Sjúkdómsgreiningin staðfest: Skammdegisþunglyndi!

Í frétt á RÚV segir: "Jón Bjarki Bentson,hagfræðingur greiningar Íslandsbanka, segir að það sé svona skammdegisþunglyndi sem grípi krónuna um þessar mundir, fyrstu mánuðir ársins séu erfiðir fyrir hana. Allt flæði frá ferðamannaiðnaðinum sé í lágmarki á sama tíma og afurðarverð hafi lækkað verulega á mörkuðum erlendis, sérstaklega þar sem Íslendingar eigi mikilla hagsmuna að gæta."

Við hér á ES-blogginu vorum einmitt á þessum nótum um daginn og er Greining Íslandsbanka greinilega alveg sammála okkur.

Getur alvöru, nútíma, efnahagskerfi haft gjaldmiðil sem er haldinn skammdegisþunglyndi?

Þarf viðkomandi gjaldmiðill ekki að vera stálsleginn allan ársins hring?

Athugasemdir

[Sigurgeir Jónsson, 17.1.2013 kl. 18:38]

Evrópusamtökin þjást ekki af þunglyndi þegar krónan fellur.Þau kætast þrátt fyrir að íslenska þjóðin verði í kjölfarið fyrir versnandi lífskjörum með aukinni verðbólgu.Og krónan á eftir að falla og falla.Og Evrópusamtökin að kætast og kætast.Allt lítur út fyrir að Evrópusamtökin tryllist af kátínu.Og endi á geðveikrahæli.Til að koma í veg fyrir það og bjarga íslensku þjóðinni á að hefja strax viðræður við Bandaríkjamenn eða Kanada um upptöku annarshvors gjaldmiðils þessara þjóða.Nei við ESB.