Mikið malt í Maltverjum eftir inngöngu Möltu í ESB

Þeir sem sáu Fréttaukann í kvöld geta varla efast um að innganga Möltu í ESB hefur bætt hag þessarar litlu eyþjóðar í Evrópu. Greinilegt er að þeir hafa nálgast þetta mál af mikilli skynsemi og náð miklu fram með aðild. Athygli vakti að leiðtog Nei-sinna á Möltu lét ekki ná í sig, þrátt fyrir ítrekaðar tilraunir RÚV-manna. Hægt er að horfa á umfjöllunina hér

Athugasemdir

[Gunnar Rögnvaldsson, 1.11.2009 kl. 22:36]

Já on-line fjárhættuspilaiðnaður Möltu hefur vaxið hratt og telur nú um 330 sjálfstæð fyrirtæki á eyjunni og sem veita um 2500 manns vinnu á Möltu við þennan fjárhættuspilaiðnað. Barir og hótel hagnast líka ágætlega þessari starfsgrein. En þetta hefur víst ekkert að gera með það hvort Malta er í Evrópusambandinu eða ekki. Þetta er náttúrlega mjög gleðilegt.

Þessutan veiðir Malta um 2.000 tonn af fisk á ári. Íslendingar veiða ekki nema smá 1.3 milljón tonn á ári. Það væri því gleðilegt ef hægt væri að koma veiðum fyrr kattarnef og fjárhættuspilaiðnaður gæti tekið við eftir að fjárhættuspil bankanna brast í grát. 

Kveðjur

[Tómas Ibsen Halldórsson, 2.11.2009 kl. 09:26]

Verður þá að sama skapi allt sett á ís þegar/ef Ísland gengur í ESB ?

[Haraldur Hansson, 2.11.2009 kl. 18:00]

Það er margt fróðlegt í þessum þætti. Það sem mér fannst sterkustu rök Möltu fyrir aðild er það sem sagt var um sjálfsmynd þjóðarinnar.

Möltubúar virðast telja aðild að sambandinu tryggja að enginn telji þá smáríki við strendur Norður Afríku, heldur sé öllum ljóst að þeir séu evrópskir í húð og hár.

Möltubúar vilja tryggja sjálfsmynd sína og stöðu í heiminum með aðild að Evrópusambandinu.

Þetta eru sterk og skiljanleg rök. Þau kunna að vega þungt á Möltu þótt ekki séu þau ýkja veigamikil hér.

Við þurfum ekki að "sanna" að við séum í Evrópu; eigum djúpar evrópskar rætur, bæði í sögunni, í evrópskri samvinnu um langt skeið og einnig í norrænu samstarfi. Malta þarf meira að passa að verða ekki útundan.

[Ómar Bjarki Kristjánsson, 2.11.2009 kl. 18:41]

Á alveg eins við ísland á sama hátt.

Allt sem þið andsinnar segið er einfalldlega eigi relevant varðandi efnið - jú jú sæmilegt sem ævintýraskáldskapur og þvílíkt.  Efast þó um að mikil sala verði í slíkum bókmentategundum.

Það reyndist nú svo illa hjá Möltu að gerast aðili að samstarfi fullvalda lýðræðisríkja evrópu - að fyrrverandi andsinnar hlupu í felur !  Vildu eigi tjá sig um fyrrverandi afstöðu sína.

Svoleiðis verður það líka þegar Ísland mun verða orðið aðili að umræddu sambandi fullvalda lýðræðisríkja.   Þið andsinnar munuð allir hlaupa í felur og skammast ykkar fyrir ævintýraskáldskapinn.