Sjávarútvegsmál: Össur kynnir sér reynslu Möltu

Frá því var sagt í hádegisfréttum RÚV að Össur Skarphéðinsson, utanríkisráðherra, er staddur á Möltu til að kynna sér reynslu þeirra af sjávarútvegsmálum ESB. Malta gekk í ESB árið 2004 og fékk landið hagstæðar undanþágur og ákvæði fyrir sjávarútvegsmál. Össur hyggst kynna sér reynslu fleiri ríkja á ferð sinni.

RÚV/texti: http://ruv.is/heim/frettir/frett/store64/item276763/

Hlusta: http://dagskra.ruv.is/ras2/4435679/2009/06/02/6/

Frétt Malta Indpendent: www.independent.com.mt/news.asp?newsitemid=88924

Pressan.is

Athugasemdir

[Axel Jóhann Axelsson, 2.6.2009 kl. 15:18]

Þið eruð jafn gamansamir og Össur sjálfur, þegar þið segið:

  "Malta gekk í ESB árið 2004 og fékk landið hagstæðar undanþágur og ákvæði fyrir sjávarútvegsmál."

Heildarafli Maltverja á ári er innan við 2000 tonn af fiski, eða á við einn sæmilegan togara á Íslandi.  Að bera saman sjávarútveg á Möltu og sjávarútveg á Íslandi er svipað og að bera saman lambakjötsframleiðslu Íslendinga og Nýsjálendinga.

Menn bera þetta ekki saman, ef þeir vilja láta taka sig alvarlega.

[Evrópusamtökin, www.evropa.is, 2.6.2009 kl. 20:05]

Sæll Axel. Er þetta spurning um tonnafjölda? Eru það ekki "prinsippin" og ákvæðin sem skipta máli? Það felst enginn samanburður í þessu, þetta eru samningslegar staðreyndir sem eru settar fram. Maltverjar fengu ákvæði sem þó vernda þann litla sjávarútveg sem þar er að finna. Eins og þú örugglega veist er sjávarútvegur hvergi innan ESB sú grein sem "ber uppi" hagkerfi þjóða. Ef Ísland gengi inn, væri hinsvegar allt annað uppi á teningnum. Þetta er lykilatriði og ekki til sá Íslendingur sem vill fórna íslenskum sjávarítvegi. Vona það allavegna!