Evrópusinnaður viðskiptaráðherra

Þannig hljómuðu lokaorð spyrjanda í kvöldfréttum Stöðvar 2, þar sem talað var við Björgvin G. Sigurðsson viðskiptaráðherra. Þar viðraði Björgin enn og aftur skoðanir sínar á því að Ísland ætti að ganga í Evrópusambandið og taka upp evruna, en bætti því nú við að það væri ljóst að þrátt fyrir að við gætum fellt niður verndartolla að einhverju leiti til að ná að lækka matvælaverð þá myndi það ekki lækka í alvöru fyrr en að Ísland gengi í Evrópusambandið. Þetta er skoðun sem margir aðilar eru að komast á þessa dagana, þar sem lækkunin sem varð á matvælaverði sem átti sér stað fyrr á árinu virðist vera algjörlega gengin til baka.

Viðtalið má finna á VefTV Visi.is, eða með því að smella á þennan hlekk. 

Bætt við 26 júlí; Visir.is eru með frétt um þetta í dag, sem má lesa hér.

Athugasemdir

[Hjörtur J. Guðmundsson, 28.7.2007 kl. 11:41]

Hvað segiði? Er Björgvin G. Sigurðsson Evrópusambandssinni??? ;)

[Jónas Tryggvi Jóhannsson, 28.7.2007 kl. 16:09]

Jámm, svo er víst. Og ekki nóg með það, heldur talar hann mjög frjálslega um það sem ráðherra í ríkistjórn, sem þýðir að líklegast er þetta fyrsti ráðherra Íslands sem segir beint; "Ísland ætti að ganga í ESB" - umbúðarlaust og fínt.

[Hjörtur J. Guðmundsson, 28.7.2007 kl. 23:26]

Minnir nú að Jón Baldvin hafi talað fyrir því líka og nokkrir framsóknarráðherrarnir fóru ansi nálægt því að tala fyrir því og gerðu það í raun. Hitt er svo annað mál að Björgvin ítrekaði líka það sem mikilvægara er að það er ekki á dagskrá ríkisstjórnarinnar að sækja um aðild að Evrópusambandinu. Við þær aðstæður skipta yfirlýsingar Björgvins í raun engu máli.