Staðan hjá Varsjárbandalaginu?

Sumir fylgjast vel með því sem er að gerast í kring um þá, aðrir síður. Þetta sést einnig á umræðunni um Evrópumálin, nú síðast í MBL. Hinn góðkunni brekkusöngvari og þingmaður frá Eyjum, Árni Johnsen, stingur þar niður penna og fer mikinn. En hann er alltaf að tala um eitthvað Evrópubandalag, EB! Kannski er ÁJ alveg sama, en það er fyrir löngu búið að breyta Evrópubandalaginu í Evrópusambandið, ESB. Það gerðist fyrir 16 árum síðan, með Maastricht-samningnum. Hvernig ætli þeir hafi það annars hjá Varsjárbandalaginu?

(Um gamla EB)

Mynd af ÁJ:DV

Athugasemdir

[Gunnar Rögnvaldsson, 30.12.2009 kl. 18:00]

Varsjárbandalagið gékk í ESB

Þeir nasistar sem komust til Austur-Þýskalands og sem urðu einnig þar uppidaga eftir styrjöldina, stigu flestir til topps í kommúnistaríkinu DDR. En eftir sameiningu DDR og ESB þá hafa þeir komist vel áfram í Brussel og innan ESB. Þeim hefur líka örugglega verið mjög vel tekið í Brussel enda eru þessar tvær stofnanir náskyldar gengum sameiginlegar vinnuaðferðir og vinnubrögð.

Svarið er því þetta:

Varsjárbandalagið er núna gegnið til valda innan ESB. Martin Schulz, sem er hávær Þjóðverji og leiðtogi sósíalista á þingi Evrópusambandsins, hefur lýst því yfir að frá og með nú séu 184 þingmenn þessa hóps sósíalista orðnir "hreyfing and-kapítalista" sem munu ráðast gegn "hagkerfi sem byggist á peningum eða sem er peningaknúið". Hér gengur allt eins og það á að ganga eftir að Berlínarmúrinn féll frá austri og yfir Vestur-Evrópu. Hann féll mest vestur á bóginn en ekki öfugt, greinilega.

Stærsta vandamál ykkar hjá Evrópusamtökunum á Íslandi er það að þið hafið ekki hugmynd um hvað er að gerast í Evrópu. Þið eruð 100% clueless. Þið ættuð að skammast ykkar. 

Kveðjur 

[Evrópusamtökin, www.evropa.is, 30.12.2009 kl. 18:50]

Kæri Gunnar. Þú veist örugglega allt og við þökkum hlýjar kveðjur frá þér svona í árslok. Þú hefur verið duglegur að spjalla hér, þakkir fyrir það. En ritara finnst að sama skapi magn ekki vera það sama og gæði.

Gleðilegt nýtt Evrópuár!

[Gunnar Rögnvaldsson, 30.12.2009 kl. 19:35]

Hver er sá ritati sem skrifar ?

[Sigurður Grétar Guðmundsson, 4.1.2010 kl. 16:53]

Hversvegna flytur þú ekki heim til Íslands Gunnar? Hver er ástæðan fyrir því að þú vilt hvergi búa annarsstaðar en innan vébanda Evrópusambandsins?

Svo óska ég þér gleðilegs árs með von um að þú náir andlegu jafnvægi sem augljóslega er talvert valt. Menn sem hafa ekki betri rök en senda þeim sem eru þeim ekki sammála þessa kveðju:

"Þið ættuð að skammast ykkar" á í talsverðum erfiðleikum innra með sér. Svo ein ábending, komdu heim áður en þú glutrar niður íslenskunni "Þið eruð 100% clueless" er hörmulegt að sjá í því sem á að kallast íslenskur texti. 

Með ósk um einhvern bata.

´