Við stöndum á tímamótum

Magnús Orri Schram, þingmaður, gaf fyrir skömmu út bókina, Við stöndum á tímamótum, þar sem hann veltir fyrir sér viðfangsefnum stjórnmálanna í víðum skilningi.

Um er að ræða einskona "manifesto" upp á tæpar 140 síður og fer Magnús víða, eins og bent hefur verið á.

Magnús Orri er einn af okkar nýjustu þingmönnum, en hann settist á þing fyrir Samfylkinguna í kjölfar kosninganna árið 2009.

Bókin er lipurlega skrifuð, enda hefur Magnús Orri einnig ritað fjölmargar greinar í dagblöð um málefni líðandi stundar. Veröld gefur út.

Athugasemdir

[Sigurgeir Jónsson, 16.10.2012 kl. 22:23]

Magnús Orri stendur á tímamótum og skynjar að það er ekki allt sem sýnist varðandi ESB umsóknina.Það er greinilega komin upp ný staða hvað varðar Samfylkinguna,og ESB .Kanski eru þeir tímar að renna upp fyrir mönnum eins og Magnúsi Orra að þeir viðurkenni að ESB umsóknin var gönuhlaup.Nei við ESB umsókn Íslands.

[Þorsteinn Briem, 17.10.2012 kl. 04:47]

10.10.2012:

"Framkvæmdastjórn Evrópusambandsins telur aðildarviðræðurnar við Ísland á góðu róli og er þess fullviss að fundin verði lausn sem taki tillit til sérstöðu Íslands."

"Aðildarviðræðurnar gangi vel, enda sé íslensk löggjöf að stórum hluta í samræmi við regluverk Evrópusambandsins vegna aðildar Íslands að Evrópska efnahagssvæðinu og fullri þátttöku í Schengen-samstarfinu."

"Næsta ríkjaráðstefna Íslands og Evrópusambandsins verður í Brussel 24. október næstkomandi og gert er ráð fyrir opnun nokkurra samningskafla á þeirri ráðstefnu."