Evrópa, Evran og allt það!

Á vefnum hjá Já-Íslandi stendur: "Í hádeginu, milli klukkan 12 og 13, miðvikudaginn 21. nóvember fer fram opinn fundur í fundarsal Þjóminjasafns Íslands um áhrif evrukrísunnar í víðu samhengi.

Þó að efnahagskrísan í Evrópu hafi mest áhrif á löndin sem taka þátt í myntsamstarfinu þá vakna engu að síður spurningar um framtíð Evrópusambandsins alls í kjölfarið. Hverjar verða breytingarnar til lengri tíma litið? Mun Evrópa læra af mistökunum og finna leiðir til nánara samstarfs eða mun álfan veikjast til frambúðar? Hvaða þýðingu hefur efnahagskrísan fyrir framtíð Evrópu í alþjóðasamfélaginu og munu samskiptin við valdamikla gerendur á alþjóðasviðinu breytast?

Dr. Andrew Cottey er Jean Monnet prófessor í Evrópufræðum við Cork háskólann á Írlandi. Hans sérsvið er varnar- og öryggismál. Hann kemur oft til Íslands sem gestakennari og hefur sömuleiðis iðulega haldið erindi á opnum málstofum á vegum Alþjóðamálstofnunar Háskóla Íslands.

Fundarstjóri er Alyson Bailes, stjórnarformaður Alþjóðamálstofnunar Háskóla Íslands. Fundurinn fer fram á ensku."

Athugasemdir

[Sigurgeir Jónsson, 21.11.2012 kl. 11:51]

Bragð er að þá barnið finnur.Írinn er það heiðarlegur að hann viðurkennir upplausn ESB.Við eigum að hlusta á hann og varast að koma okkur í meiri vandræði en við erum í,með því að ganga í ESB.Nei við ESB.