Fyrislestrar á næstunni + grein eftir Þorkel Sigurlaugsson

Alþjóðamálastofnun HÍ, stendur fyrir tveimur áhugaverðum fyrirlestrum dagana 3. og 5. apríl, í samvinnu við sendiráð Frakklands á Íslandi og Evrópustofu. Sjá nánar á vefsíðunni: www.ams.hi.is

Bendum einnig á góða grein eftir Þorkel Sigurlaugsson, þar sem hann segir m.a.:

"Á landsfundi Sjálfstæðisflokksins í febrúar sl. var samþykkt tillaga þess efnis að hætta beri viðræðum við Evrópusambandið og ekki taka aftur upp viðræður fyrr en að lokinni þjóðaratkvæðagreiðslu. Á landsfundi þar á undan hafði verið samþykkt að gera hlé á viðræðunum og að þær færu ekki aftur af stað fyrr en að lokinni þjóðaratkvæðagreiðslu. Mikill munur er á því að hætta viðræðum og gera hlé á þeim.

Það er undarleg stefna að slíta viðræðum við Evrópusambandið og ætla svo að kjósa einhvern tíma á fyrri hluta næsta kjörtímabils um það hvort óska eigi aftur eftir viðræðum. Það veikir mjög samningsstöðuna að óska eftir að hefja hugsanlega viðræður að nýju að lokinni þjóðaratkvæðagreiðslu."

Athugasemdir

[Sigurgeir Jónsson, 28.3.2013 kl. 09:04]

ESB heldur fyrirlestra um ágæti sitt.Nei við ESB.

[Jón Valur Jensson, 28.3.2013 kl. 21:30]

Það er sorglegt, að jafn-vænn maður og Þorkell Sigurlaugsson, er ekki meira á varðbergi gagnvart gleypugangi Evrópusambandsins en þetta.

Hann virðist ennfremur ekki hafa meðtekið stefnu landsfundarins rétt. Þar var EKKI samþykkt að "ætla svo að kjósa einhvern tíma á fyrri hluta næsta kjörtímabils um það hvort óska eigi aftur eftir viðræðum." Það var ekkert talað um þann möguleika sem neitt sérstaklega nálægan í tíma og rúmi, heldur að HÆTTA bæri viðræðunum STRAX. Ef hins vegar rætt yrði e-n tímann seinna um tillögur um nýja umsókn, þá ætti slíkt ekki að eiga sér stað, nema þjóðin fengi fyrst tækifæri til kjósa með eða móti slíkri umsókn. En þann lýðræðislega rétt þjóðarinnar misvirti Samfylkingin 2009, hún felldi allar tillögur um slíka kosningu þá.

En aðalatriðið í máli mínu hér á undan er þetta: Landsfundur bað EKKI um neina nýja umsókn á næsta kjörtímabili og hafði í raun engan áhuga á neinni nýrri umsókn, heldur að senda þessa Össurarumsókn út í hafsauga eða réttara sagt í pappírstætarann.

Það er einörð og góð stefna, ólíkt vakli og vesaldómi BB í þessu máli, að ekki sé talað um stefnu Hönnu Birnu varaformanns gegn vilja landsfundar um lokun 230 milljóna áróðursapparatsins "Evrópustofu".

Þvílík flokksforysta!