Engin spænsk innrás!

Þann 2. september ræddi Kristinn R.Ólafsson, fréttaritari RÚV á Spáni við Juan Carlos Fragueiro,yfirmann sjávarmála á Spáni. Í viðtalinu kemur fram að það verður ekki um að ræða neina spænska innrás á íslensk fiskimið. Juan Carlos Fragueiro segir einnig að yfirráð Íslands yfir fiskimiðunum muni ekki tapast. Um er að ræða áhugavert viðtal um það sem e.t.v. koma skal í samningaviðræðum, en þær verða væntanlega ekki eins og "að drekka vatn."

Hlustið á viðtalið hér

Athugasemdir

[Gísli Ingvarsson, 4.9.2009 kl. 11:31]

Æ koma spánverjarnir ekki og ryksuga upp fiskimiðin. Þvílík vonbrigði! Verða menn algerir aumingjar á því að gagna í ESB.

[Ómar Bjarki Kristjánsson, 4.9.2009 kl. 11:51]

Já, þarna kemur fram nefnilega það sem sumir hafa sagt ansi oft, að samkv. reglum ESB geta Spánverjar eigi farið fram á neinar veiðar hér enda náttúrulega blívur veiðireynsla og HS reglan.

Ennfremur bendir Juan Carlos á, afar skarplega, að ESB og Ísland hafa þegar samning varðandi veiðar, þ.e. Oporto samkomulagið (EES) og má greina það sjónarmið hjá honum, að það muni náttúrulega verða undirstaða eða útgangspunktur frekari viðræðna þar að lútandi. 

Nú, viðtalið birtist hvað - í fyradag minnir mig.  Enn hefur Heimssýn eigi skrifað greinarkorn (svo eg viti) og andsinnar ekki stungið niður sínum gífuryrðapenna.

En sjáum til.  Lengi er von á einum.

[Sigurjón Jónsson, 4.9.2009 kl. 15:00]

Ætli það sé ekki best fyrir ykkur að spyrja Breta og Frakka, hvernig þeim hefur gengið að eiga við Spánverjana.

Ég veit ekki betur en það séu stöðug átök og kvótahopp.

[Jón Frímann (IP-tala skráð) 6.9.2009 kl. 17:19]

Sigurjón Jónsson, Bretar og Frakkar eru í annari stöðu gagnvart Spánverjum en Íslendingar, og hafa alltaf verið.