Spurning Ögmundar stórgölluð

Innanríkisráðherra Íslands, Ögmundur Jónasson, orðaði spurninguna sem hann vill að þjóðin verði spurð í sambandi við ESB-málið í sjónvarpsviðtali þann 17.8. Hún hljómaði svona:

,,Vilt þú að Ísland gerist aðili að Evrópusambandinu á grundvelli þeirra upplýsinga sem þegar hafa legið fyrir."

Mikið hefur verið rætt og skrafað um orðalag spurninga í þjóðartkvæðagreiðslum, en þessi spurning (og aðferðafræði hennar) er stórgölluð.

Hún gengur nefnilega út frá því að landsmenn hafi ekki tæmandi upplýsingar og fullnægjandi um það atriði sem þeir ættu þá í þessu tilfelli að vera að kjósa um.

Ákvarðanataka í jafn risastóru máli og þessu, án tæmandi upplýsinga, er ekki góð ákvarðanataka!

Fullkláraður aðildarsamningur, með tilheyrandi lýðræðislegri umræðu um kosti hans og galla er grundvallarforsenda þess að almenningur geti tekið skynsamlega ákvörðun í málinu.

Þeir sem nú hrópa úlfur, úlfur, "brennandi hús" og hvaðeina virða ekki þessa grundvallarforsendu viðlits!

Athugasemdir

[Sigurgeir Jónsson, 18.8.2012 kl. 09:14]

Þeir sem vilja ekki inngöngu í ESB eiga rétt á að fá að kjósa um það.Strax.ESB á ekki að takast að koma í veg fyrir það.ESB sinnar geta setið heima ef þeim sínist svo.Nei við ESB.

[Þorsteinn Briem, 18.8.2012 kl. 10:24]

Hvaða hagsmuni eru SUMIR að verja með því að vilja endilega halda hér þjóðaratkvæðagreiðslu um samning sem ekki er til?!

Hverjir halda slíkar þjóðaratkvæðagreiðslur?!

Þeir ÓTTAST að sjálfsögðu að samningurinn verði samþykktur hér í þjóðaratkvæðagreiðslu en EKKI að hann verði slæmur fyrir okkur Íslendinga, enda yrði hann þá felldur.

[Jón Valur Jensson, 18.8.2012 kl. 11:15]

Góður Sigurgeir!

Það á að henda þessari "aðildarumsókn" í ruslafötuna, þar á hún bezt heima.

Í raun var þetta allan tímann umsókn um að leggja Lýðveldið Ísland undir erlenda yfirstjórn og lögsögu. Það hefur alltaf legið fyrir í þeim inntökusáttmálum (accession treaties) sem Svíar og Finnar gerðu -- og var alveg eins að því leytinu í samningnum hjá Norðmönnum, þeim sem norska þjóðin hafnaði.

Umsóknin var í sjálfri sér ólögmæt, og dæmigert var fyrir Samfylkingar-þingmenn og viðhengi þeirra í VG að hafna því, að hún yrði borin undir þjóðarviljann: tillögur um það felldu stjórnarflokkarnir. En aldrei hefur frá þessum tíma verið neinn meirihluti fyrir því meðal landsmanna að vilja ganga þarna inn.

[Þorsteinn Briem, 18.8.2012 kl. 11:40]

Hér á Íslandi er mesta verðbólga í Evrópu, hæsta matvælaverð í Evrópu og miklu hærri vextir en á evrusvæðinu.

Og stýrivextir Seðlabanka Íslands hafa verið mun hærri en stýrivextir Seðlabanka Evrópu, sem ákveður stýrivexti á öllu evrusvæðinu. Þeir eru nú 0,75% en stýrivextir Seðlabanka Íslands 5,75%.

Og hér á Íslandi eru gjaldeyrishöft.

15.5.2012:

"Á síðastliðnum 18 árum hafa stýrivextir Seðlabanka Íslands verið á bilinu 4,25% til 18%.

Bankinn hefur fjórum sinnum á tímabilinu hafið hækkunarferli sem staðið hefur frá 3 mánuðum upp í rúm 4 ár.

Óverðtryggð lán næm fyrir vaxtahækkunum

Ef vextir væru hins vegar mjög neikvæðir hætta Íslendingar að leggja fyrir og íbúðarkaupendur fá stórfé ókeypis frá börnum og gamalmennum, líkt og á áttunda áratugnum.

[Þorsteinn Briem, 18.8.2012 kl. 11:42]

Eins og staðan er núna er líklegasta ríkisstjórnin eftir næstu alþingiskosningar ríkisstjórn Samfylkingar og Sjálfstæðisflokks.

Sjálfstæðisflokkurinn hefur ekkert á móti aðild Íslands að Evrópska efnahagssvæðinu og Schengen-samstarfinu, hvað þá NATO, og ætti ekki að hafa neitt á móti þjóðaratkvæðagreiðslu um aðild Íslands að Evrópusambandinu.

Sjálfstæðisflokkurinn á því miklu meiri samleið með Samfylkingunni en Vinstri grænum, þar sem hver höndin er uppi á móti annarri.

Þar að auki er líklegra að Sjálfstæðisflokkurinn og Samfylkingin nái þingmeirihluta en aðrir tveir flokkar.

Ríkisstjórn Samfylkingar, Framsóknarflokks og Vinstri grænna er þó hugsanlegur möguleiki en ólíklegt er að Sjálfstæðisflokkurinn geti myndað ríkisstjórn með Framsóknarflokknum einum.

Auðvelt er að halda því fram að Vinstri grænir séu á móti öllu, til að mynda stóriðju, og harla ólíklegt að Sjálfstæðisflokkurinn vilji vera með þeim í ríkisstjórn.

[Þorsteinn Briem, 18.8.2012 kl. 11:45]

Með aðild Íslands að Evrópska efnahagssvæðinu og Schengen-samstarfinu er landið NÚ ÞEGAR 70% í Evrópusambandinu, án þess að taka nokkurn þátt í að semja lög sambandsins.

Það er nú allt fullveldið!

Þeir sem eru á móti aðild Íslands að Evrópusambandinu ættu því að leggja áherslu á, til dæmis með undirskriftum, að landið segi nú þegar upp aðild að Evrópska efnahagssvæðinu og Schengen-samstarfinu.

Það gera þeir hins vegar ekki og hvernig stendur á því?!

Það er algjörlega MARKLAUST tal að vera á móti aðild Íslands að Evrópusambandinu, þar sem landið tæki þátt í að semja lög sambandsins, en berjast EKKI með undirskriftum gegn aðildinni að Evrópska efnahagssvæðinu og Schengen-samstarfinu.

[Jón Valur Jensson, 18.8.2012 kl. 15:25]

Þetta er makalaust rugl, að Ísland sé að 70% í Evrópusambandinu. Réttara væri að segja að við búum við 8,5% af lögum þess.

Stýrivextir, verðbólga og gjaldeyrishöft breyta engu um það, að jafnvel meðlimir ríkisstjórnarinnar hér stæra sig af betri árangri Íslands en Esb-ríkjanna.

Þar hefur reyndar krónan hjálpað okkur gríðarlega til meiri tekna af sjávarafurðum og ferðaþjónustu.

Steini Briem er í sértrúarsöfnuði sem lítill minnihluti Íslendinga fylgir að málum. Eftir því er málfutningur hans og sífelld klifan á blekkjandi atriðum sem engu breyta um það, að við erum betur sett en t.d. Írar.

[Þorsteinn Briem, 18.8.2012 kl. 16:15]

Vegna stjórnarhátta í Rússlandi og Hvíta-Rússlandi gætu þessi ríki ekki fengið aðild að Evrópusambandinu núna og ekki er úlit fyrir að þeir breytist á næstunni.

"All major political parties in Ukraine support full eventual integration into the European Union."

"The current Azarov Government continues to pursue EU-integration.

During May and June 2010 both Prime Minister Mykola Azarov and Ukrainian Foreign Minister Kostyantyn Hryshchenko stated that integration into Europe has been and remains the priority of domestic and foreign policy of Ukraine."

Ukraine–European Union relations

Króatía fær aðild að Evrópusambandinu 1. júlí á næsta ári og Serbía sótti um aðild að sambandinu 22. desember 2009.

Accession of Croatia to the European Union

Accession of Serbia to the European Union

[Þorsteinn Briem, 18.8.2012 kl. 16:21]

Davíð Oddsson var forsætisráðherra þegar Ísland fékk aðild að Evrópska efnahagssvæðinu og Schengen-samstarfinu.

Jón Valur Jensson er hins vegar á móti hvorutveggja og telur því væntanlega Davíð Oddsson vera föðurlandssvikara.

"Evrópska efnahagssvæðið (EES) er sameiginlegt markaðssvæði 30 ríkja í Evrópu sem komið var á með EES-samningnum og tók formlega gildi 1. janúar 1994.

Aðild að EES eiga öll 27 aðildarríki Evrópusambandsins, sambandið sjálft og 3 aðildarríki Fríverslunarsamtaka Evrópu (EFTA)."

"Fjórfrelsið svokallaða gildir á öllu svæðinu en það felur í sér frjáls vöru- og þjónustuviðskipti, frjálsa fjármagnsflutninga og sameiginlegan vinnumarkað.

Að auki kveður EES-samningurinn á um samvinnu EES-ríkjanna á sviði félagsmála, jafnréttismála, neytendamála, umhverfismála, menntamála, vísinda- og tæknimála o.fl."

Evrópska efnahagssvæðið

[Þorsteinn Briem, 18.8.2012 kl. 16:23]

Ísland undirritaði samning um aðild að Schengen-samstarfinu ásamt öðrum Norðurlandaþjóðum 19. desember 1996 þegar Davíð Oddsson var forsætisráðherra.

Rúmlega 80% af íbúum Norðurlandanna eru nú í Evrópusambandinu.

Og aðild að Schengen-samstarfinu var samþykkt í þjóðaratkvæðagreiðslu í Sviss.

Schengen-samstarfið

[Þorsteinn Briem, 18.8.2012 kl. 16:59]

18.8.2012 (í dag):

""Fyrir nokkrum vikum samþykktu ráðherrar VG, þar sem þeir sátu við ríkisstjórnarborðið í Stjórnarráðshúsinu, samningsmarkmið Íslands í peningamálum fyrir viðræðurnar við Evrópusambandið," segir Þorsteinn Pálsson, fyrrverandi forsætisráðherra og fulltrúi í samninganefnd Íslands vegna umsóknarinnar um inngöngu í Evrópusambandið, í föstum pistli sínum í Fréttablaðinu í dag.

Eins og fram kemur í pistli Þorsteins er því lýst yfir í umræddri samningsafstöðu í efnahags- og peningamálum að Ísland stefni að því að tala upp evru sem gjaldmiðil í stað íslensku krónunnar eins fljótt og mögulegt er.

Morgunblaðið greindi frá efni samningsafstöðunnar 11. ágúst síðastliðinn en hún hefur ekki enn verið gerð opinber.

Eins og fram kom í frétt blaðsins er ekki farið fram á neinar undanþágur í afstöðunni aðrar en þá að fá venjubundið svigrúm til þess að uppfylla efnahagsleg skilyrði þess að taka upp evruna.

Í samningsafstöðunni segir meðal annars orðrétt:

"Ísland fellst á regluverkið sem varðar 17. kafla um efnahags- og peningamál eins og það stóð 1. janúar 2012."

Og ennfremur að Ísland verði þátttakandi í Efnahags- og myntbandalaginu og hyggist "uppfylla allar viðmiðanir varðandi samleitni og taka upp evruna eins skjótt og aðstæður leyfa."

Þorsteinn segir ennfremur að um málið hafi verið "fyrirvaralaus eining í ríkisstjórn".

Þá bendir hann á að samkvæmt þingræðisreglunni beri "allir þingmenn stjórnarflokkanna pólitíska ábyrgð á þessari ákvörðun."

Hann segir þessa samþykkt í ríkisstjórn hins vegar koma illa heim og saman við yfirlýsingar nokkurra ráðherra Vinstrihreyfingarinnar - græns framboðs undanfarið um að taka þurfi umsókn Íslands um inngöngu í Evrópusambandið til endurskoðunar."

Evran samþykkt fyrirvaralaust í ríkisstjórninni