Forseti hverra er forsetinn?

Forseti Íslands, sem samkvæmt hefð, er sameiningartákn íslensku þjóðarinnar, fer mikinn í Davos þessar dagana og hefur látið frá sér mjög neikvæð ummæli um ESB og veðjar gegn aðild Íslands að sambandinu.

Núverandi forseti virðist gefa lítið fyrir hefðir og virðist mikið í mun að fá athygli og hella sér yfir fyrrum þjóðarleiðtoga (sem þegar hafa fengið að heyra það!) og nudda salti í sárin.

En það "merkilegasta" við þetta er að hinn stór-pólítíski forseti þjóðarinnar virðist algerlega genginn í NEI-liðið og það vill ekki hugsa þá hugsun til enda að íslenska þjóðin fái aðildarsamning á borðið, til þess að kjósa um í þjóðaratkvæðagreiðslu!

Helstu NEI-sinnar hoppa hæð sína í loft upp af gleði, enda búnir að fá talsmann sem fer á kostnað almennings um alla veröld og breiðir út sinn pólitíska boðskap, sem virðist alls ekki vera sniðinn fyrir hag allra landsmanna, heldur eingöngu sérhagsmunahópa hérlendis. Sem láta almannahagsmuni sig litlu skipta.

Forseti hverra er forseti Íslands?

Athugasemdir

[Sigurgeir Jónsson, 24.1.2013 kl. 11:55]

Forseti Íslands er ekki forseti ESB.Það eiga Evrópusamtökin að geta séð.Evrópusamtökin eiga líka geta séð að það sem þau kalla Nei sinna vilja fá að kjósa strax eða sem fyrst um ESB aðild.Það er lýgi að ESB fólk á Íslandi vilji ekki kjósa um aðild.ESb hefur í raun stöðvað viðræðurnar tl að koma í veg fyrir að íslendingar fái að kjósa um aðild.Fyrst var sagt að kosið yrði eftir eitt og hálft ár.Nú segir ríkisstjórnin og ESB að allt í lagi sé að kjósa eftir 3,4,5,6,7,8,9 eða eftir einhver x ár.ESB á að ráða ferlinu.ESB fór að ræða við Tyrki fyrir fimmtán árum.Tyrkir hafa ekki enn fengið að kjósa.Krafa nei sinna getur til dæmis verið sú að kosið verði um aðild í síðasta lagi eftir 1 ár, hvort sem að verði um aðild með einhverjum "samningi" eða ekki.Nei við ESB.

[Sigurgeir Jónsson, 24.1.2013 kl. 11:58]

Á að "að fólk á Íslandi sem hafnar ESB aðild vilji ekki kjósa um aðild". Nei við ESB.