SA: Gjaldeyrishöftin eru sem krabbamein í efnahagslífi Íslendinga!

Samtök atvinnulífsins, SA, sendu frá sér þann 17.1 mjög kröftugt fréttabréf, en hluti þessi hljómar svona:

"Gjaldeyrishöftin eru sem krabbamein í efnahagslífi Íslendinga. Þau eru bein yfirlýsing og viðurkenning íslenskra stjórnvalda á því að íslenska krónan sé óáreiðanlegur gjaldmiðill sem beri að varast. Atvinnulífið og fjárfestar hljóta að taka mark á þessu og afleiðingin er eilífur gjaldeyrisskortur og þrýstingur á gengi krónunnar. Gera má ráð fyrir að gengi krónunnar í höftum fari stöðugt lækkandi, með árstíðabundnum sveiflum, en það veit ekki á gott fyrir verðbólguna. Við bætist að það mikla fé í eigu útlendinga sem haldið er föstu hér í landinu er á beit á íslenskum vöxtum og því stækkar sífellt vaxtareikningurinn sem erlendir aðilar senda þjóðinni.

Því hefur verið haldið fram að íslenska þjóðin rísi ekki undir þeirri skuldabyrði sem á henni hvílir vegna eigna erlendra aðila í íslenskum krónum. Því þurfi höftin. En vandamálið heldur bara áfram að vaxa með áframhaldandi höftum. Þannig er verið að hlaða mikla sprengju sem á endanum springur í andlitið á þjóðinni. Því þarf að afnema höftin hið allra fyrsta."

Í lokin segir: "Öll skilaboð um að ekki eigi að afnema gjaldeyrishöftin innan tilsetts tíma veikja tiltrú á Íslandi, bæði innan lands og utan, og vinna gegn því að hægt sé að byggja upp kröftugt og nútímalegt atvinnulíf hér á landi."

Og það versta er: Enginn hefur hugmynd um þá upphæð sem höftin hafa kostað íslenskt samfélag! En allir vita afleiðingarnar.

Athugasemdir

[Marteinn Unnar Heiðarsson, 18.1.2013 kl. 20:32]

Og hverjum er það að kenna??held nú að það sé núverandi ríkisstjórn að kenna sem afhenti erlendum vogunarsjóðum bankana því draumurinn er svo mikill í að komast í sukkið í ESB að það skal látið bitna á almenningi....

[Sigurgeir Jónsson, 18.1.2013 kl. 21:31]

Evran er dauð segir Esko Aho, fyrrverandi forsætisráðherra Finnlands. Segir Angela Merkel það á morgun.Nei við ESB.

[Sigurgeir Jónsson, 18.1.2013 kl. 21:35]

Ef gengið verður að kröfu ESB og AGS um að aflétta höftunum,byrjar fall krónunnar fyrst fyrir alvöru.Og hrun landsins.Út með krónu.Inn með dollar.Til andskotans með evru.Nei við ESB.