Sigurlaug Anna Jóhannsdóttir um hagkerfi í ógöngum í FRBL

Sigurlaug Anna Jóhannsdóttir, framkvæmdastýra hjá Já-Ísland, skrifar fína grein í FRBL þann 21.1 og þar segir hún meðal annars:

"Vaxtakostnaður Íslendinga vegna íslensku krónunnar er óásættanlegur. Mat Alþýðusambandsins og Viðskiptaráðs Íslands á fjármagnskostnaði vegna íslensku krónunnar er 4%-4,5% að meðaltali á ári til langs tíma. Það eru þeir vextir sem Íslendingar greiða, svokallað Íslandsálag, umfram evrulöndin, Bandaríkin o.fl. lönd vegna verðbólgu, verðtryggingar og óstöðugleika sem rekja má til krónunnar vegna smæðar hennar.

Skuldir ríkissjóðs eru 1.500 milljarðar. Gróflega reiknað má gera ráð fyrir því að aukakostnaður ríkissjóðs vegna Íslandsálagsins sé um 60 milljarðar á ári. Ef við veltum bara fyrir okkur 60 milljarða aukavaxtakostnaði ríkisins vegna íslensku krónunnar má til samanburðar nefna að rekstur Landspítalans kostar árlega 30 milljarða. Þessi vitneskja er óbærileg þegar niðurskurður og ástandið í heilbrigðiskerfinu er haft í huga. Um 3,8% af landsframleiðslunni fara í Íslandsálagið vegna skulda ríkissjóðs.

Samanlagðar skuldir ríkissjóðs, heimila og fyrirtækja á Íslandi eru 5.200 milljarðar. Íslandsálagið af öllum þessum skuldum var 221 milljarður árið 2011. Þessi aukakostnaður er gríðarlegur og er meiri en rekstur alls heilbrigðiskerfisins. Það munar um minna.

Þeir sem þekkja þessa stöðu hafa fyrir löngu gert sér grein fyrir því að við þetta geta heimilin og atvinnulífið í landinu ekki búið. Stór hópur þjóðarinnar sér að þessi viðfangsefni verða ekki leyst öðruvísi en með upptöku evru og inngöngu í Evrópusambandið."

Athugasemdir

[Sigurgeir Jónsson, 22.2.2013 kl. 21:39]

Minnka skuldirnar við það að aflétta höftum einn tveir og þrír og fá inngöngu í ESB eftir 3-5 ár eftir að hafa afhent ESB allar aulindir Íslands.Og bíða svo í 10 ár eða meira eftir að fá evru.Nei, skuldirnar vaxa.Já- ísland er greinilega nýkomið úr veitingahúsi Jóns Gnarr.Nei við ESB.

[Sigurgeir Jónsson, 22.2.2013 kl. 21:41]

En hver skrifaði greinina í Fréttablaðið.Er hún kanski frá Jóni nokkrum Ásgeiri ættuð.Nei við ESB.