosti festist enn frekar við þessa síðu sá orðrómur að  henni sé haldið uppi í því skyni einu að útvarpa áróðri.

Reyndar eru athugasemdir sumra aðildarsinna sem hér koma reglulega inn í athugasemdadálkinn, ekki beinlínis til þess fallnar að eyða þeim orðróm sem síðan hefur fengið á sig.

Þeir sem skoða t.d. fyrri skrif síðuhafa um límmaða Heimssýnar og fletta svo niður athugasemdadálkinn skilja hvað ég á við.