Jörðin er flöt!

Nú er "ritskoðunarsinninn" Vigdís Hauksdóttir alveg að missa sig yfir ESB-málinu og hatur hennar á ESB og öllu sem því tengist virðist næsta takmarkalaust.

Vigdís er ein af þeim sem í alvöru talar um að láta loka Evrópustofu. Vinnubrögð sem þessi tíðkast helst í ríkjum sem einkennast af einhverju allt öðru en lýðræði og opinni umræðu.

Í fyrirspurnartíma á Alþingi gekk Vigdís svo skrefinu lengra og sagði að starfsmenn Evrópustofu færu um landið og reyndu að heilaþvo landsmenn! Um þetta var fjallað í hádegisfréttum RÚV þann 8.3.

Í viðtali á Útvarpi sögu um daginn sagði Vigdís einnig að einn helst hvatinn að ESB-málinu væri embættismannakerfið og þar hefðu menn vonir um að fá feitar stöður í Brussel. Í sama viðtali sagði hún að einkavæðing íslensku bankanna hefði fariðí gangn vegna krafna sem kæmu frá EES-samningum. Sem er að sjálfsögðu kolrangt, hvort tveggja.

Þegar fólk fer um ljósvakann með jafn mikið bull og þetta, veit maður ekki hvort maður á að hlæja eða gráta!

Og það versta er kannski að í kjölfar kosninganna er alvöru hætta á því að umræddur þingmaður verði ráðherra!

Guð blessi Ísland!

Athugasemdir

[Árni Gunnarsson, 8.3.2013 kl. 17:47]

Jörðin er flöt og engin framtíð bíður jarðarbúa sem ekki hnipra sig saman inni í Evrópusambandinu. Fólk sem býr ekki við atvinnuleysi veit ekki af hverju það hefur misst.

[Jón Páll Haraldsson, 8.3.2013 kl. 18:27]

Gerir Vigdís sér ekki grein fyrir því að hún er að nýta sér sitt tjáningarfrelsi til að hafta tjáningarfrelsi annara? Það er kannski ekki skrítið að Vigdís og sumir af hennar semferðamönnum á þingi eigi svona erfit með að vinna við nýja stjórnaskrá þar sem jafnrétti; til tjáninga, menntunar og upplýsinga má ekki vera jafn öllum. Gamala tuggann. Allir er jafningar nema þeir sem eru aðeins meira jafnir

[Hrólfur Þ Hraundal, 8.3.2013 kl. 21:29]

Hvaðan kemur ykkur sú hugmynd  að um hatur sé að ræða?

Ætli einhverjir hefðu ekki vilja láta loka Bandaríkjastofu með dollara hefði hún verið til?  Ætli einhverjir hefðu ekki viljað láta loka Sovétstofu með rúblur hefði hún verið til?

Er það rangt að einhverjir hafi vonir um feitar stöður í Brussel? 

Af hverju skildi vera hætta á því að Vigdís verði ráðherra?

[Elle_, 9.3.2013 kl. 00:52]

Hvaða 'tjáningarfrelsi' er verið að hefta með að banna Brusseláróðursstofu í landinu?   Hvað finnst pistilhöfundi og Jóni Páli um að banna Bandaríkjaáróður eða Rússaáróður eða hvaðanæva sem við hin kysum, um yfirtöku landsins með peningamútum í öllum skúmaskotum?  Já, jörðin er flöt og hárrétt hjá Vigdísi.  Vigdís skilur það sem þið ekki skiljið. 

Hvaða heimtingu eigið þið, mikluminnihlutinn, eiginlega á að hafa hina rangnefndu ' Evrópu'stofu og eða á e-m 'samningi' við Brusselveldið?

[Elle_, 9.3.2013 kl. 01:03]

Og Jón Páll, eitt enn: Þjóðin bað aldrei ALDREI um nýja stjórnarskrá.  Það er stolið vald.

[Jóhann Elíasson, 9.3.2013 kl. 09:42]

Það er ekkert venjulegt bullið sem kemur frá þessum armi INNLIMUNARSINNA.  Þetta er grátbroslegt bull eins og svo oft kemur frá þeim félögum, stundum getur maður ekki annað en vorkennt svona þröngsýnum hálfvitum..

[Evrópusamtökin, www.evropa.is, 9.3.2013 kl. 11:10]

Hrólfur: Vigdís er sú manneskja hér á landi sem mest talar um að ESB sé að hrynja. Ekkert bólar hinsvegar á því.

[Elle_, 9.3.2013 kl. 12:40]

Hversu flöt sem jörð vegvilltra nú er, ætti það að vera forgangsmál okkar hinna, með hjálp Vigdísar, að loka hinni rangnefndu 'Evrópu'stofu og koma þessu erlenda Brusselveldi nokkurra heimsvelda úr aðstöðu fyrir lygaáróðri um landið okkar.  Það kemur ekkert hatri við. 

Þau mega ekki fá að fara um landið og halda ræður eins og þau væru forsetinn.

[Sæmundur G. Halldórsson , 10.3.2013 kl. 04:08]

Hrólfur: Bandaríkjastofa með sína dollara var til og Sovétstofa með rúblur sömuleiðis. Ég man vel eftir upplýsingastofu Bandaríkjanna sem var fyrst til húsa í Hótel Sögu en seinna við Neshaga. MIR var sömuleiðis með mikla upplýsinga- eða áróðursstarfsemi eftir því sem á er litið. Ég veit ekki til að nokkur maður hafi lagt til að þessum skrifstofum yrði lokað. Verðum við ekki að loka Norræna húsinu líka? Þar fer fram gegndarlaus áróður fyrir norrænu samstarfi og yfirleitt er þar minnt á tilvist Norðurlanda og menningu þeirra og samfélag. Sannir Íslendingar hljóta að mótmæla hástöfum.

[Kristinn Snævar Jónsson, 10.3.2013 kl. 13:52]

Fyrirspurn til Evrópusamtakanna:

Þið fullyrðið m.a. eftirfarandi í þesum pistli:

"Í sama viðtali sagði hún að einkavæðing íslensku bankanna hefði fariðí gangn vegna krafna sem kæmu frá EES-samningum. Sem er að sjálfsögðu kolrangt, hvort tveggja."

Þið vænið síðan Vigdísi Hauksdóttur um "mikið bull", en á hverju byggið þið þegar þið segið að það sem eftir henni er haft sé "kolrangt"?

Hvað eigið þið við þegar þið tjáið ykkur um það að í kjölfar væntanlegra kosninga sé "alvöru hætta" á að þjóðin kjósi á einn eða annan veg? Meinið þið að íslenskri þjóð sé hætta búin af lýðræðislegum kosningum?

[Evrópusamtökin, www.evropa.is, 10.3.2013 kl. 14:56]

KSJ: Mælum með að þú lesir pistilinn aftur. Þjóðinni stendur ekki hætta af lýðræðislegum kosningum, heldur fólki sem vill stunda ritskoðun og loka lýðræðislegum stofnunum.