Jón Sigurðsson kveður sér hljóðs

Jón Sigurðsson lektor við HR og fyrrum ráðherra og seðlabankastjóri, skrifar skynsamlega og rökfasta grein inn á pressan.is í morgun. Þar fjallar hann um samningsmarkmið Íslands gagnvart Evrópusambandinu. Jón segir meðal annars:

,,Nú er tímabært að ræða málflutning Íslendinga og aðferð í aðildarsamningum við Evrópusambandið. Við eigum að nýta öll þau fordæmi sem fyrir hendi eru í regluverki sambandsins, en ekki eyða tíma og fyrirhöfn í að kynna þeim nýmæli af okkar hálfu umfram brýna þörf............Samkvæmt nálægðarreglu ber að haga stjórnun þannig að hún sé í höndum þeirra einna sem hvert málefni varðar beint. Samkvæmt reglu um stöðug hlutföll geta aðrar aðildarþjóðir ekki gengið að auðlindum sem þær hafa ekki nýtt á undangengnum árum. Samkvæmt reglum um ráðgefandi svæðisráð verða Íslandsmið sérstakt stjórnsvæði. Þetta mætir flestum meginsjónarmiðum Íslendinga á sviði sjávarútvegs og á öðrum sviðum."

Hægt er að lesa greinina á þessari slóð:

Fleiri greinar eftir Jón má finna hér:

http://www.evropa.is/2008/08/26/byggdaskattar-a-italiu/

http://www.evropa.is/2008/10/01/tjodrikjum-til-eflingar/

Athugasemdir

[Haraldur Hansson, 22.5.2009 kl. 13:36]

Þriðji punkturinn í pistli Jóns er alveg út í bláinn, útnáraákvæðið getur aldrei átt við um Ísland. Í næsta punkti, um eignarhald, eru bókanir Dana og Maltverja teknar sem dæmi, þó þær tengist ekki á nokkurn hátt atvinnurekstri. 

Þessi tveir punktar eru hvorki skynsamlegir né rökfastir og pistillinn í heild í slappari lagi.