Svíar, uppsagnir og gengisfelling

Samkvæmt fréttum hefur bylgja af uppsögnum gengið yfir Svíþjóð frá því í haust og allt að 70.000 manns verið sagt upp störfum. Mest hefur þetta komið niður á suðurhluta landsins, þar sem mikið er um allskyns smáiðnað og fyrirtæki sem sjá stærri aðilum fyrir vörum og þjónustu.

Svíar eru með sjálfstæða mynt og samkvæmt hagspekingum "Krónusinna" ættu þeir því ekki að hugsa um neitt annað en að fella gengið snarlega (nota "sveigjanleika" gjaldmiðilsins) og þannig auka samkeppnishæfnina.

En munu Svíar gera það? Nei, það er nánast útilokað. Sænskum ráðamönnum þykir nefnilega vænna um gjaldmiðil sinn en svo að þeir séu sífellt að minnka andvirði hans.

Það er eitthvað annað en meðferðin á íslenska gjaldmiðlinum, sem tapað hefur 99,5% af upprunalegu andvirði á innan við 100 árum, frá fullveldinu árið 1918. Saga Íslands í gjaldmiðilsmálum er nefnilega saga rýrnunar krónunnar.

Kallast þetta ekki ofbeldi?

Athugasemdir

[Sigurgeir Jónsson, 24.1.2013 kl. 15:22]

Þetta er bull.Sænska krónan er á frjálsum markaði og sænsk stjórnvöld ráða því ekki hvort hún fellur þennan daginn eða hinn.Allt er það samkvæmt ESB reglum um frjálst flæði fjármagns.Síðuritari Evrópusamtakanna verður að fara á námskeið hjá ESB. Nei við ESB.