Evran ,,hliðargjaldmiðill" í Svíþjóð

Það hefur ekki farið hátt í íslenskum fjölmiðlum (eins og margt annað utan úr heimi) en í Svíþjóð eru í gangi athyglisverðir hlutir með Evruna. Svíar felldu upptöku Evrunnar árið 2003, en upp á síðkastið hafa þær raddir gerst háværari um upptöku hennar. Einn stjórnarflokkanna, Þjóðarflokkurinn vill t.d. stefna að upptöku hennar sem fyrst.

 

Engu að síðar er Evran í notkun í Svíþjóð með opinberum hætt á tveimur stöðum, í borginni Haparanda og í kommúnunni Höganäs.

 

Haparanda er nyrst í Svíþjóð og liggur á landamærum Svíþjóðar og Finnlands, en Finnar tóku eins og kunnugt er upp Evruna þegar hún var innleidd. Það þykir því eðlilegasti hlutur í heimi á þeim bænum að nota Evruna.

 

Höganäs-kommúna er hinsvegar í S-Svíþjóð, tilheyrir Skáni. Í byrjun þessa árs var sett í gang verkefni þess efnis að nota Evruna sem ,,hliðargjaldmiðill” við sænsku krónuna. Sjálfur bærinn Höganäs fékk einnig titilinn ,,Euro-City”. Opinberlega hefur því kommúnan tekið upp Evruna sem gjaldmiðil og rökin eru m.a. þau að þetta geti verið þægilegt fyrir ferðamenn sem koma til staðarins og einnig þá Svía sem koma með Evrur heim úr ferðalögum um Evrusvæðið.

 

Hægt er að nota Evruna til kaupa á vörum og þjónustu, taka út Evrur í hraðbönkum o.s.frv. Þetta er því samvinnuverkefni allra aðila sem koma að verslun og viðskiptum í kommúnunni. Öll verð eru því birt í Evrum og sænskum krónum.

 

Sá sem hefur drifið þetta mest áfram er fulltrúi Hægriflokksins í Höganäs-kommúnu, Peter Kovacs, kallaður ,,Mr Euro,” sem jafnframt er formaður bæjarstjórnarinar. Þetta framtak Kovacs hefur m.a. fengið markaðssetningarverðlaun fyrir árið 2009.

Hann vill gera NV-hluta Skánar að ,,Evrusvæði" og hefur fengið tillagan fengið athygli á svæðinu. Um þetta hefur verið fjallað í öðrum kommúnum og m.a. myndi Helsingborg falla inn í þetta svæði. Þar búa um 300.000, eða jafnmargir og á Íslandi.

 

Athugasemdir

[Axel Jóhann Axelsson, 24.10.2009 kl. 12:35]

Er þetta ekki bara ein enn sönnunin um það, að ESB sinnar taka ekkert mark á kosningum, lauma inn framkvæmd á því sem fellt hefur verið, eða láta kjósa þangað til þeir fá þá niðurstöðu, sem þeir vilja.

[Hólmfríður Bjarnadóttir, 24.10.2009 kl. 17:52]

Þetta er til marks um að fólkið sjálft hefur tekið ráðin í sínar hendur og ákveðið að nota gjaldmiðil sem er sterkur og traustur, er notaður á stóru markaðssvæði og gerir öll viðskipti án einhverra útreikninga milli landa/svæða óþarfann. Sænska krónan er samt örugglega margfalt traustari en okkar. En samt er farin þessi leið. Fólki vill bara ekkert vesen, heldur einfalt og þægilegt takk.