Gengishrun bitnar á Gæslunni - rætt um að skila þyrlu - minnkandi þjónusta

Fréttir hafa borist af slæmri fjárhagstöðu Landhelgisgæslunnar, sem hefur varla efni á að hafa eitt varðskip úti í einu. Fréttir af þyrlumálum eru einnig mjög slæmar og eru ýmsir möguleikar ræddir. M.a. að skila einni af þremur þyrlum gæslunnar. Þetta myndi draga verulega úr þjónustu gæslunnar, sem er mjög mikilvægur öryggishlekkur fyrir sjómenn, sem og aðra, t.d. varðandi sjúkraflutninga innanlands.

En hverjar eru helstu ástæður þessarar slæmu stöðu gæslunnar? Jú, gengishrun íslensku krónunnar, eða eins og segir í frétt á www. visir.is: ,,Miklar gengisbreytingar hafa farið verst með rekstur landhelgisgæslunnar þar sem mikil útgjöld hennar eru í erlendri mynt vegna leigusamninga við erlenda samstarfsaðila."

Veikur gjaldmiðill er að bitna hart á okkur þessi misserin. Eins og fram hefur komið á þessu bloggi hefur Landspítalinn tekið á gríðarlegt tap vegna gengisfalls krónunnar. Þá hefur landinn (les: íslenskir ríkisborgarar) tekið á sig ómælt gengistap.

Krónan er að kosta okkur FÚLGUR og veldur óöryggi!

Athugasemdir

[Jón Þór Helgason, 7.12.2009 kl. 22:28]

við munum þó ekki þurfa að loka öðru hverju sjúkrahúsi eins og Lettar.

 Allir peningar sem þeir fá lánaða eru notaðir til að tryggja að gjalmiðilinn þeirra sé fasttengdur við Evru.

í vetur var þáttur frá Lettlandi þar sem sagt var frá að sykursjúkir væru hættir að fá insulin.

 ég bið ykkur að skoða aðeins hvað er að gerast í Grikklandi, Írlandi og í Eystrasaltslöndunum áður en þið farið að tala um slæmt ástand hér á landi.

 síðan er ekkert mál að fjármagna þessa rellu fyrir Landhelgisgæsluna: skera niður um 80% í utanríkisþjónustunnni og hætta við ESB aðild.

 Sennilega væri hægt að fá heila þyrlusveit fyrir sparniaðinn.

 Semsagt: ESB aðild velur óöryggi og kostar fúlgur fjár.

kv.

Jón Þór

[Pétur Guðmundur Ingimarsson (IP-tala skráð) 7.12.2009 kl. 23:25]

Það er einmitt eins og Jón bendir á, enginn vandi að fjármagna LHG.

Það er hinsvegar pólitísk ákvörðun Evrópusinnanna að eyða peningunum í vitleysu í stað þess að tryggja lágmarksöryggi Íslendinga.

[Sigurður Þórðarson, 8.12.2009 kl. 06:50]

Staða krónunnar endurspeglar skuldastöðuna.

 Tek undir með Pétri. Það hneyksli að eyða einum milljarð í everópusambandsaðild 

[Evrópusamtökin, www.evropa.is, 8.12.2009 kl. 08:15]

Á næstunni verða væntanlega tilkynntar aðgerðir á vegum LSH, sem miða að því að skerða þjónustu. Hvað segið þið herramenn um það? Svo er það nú þannig að hjá flestum ríkjum sem hafa gengið í ESB hefur verslun og viðskipti aukist.

[Jón Þór Helgason, 8.12.2009 kl. 08:42]

Það er rétt hjá Evrópublogginu, viðskipti og verslun hafa aukist hjá þeim ríkjum sem hafa gengið í Evrópusambandið síðustu ár.

það sem Evrópubloggið segir ekki er að þau lönd sem hafa gengið í Evrópusambandið hafa einmitt verið vanþróuð ríki á mælikvarða íslands. SS Eyrstrasaltslöndinn og austur Evrópa. Þessi vöxtur viðskipta hefur verið rekinn áfram með miklum lántökum og skuldsetingu. 

Já Niðurskurður á LSH er framundan. En útgjöld ráðuneyta verður skorin niður um ekki einustu krónu. Sem lýsir aumingjaskap Ríkisstjórnarinnar.

Vissulega þarf að skera niður á LSH en betra hefði verið að þurkaa út utanríkisráðuneytið og setja það í eina skúffu í forsætisráðuneytinu eða þess vegna í umhverfisráðuneytinu.

 Framganga Utanríkisráðuneytinu við að kynna okkar málfluting í icesave málinu er til skammar.

 Mínar heimildir af alþingi (stjórnarliði) segja að utanríkisþjónustan hafi verið að skemmta sér í New Y þegar bankarni féllu.  

þetta lið er íslandi til skammar

[Þorgeir Ragnarsson, 8.12.2009 kl. 09:51]

Heyr á endemi. Vandamál Landhelgisgæslunnar stafa af því að í rekstri hennar voru gerðir hlutir sem aldrei eiga við í opinberum rekstri. Útbúnaður leigður fyrirgreiðslu í erlendri mynt er klikkun, sama á hvaða tíma samningar voru gerðir. Ef útbúnaður hefði einfaldlega verið keyptur á sínum tíma, þó hann hefði verið dýr, þá væru sennilega lítil sem engin vandræði hjá gæslunni. Ástæðan fyrir þessum vanda eru kolvitlausir fjármálagerningar.

Krónan stendur illa vegna þess að farið var illa með hana. Ef við byrjum að fara vel með hana aftur þá mun hún skána aftur með tíð og tíma. Það er alþekkt staðreynd að evra eykur atvinnuleysi og misskiptingu auðs. Hún þjónar einkum hagsmunum Þjóðverja og Frakka en annarra síður. Önnur lönd sem gengið hafa í ESB hafa flest gert það á einhverjum öðrum (pólitískum) forsendum en evruaðild.

[Evrópusamtökin, www.evropa.is, 8.12.2009 kl. 15:09]

"Krónan stendur illa vegna þess að farið var illa með hana" Fyrirgefðu, geturðu útskýrt þessa staðhæfingu? Hverjir hafa farið illa með hana, almenningur?

Verið getur að LHG hafi framið gerninga sem ekki eru skynsamlegir, ekki skal lagt mat á það hér. En, staðreyndir varðandi gengismálin eru dagljósar. LHS er ágætt dæmi um það.

[Jón Þór Helgason, 8.12.2009 kl. 20:46]

Það var farið illa með krónuna með eftirfarandi hætti.

1. Ríkissrekstur var lélegur í góðærinu, klassíst fyrirbæri.

2. Krónan styrktist þar sem hægt var að taka lán erlendis sem stryktu krónuna. 

3. mikill og viðvarandi viðskiptahalli.

 ég minni á að Írar skulda 8X landsframleiðslu á meðan við skuldum 3x. krónan okkar er orðinn veik á meðan Írar geta ekki nýtt sér myntina til að styrkja útfluttinsgreinarnar.

 því verður niðurskurður á íslenskum spítölum minni og skammvinnari en hjá frændum okkar Írum.

 Krónan brást við umhverfinu en það gerir Írska pundið ekki.  Því eru útfluttingstekjur okkar að aukast en Dell var að loka verksmiðju í Írlandi.

kv.

Jón Þór