Stóru fyrirtækin flýja haftakrónuna - fleiri gera upp í Evrum en dollar

Viðskiptablaðið birtir athyglisverða frétt um gjaldmiðilsmálin, sem hefst svona:

"287 félög hafa heimild til að gera upp og semja ársreikning í erlendri mynt fyrir árið 2011. Þetta kemur fram í Tíund, fréttablaði Ríkisskattstjóra. Af þessum félögum gera flest upp í evru og næst flest í bandaríkjadal sem er ólíkt því sem verið hefur.

Þetta er ekki nema lítið brot af heildarfjölda íslenskra félaga en veltutölur þeirra benda þó til að hér sé um mörg stærstu félög landsins að ræða en árið 2010 var heildarvelta þessara félaga um 20,9% af heildarveltu allra íslenskra félaga."

Í frétt fyrir rúmu ári síðan um sama máli, í sama blaði segir:

"Alls hafa 137 félög fengið heimild Ríkisskattstjóra til að gera upp og skila ársreikningum í evrum. Ásókn á síðustu árum hefur verið talsverð. Á árunum 2008 til 2011 hafa 72 félög sótt um og fengið heimild til að færa bókhaldið í evrum, samkvæmt upplýsingum frá Skúla Eggert Þórðarsyni ríkisskattstjóra. Í dag eru fyrirliggjandi hjá Ársreikningaskrá umsóknir fjögurra félaga um að gera upp í evru. Fjögur önnur vilja gera upp í bandarískum dollar.

Á mynd sem fylgir greininni sést að fleiri fyrirtæki gera nú upp í Evrum en dollar, miðað við 2011. Einnig má í raun segja að þau fyrirtæki sem gera upp í dönskum krónum, geri upp í Evrum, þar sem danska krónan er beintengd gengi Evrunnar. Sá fjöldi félaga sem gerir upp í Evrum hefur tvöfaldast frá árinu 2007.

Athugasemdir

[Sigurgeir Jónsson, 9.10.2012 kl. 03:27]

Hvað gera mörg fyrirtæki í Danmörku upp í evrum.Þarf ekki að segja frá því.Er það nokkurt .Og af hverju gera þau ekki upp í evrum ef evran er besti gjaldmiðill í heimi, eftir því sem aftaníossar ESB halda fram.Nei við ESB.

[Sigurgeir Jónsson, 9.10.2012 kl. 03:30]

Á ekki líka að segja frá því hvað mörg fyrirtæki gera upp í evrum í Svíþjóð eða Noregi. Nei við ESB.

[Jón Frímann Jónsson, 9.10.2012 kl. 06:12]

Sigurgeir Jónsson, Dönsk fyrirtæki hafa enga ástæðu til þess að gera upp í evrum. Danska krónan er á föstu gengi við evruna. Þannig að fyrirtækin geta alltaf treyst á að €1 = 7,46DKK með +- 2,5% vikurmörkum.

Sama gildir um fyrirtæki í Svíþjóð og Noregi. Nema að þar er ekki fastgengi gagnvart evrunni eins og í Danmörku.