Íslenskur sjávarútvegur styrkist við ESB aðild

Ágæta áhugafólk um Evrópumál, mjög áhugaverð grein um sjávarútvegsstefnu Evrópusambandsins birtist í Morgunblaðinu á laugardaginn. Höfundur er Hjálmar Vilhjálmsson sem starfar við útgerðarfyrirtæki í ESB landi. Í greininni kveður við annan tón en venjulega þegar rætt er um sjávarútvegsstefnu Evrópusambandsins. Hjálmar segir meðal annars:

Við inngöngu í ESB yrði óvissa um nýtingarrétt minnkuð í íslenskum sjávarútvegi. ESB virðir eigna- og nýtingarrétt og sögulegur veiðiréttur íslenskra sjávarútvegsfyrirtækja væri ekki í uppnámi á fjögurra ára fresti. Reglan um hlutfallslegan stöðugleika (e. relative stability) tryggir aðildarríkjunum, sem og einstaka fyrirtækjum, fasta aflahlutdeild í heildarkvóta út frá sögulegum réttindum hvort heldur sem þau eru keypt eða áunnin. Sem forsvarsmaður fyrir útgerðarfyrirtæki innan ESB hef ég tekið virkan þátt í starfi sendinefnda sambandsins á sviði sjávarútvegsmála í alþjóðlegum fiskveiðinefndum. Jafnframt hef ég fylgst með vasklegri framgöngu íslenskra sendinefnda í sömu fiskveiðinefndum um áraraðir. Reynsla mín segir að rödd og áherslur Íslands í sjávarútvegsmálum muni hafa veigamikinn sess innan ESB gerist Ísland aðildarríki.

Athugasemdir

[Fannar frá Rifi, 21.10.2008 kl. 09:56]

sjávarútvegur í flestum ESB löndum er rekinn sem atvinnubótar vinna. ekki sem arðbær atvinnugrein eins og hér á landi.

Franskir sjómenn myndu mjög girnast Íslands mið og myndu sækja hart að sínum stjórnmálamönnum að hleypa þeim á miðin í kringum landið. 

En skrifstofustörfin í Brussel heilla ESB sinna. þau eru mikilvægari heldur en allt annað.