Í gin ljónsins!

Frést hefur af ferð vaskra manna til útlanda, en þetta ku vera hópur NEI-sinna, sem eru að fara til Brussel til að kynna viðhorf Íslendinga í ESB-málinu.

Þeir ætla væntanlega að segja þeim að mikill meirihluti Íslendinga (61%) vill klára aðildarviðræðurnar og um 71% af ungu fólki vill gera slíkt hið sama.

Í hópnum eru menn sem gagnrýnt hafi hið opna ferli sem ESB-málið er og sagt það vera "lokað" og "ógagnsætt" - sem er að sjálfsögðu ekki rétt. Sem og að slíta aðildarviðræðum.

Okkur hlakkar því til að lesa skýrslu þessa hóps, sem er svo hugaður að stinga höfðinu í gin ljónsins, sem væntanlega verður gerð opinber þegar þeir snúa heim.

Vonandi vel upplýstir um stöðu mála. 

Athugasemdir

[Sigurgeir Jónsson, 20.3.2013 kl. 14:58]

Að sjálfsögðu var tími til kominn að ESB væri kynnt hin raunverulega staða mála varðandi viðræður um ESB aðild Íslands.Ekki síst það að íslendingar munu að öllum líkindum fara af stað með viðræðurnar af fullum krafti eftir kosningar með það að markmiði að það lyggi ljóst fyrir áður en árið er liðið hvort líkur séu á að einhver"samningur"geti legið á borðinu innan árs, sem hægt sé að leggja fyrir íslensku þjóðina.Ef engar líkur séu á samningi muni íslendingar slísta viðræðunum.Nei við ESB.

[Evrópusamtökin, www.evropa.is, 20.3.2013 kl. 15:38]

Auðvitað á að klára málið. Langar þig ekki að kjósa og segja Nei við ESB? Því þú vilt alveg öugglega búa við ónýtan gjaldmiðil, háa vexti og verðbólgu, sem og vertryggingu. Matvöruverðshækkanir, ógagnsæi á markaði, litla samkeppni og fleira og fleira....