..enn fellur krónan!

Það er hreinleg átakanlegt að fylgast með því hvernig íslenska krónan hrapar í verðgildi þessar vikurnar. Um leið og túrhestarnir er farnir, þá byrjar krónan að falla.

Hún heldur bara áfram að falla og falla!

Gengisvísitalan er komin í 221.25 stig!

Krónan er gallagripur!

Nútíma atvinnu og efnahagslíf getur ekki búið við þetta rugl!

Evran er hinsvegar við hestaheilsu!

Athugasemdir

[Þorsteinn Briem, 21.9.2012 kl. 18:19]

Gengi evrunnar gagnvart íslensku krónunni hefur HÆKKAÐ um 8,21% frá 7. ágúst síðastliðnum en breska sterlingspundsins um 7,83%, norsku krónunnar 7,32%, sænsku krónunnar 6,2%, svissneska frankans 7,46%, Bandaríkjadollars 3,68%, Kanadadollars 6,17% og japansks jens 4%.

[Jón Valur Jensson, 21.9.2012 kl. 23:23]

Horfið á plúsa og mínusa, ekki bara mínusa. Hækkun gengis krónunnar vegna mikillar innkomu gjaldeyris frá ferðamönnum minnkar í sjálfu sér hlutfallslega tekjur af hverjum viðbóta-ferðamanni og útflutningstekjum okkar. En þegar ferðamannastraumurinn minnkar með haustinu, minnkar innkoma gjaldeyris af honum, og það hefur þau áhrif að lækka gengi krónunnar, en þar með bjóðast einmitt ferðamönnum að utan betri kjör hér á ný, og það stuðlar þar með að einhverri fjölgun ferðamanna, auk þess sem útflutningsgreinunum vegna þá betur. Þetta gerist vegna sveigjanleika krónunnar, en eins væri hægt að binda hana á nokkuð fastan hátt.

Og þessi prósentusamanburður Steina er einskis nýtur hér; þetta leiðir bara af eðli máls vegna mikils ferðamannastraums, sem einmitt var ekki hvað sízt af völdum gengislækkunar krónunnar árið 2008!

[Jón Valur Jensson, 22.9.2012 kl. 00:08]

... viðbótaR-ferðamanni ...

... útflutningsgreinunum vegnaR þá betur ...

selvfölgelig!

VIÐAUKI: Gengishækkun krónunnar í sumar kom líka til af auknum gjaldeyristekjum vegna makríls o.fl.

En þetta er nú eins og að minnast á snöru í hengds manns húsi - að nefna MAKRÍL hér! Eða eruð þið ekki í liði með stórveldinu sem var að samþykkja í "lýðræðislega" Esb-þinginu nær samhljóða að beita okkur ógnunum og viðskiptaþvingunum vegna lögmætra makrílveiða okkar?!

[Þorsteinn Briem, 22.9.2012 kl. 01:13]

"Fyrst andstæðingar aðildar Íslands að Evrópusambandinu á þessu bloggi eru svona gríðarlega vissir um að Evrópusambandið og evran séu að hruni komin hljóta þeir að samþykkja að leggja eina milljón króna inn á reikninginn minn um næstu áramót ef það gerist ekki.

Þögn er sama og samþykki.

Reikningsnúmerið mitt er 0311-26-6300.

Steini Briem, 5.8.2011 kl. 18:37"

[Þorsteinn Briem, 22.9.2012 kl. 01:28]

Frá því evruseðlar voru settir í umferð í ársbyrjun 2002 hefur gengi evrunnar gagnvart Bandaríkjadal HÆKKAÐ um 44% og breska sterlingspundinu um 28%.

OG VERÐ Á OLÍU ER SKRÁÐ Í BANDARÍKJADOLLURUM.

Árið 2011 HÆKKAÐI gengi evrunnar gagnvart íslensku krónunni um 3,38% og frá ársbyrjun 2006 hefur gengi evrunnar gagnvart íslensku krónunni HÆKKAÐ um 114%.

Og hér á Íslandi eru GJALDEYRISHÖFT.

[Þorsteinn Briem, 22.9.2012 kl. 02:25]

20.8.2012:

"Aðildarviðræður við ESB ganga vel

Í síðustu viku afgreiddi utanríkismálanefnd Alþingis samningsafstöðu í þremur köflum og hafa þar með 28 af 33 samningsköflum verið afgreiddir frá nefndinni.

Í þetta sinn voru það kaflar um umhverfismál, skattamál og byggðaþróun.

Nefndin ræddi einnig í síðustu viku stöðu viðræðnanna og skoðaði sérstaklega stöðuna í sjávarútvegs- og landbúnaðarmálum.

Einnig var sérstök umfjöllun um gjaldmiðlamálin sem voru afgreidd frá utanríkismálanefnd og síðan ríkisstjórn í sumar.

Nú eru opnir 18 kaflar í viðræðum við ESB en í árslok er stefnt að því að allt að 30 samningskaflar verði opnir af þeim 33 sem samið verður um.

Enginn bilbugur er á samningaliði Íslands í því að ná sem bestum samningi fyrir Ísland sem borinn verði undir þjóðina í þjóðaratkvæðagreiðslu.

Áhersla lögð á að opna sjávarútvegskaflann hið fyrsta

Utanríkisráðherra og samningamenn Íslands hafa lagt á það mikla áherslu við ESB að kaflinn um sjávarútvegsmál verði opnaður hið fyrsta en það hefur ekki gengið eftir hingað til.

Stefan Füle stækkunarstjóri ESB skýrði frá því í fjölmiðlum í síðustu viku að mynd yrði komin á sjávarútvegsmálin fyrir alþingiskosningarnar næsta vor."

[Þorsteinn Briem, 22.9.2012 kl. 02:28]

Það verður nú ekki samið til eilífðarnóns um veiðar úr makrílstofninum, frekar en öðrum flökkustofnum.

"Deilistofnar eru flökkustofnar, stofnar sem ekki eru staðbundnir, heldur flakka á milli lögsagna og þar með veiðisvæða, eins og til dæmis úthafskarfi, makríll, kolmunni og norsk-íslensk síld."

Norðmenn væru nú tæpast tilbúnir að gera samning til eilífðarnóns um að við Íslendingar fengjum að veiða töluvert úr makrílstofninum en eftir örfá ár gengi hann ekkert inn í íslensku lögsöguna.

[Þorsteinn Briem, 22.9.2012 kl. 02:40]

Aðild að makríldeilunni eiga Ísland, Evrópusambandið, FÆREYJAR OG NOREGUR.

Og enda þótt Færeyjar séu ekki í Evrópusambandinu eru þær í danska ríkinu, sem er í Evrópusambandinu, og Færeyjar fá árlega gríðarlega styrki frá Danmörku.

"20% of Faroe Islands' national budget comes as economic aid from Denmark, which is about the same as 50% of Faroe Islands' total expense budget."

The Faroe Islands

[Þorsteinn Briem, 22.9.2012 kl. 14:08]

"Sauðfjárbændur hafa tekið á sig verulegar aðfangahækkanir undanfarin ár.

Áburðarverð hefur þrefaldast, olía rÍflega tvöfaldast og rekstrarkostnaður í heild hækkað um rúm 170% frá 2005."

16.7.2011: Sauðfjárbændur svara Gylfa Arnbjörnssyni

[Þorsteinn Briem, 22.9.2012 kl. 14:13]

21.9.2012 (í gær):

Verðbólgan étur upp launahækkanir

[The Critic, 22.9.2012 kl. 16:38]

Jón Valur: Ferðamönnum bjóðast ekki betri kjör með falli krónunnar því hér hækkar allt þegar gengið veikist. Það er sjálfsblekking að halda því fram að hér sé ódýrt fyrir ferðamenn.

[Jón Valur Jensson, 22.9.2012 kl. 23:13]

Nei, það eru a.m.k. verulega miklu betri kjör fyrir þá hér en árið 2007.

En Steini spilar áfram á "rök munns og maga" *, af hverju vill hann þá ekki, að við verðum eitt ríkjanna í Bandaríkjunum? Þar er enn betra verðlag, t.d. á matvælum og á eldsneyti.

* Um leið virðir Steini algerlega að vettugi gildi þess að viðhalda hér sjálfstæðu og fullvalda ríki með fulla stjórn á sínum auðlindum. Skyldulestur fyrir hann: Ragnar Arnalds: Sjálfstæðið er sívirk auðlind, Rv. 1998 (um Esb-mál fyrst og fremst; bókin fæst hjá höfundi, sem er í símaskránni og á ja.is !

[Þorsteinn Briem, 23.9.2012 kl. 00:53]

Frá ársbyrjun 2006 hefur gengi evrunnar gagnvart Bandaríkjadollar HÆKKAÐ um 9,49% og gagnvart breska sterlingspundinu um 16,2%.

[Þorsteinn Briem, 23.9.2012 kl. 00:54]

15.5.2012:

"Á síðastliðnum 18 árum hafa stýrivextir Seðlabanka Íslands verið á bilinu 4,25% til 18%.

Bankinn hefur fjórum sinnum á tímabilinu hafið hækkunarferli sem staðið hefur frá 3 mánuðum upp í rúm 4 ár.

Óverðtryggð lán næm fyrir vaxtahækkunum

Ef vextir væru hins vegar mjög neikvæðir hætta Íslendingar að leggja fyrir og íbúðarkaupendur fá stórfé ókeypis frá börnum og gamalmennum, líkt og á áttunda áratugnum.

[Þorsteinn Briem, 23.9.2012 kl. 00:56]

Stýrivextir Seðlabanka Íslands hafa verið MUN HÆRRI en stýrivextir Seðlabanka Evrópu:

Stýrivextir hérlendis og á evrusvæðinu 2002-2007

Seðlabanki Evrópu ákveður stýrivexti á öllu evrusvæðinu og þeir eru nú 0,75% en stýrivextir Seðlabanka Íslands 5,75%.

Og hér á Íslandi eru GJALDEYRISHÖFT.

Á Írlandi eru hins vegar ENGIN GJALDEYRISHÖFT, enda er evran gjaldmiðill Íra.

Áttatíu prósent Íra ánægð með evruna

[Þorsteinn Briem, 23.9.2012 kl. 00:58]

Stýrivextir Seðlabanka Íslands voru komnir í 18% haustið 2008 og verðbólgan var 18,6% í janúar 2009, þegar Davíð Oddsson var ennþá bankastjóri Seðlabankans.

Og verðbólgan hér var 84% árið 1983 þegar Ragnar Arnalds, átrúnaðargoð Jóns Vals Jenssonar, var fjármálaráðherra.

Grikkir og Írar hafa því ENGAN áhuga á að leita í hans smiðju varðandi "sjálfstæði" smárra gjaldmiðla og 80% Íra eru ánægð með evruna.

EF Írar og Grikkir vildu hins vegar segja sig úr Evrópusambandinu og hætta að nota evruna sem gjaldmiðil sinn væru þeir búnir að því.

Áttatíu prósent Íra ánægð með evruna

[Þorsteinn Briem, 23.9.2012 kl. 01:00]

Verð á íslenskum sjávarafurðum hefur verið hátt erlendis undanfarin ár og verður það áfram vegna mikillar eftirspurnar.

Íslenskur sjávarútvegur hefur því enga þörf fyrir gengisfellingu íslensku krónunnar, sem hækkar hér verð á aðföngum, til að mynda skipum, varahlutum, olíu, veiðarfærum og kosti.

Og sömu sögu er að segja af öðrum útflutningsgreinum hér, til að mynda iðnaði og ferðaþjónustu, þar sem lækkun á gengi íslensku krónunnar þýðir til dæmis verðhækkun á bifreiðum, tækjum, varahlutum, olíu og bensíni.

Og í landbúnaði hækkar gengisfelling íslensku krónunnar verð á til að mynda dráttarvélum, olíu, varahlutum, tilbúnum áburði og kjarnfóðri.

Þar af leiðandi hækkar hér verð á sjávarafurðum, iðnaðar- og landbúnaðarvörum, svo og innfluttum byggingavörum, verðbólgan eykst því og öll verðtryggð lán hækka.

Sjómenn jafnt sem forstjórar þurfa þar af leiðandi að greiða hér hærra verð en áður fyrir til dæmis matvörur, bifreiðar, bensín, varahluti og íbúðarhúsnæði.

Allir launamenn krefjast því launahækkunar til að vega upp á móti gengisfellingunni.

Og að sjálfsögðu eru Hádegismórarnir og aðrir "Sannir Íslendingar" hrifnir af því.

Þeim finnst gott að pissa í skóinn sinn.

Það er hlýtt og notalegt.

[Þorsteinn Briem, 23.9.2012 kl. 01:04]

10.9.2012:

Afar óhagkvæm Íslandslán: Séríslenskt fyrirbrigði sem hvetur til óhóflegrar skuldsetningar

[Þorsteinn Briem, 23.9.2012 kl. 01:08]

10.9.2012:

Leysir engan vanda að banna hér verðtryggingu - Blátt bann bjargar engum

[Þorsteinn Briem, 23.9.2012 kl. 01:12]

9.9.2012:

22% Spánverja vilja peseta á ný en 70% vilja evruna