ESB-aðild, landbúnaðar og byggðamál

Alþjóðamálastofnun H.Í. stendur fyrir málþingi næstkomandi fimmtudag um ESB og byggðamál undir yfirskriftinni: Áhrif Evrópusambandsaðildar á landbúnaðar- og byggðamál. Frummælendur eru:
John Bensted-Smith, framkvæmdastjóri landbúnaðarmála hjá Evrópusambandinu
The EU Agricultural Policy: Challenges and Impact for a Member State
Yves Madre, landbúnaðarfulltrúi frönsku fastanefndarinnar gagnvart ESB.

Málstofan fer fram á ensku.

Sjá einnig: http://www3.hi.is/page/ams

Allir velkomnir.

 

Vísbending um rök fyrir aðild að ESB

Tímaritið Vísbending birti fyrir nokkrum dögum ágæta grein um Evrópumál þar sem farið er yfir helstu rök fyrir því að Íslendingar ættu að sækja um aðild að ESB.

Hægt er að sjá hluta af umfjöllun Vísbendingar með því að smella hér:

Kjör neytenda (les. almennings) myndu batna við aðild að ESB

Talsmaður neytenda, Gísli Tryggvason, hefur svarað nefnd á vegum stjórnarráðsins um þróun Evrópumála og í svari hans kemur fram að hann telur að kjör neytenda myndu stórbatna við aðild Ísland að ESB. Þetta mat talsmanns neytenda er í takt við skýrslur og álit Neytendasamtakanna.

Frekari upplýsingar:

Neytendasamtökin

http://talsmadur.is/Pages/55?NewsID=1027

Í frétt á heimasíðu Talsmanns neytenda segir meðal annars:

"Kjör neytenda myndu stórbatna við aðild Íslands að ESB eða fljótlega í kjölfar hennar"
Talsmaður neytenda telur réttindi neytenda lítið breytast þó að aukaaðild Íslands að ESB yrði að fullri aðild. Öðru máli gegni hins vegar um kjör neytenda, sem myndu stórbatna - sem og möguleikar íslenskra aðila til þess að bæta stöðu neytenda hérlendis.

.

Seðlabanki Evrópu: Engin hraðleið að Evru

Skýrsla IMF sem mælir með fljótri evruuupptöku ESB-ríkja utan evrusvæðisins, sem leið út úr efnahagslegum ógöngum hefur vakið töluverða athygli á Íslandi. Nokkrir aðilar á hafa tekið þessu sem svo að þetta opni leið fyrir Ísland til að taka upp evru einhliða. Það er mikill misskilningur.

Þetta á fyrst og fremst við aðildarlönd ESB sem eru að bíða eftir því að fá samþykki að taka upp evruna. Því var slengt fram í einhverjum fjölmiðlum að mælt væri með einhliða upptöku, á meðan kjarni málsins var sá að mælt var með evruupptöku sem efnahagsmeðali, jafnvel þó það væri gert án án formlegrar aðildar að evrusvæðinu.

Hinsvegar er það ljóst að það er pressa á ESB að slaka á Maastricht-skilyrðunum eða koma á einhvern hátt til móts við ESB-ríki sem vilja fljótt inn í evru. En það er dæmigert fyrir suma stjórnmálamenn að þeir stökkva á þetta sem einhverja opnun fyrir Ísland að taka upp evru einhliða eða í samstarfi við ESB án ESB-aðildar.

Í Financial Times stendur þetta: ,,Jean-Claude Juncker, prime minister of Luxembourg and chairman of the Eurogroup of finance ministers, has stressed that countries wishing to adopt the euro could not take short cuts. A eurozone finance ministry official said yesterday all eurozone finance ministers had discussed the issue in past months and backed Mr Juncker."

Ennfremur: ,,Market analysts were sceptical. "It's not realistic," said Gabor Ambrus, an economist at 4cast, the London consultancy. "The ECB has said they they won't take responsibility for the non-eurozone countries. Politically, it would also be difficult to sell to European voters."

Málið snýst um að Seðlabanki Evrópu getur ekki tekið ábyrgð á löndum sem EKKI taka upp Evruna með eðlilegum hætti og eru ekki hlutar af Evrusvæðinu. Þegar öllu er á botninn hvolft snýst málið um traust og ábyrgð. Kannski nokkuð sem við Íslendingar verðum að endurheimta á komandi misserum. Aðildarviðræður við ESB eru mjög mikilvægur þáttur í því.

 

 

 

Reynsla Finna af Evrunni í Spegli RÚV

Í Speglinum, þ. 6.4 ræddi Jón Guðni Kristjánsson við hinn finnska Illka Mytti, sem þekkir vel til reynslu Finna af ESB og notkun Evrunnar þar í landi, en Finnar tóku hana upp árið 2002. Mytti er ráðgjafi í fjármálaráðuneyti Finna.

Um er að ræða viðtal sem Evrópusamtökin vilja hvetja alla áhugamenn um þessi mál að kynna sér.

Bein krækja: http://dagskra.ruv.is/ras2/4462972/2009/04/06/0/

Haftakrónan (Króna=höft) í Fréttablaðinu

Þorsteinn Pálsson ritstjóri skrifar mjög áhrifaríkan leiðara í Fréttablaðið í dag. Þar segir hann meðal annars:

,,Bæði ríkisstjórnin og stjórnarandstaðan lýsa því yfir að hávextirnir og höftin séu til bráðabirgða og skapa þurfi skilyrði til þess að tuttugu þúsund ný störf verði til. Vandinn er sá að á hvorugt borð eru menn með aðgerðir á prjónunum sem glæða von um að þær aðstæður komi þegar til lengri tíma er litið sem leyst geta þjóðina undan oki gjaldeyrishafta og böli atvinnuleysis.

Hvernig má það vera að raunhæfar framtíðarlausnir eru ekki í boði í aðdraganda kosninga? Sennilegasta skýringin er að enginn þungi er í kröfunni um úrbætur, hvorki frá fólkinu né fyrirtækjunum. Nauðsynlegt uppgjör við fortíðina á allan huga fólks. Af því leiðir að lítil orka er aflögu til að knýja á um lausnir." 

Krækja á leiðarann: http://www.visir.is/article/2009357723581

Evrópusamtökin taka að fullu undir með Þorsteini og telja málið mjög mikilvægt. Þeir aðilar sem skynja mikilvægi þessa máls þurfa því nú að herða róðurinn til að koma sjónarmiðum sínum á framfæri. Lífskjör landsmanna eru í húfi, svo einfalt er það.

Jagland um möguleg áhrif inngöngu Íslands í ESB

Í Speglinum síðastliðið föstudagskvöld var að finna viðtal við Thorbjörn Jagland, fyrrum forsætisráðherra Noregs og núverandi (en fráfarandi) forseta norska þingsins (Stortinget). Það var Gísli Kristjánsson, sem tók viðtalið, en í því kemur m.a. fram að Jagland telur að innganga íslands í ESB myndi valda miklum "skjálfta" í norskum stjórnmálum. Jagland er sjálfur hlynntur aðild Noregs að ESB.

Hlusta: http://dagskra.ruv.is/ras2/4462971/2009/04/03/0/

 

 

Líkindi við EFTA-umræður

Á margan hátt má líkja umræðunni um hugsanlega aðild Íslands að Evrópusambandinu við umræðurnar hér á landi í tengslum við inngöngu Íslands í fríverslunarsamtök EFTA árið 1970. Andstæðingar aðildar að EFTA (og síðar EES) beittu fyrir sig þjóðernisrökum, á meðan fylgismenn aðildar bentu á efnahagslegt gildi aðildar.

Eiríkur Bergmann Einarsson forstöðumaður Evrópufræðaseturs Háskólans á Bifröst hefur skoðað umræðuna og skrifað ágæta grein í tímarit Háskólans á Bifröst.

Í grein Eiríks kemur meðal annars fram að Gylfi Þ. Gíslason formaður Alþýðuflokksins og menntamálaráðherra var einn ötulasti talsmaður aðildar að EFTA. Þingmenn Alþýðubandalagsins voru hins vegar helstu andstæðingar aðildar.

Hægt er að nálgast grein Eiríks á þessari slóð:

http://bjss.bifrost.is/index.php/bjss/article/viewFile/21/45

 

Athyglisverðar greinar

Vert er að benda áhugamönnum um Evrópumál á tvær greinar sem birtast í Morgunblaðinu í dag.

Hin fyrri er eftir Magnús Orra Schram og ber yfirskriftina HAGSMUNIR HVERRA? Þar ræðir hann um hagsmunamat sjálfstæðismanna gagnvart ESB og segir m.a.: ,,Ekki vega hagsmunir heimilanna heldur þungt í hagsmunamati sjálfstæðismanna. Með inngöngu í ESB myndu vextir lækka, verðtrygging hverfa og matarverð lækka um 25%. Nei, segja sjálfstæðismenn. Það virðist gleymast í hagsmunamati sjálfstæðismanna að heimilin í landinu greiddu 130 milljarða árið 2007 fyrir að hafa krónu (vaxtamunur á evru-svæðinu og Íslandi)."

Hið síðari er eftir Tryggva Haraldsson, stjórnmálafræðing og ber yfirskriftina: EVRÓPUFORDÓMAR VINSTRI GRÆNNA. Þar ræðir Tryggvi sérkennilega afstöðu VG til Evrópu og ESB og segir m.a.:,,Það skítur því skökku við að Vinstri grænir skuli samþykkja ályktun á laugardeginum sem kveður á um að Íslandi sé best borgið utan ESB og samþykkja svo daginn eftir aðra ályktun þess efnis að aðildarumsókn Íslands að ESB skuli leidd til lykta í þjóðaratkvæðagreiðslu."

Og síðar skrifar Tryggvi:,,Það er einnig fáránlegur misskilningur innan Vinstri grænna að ekki sé hægt að sinna mikilvægum verkefnum innanlands þótt sótt sé um aðild að Evrópusambandinu. Þeir segja oft að brýnni verkefni séu fyrir hendi. Slíkt er svona svipað og að hafa ekki tíma til að spenna beltið í bílnum þar sem það sé svo gott lag í útvarpinu. Það er einfaldlega rangt og einungis ætlað til að slá ryki í augu kjósenda."  

 

Gjaldeyrismál

Ágæta áhugafólk um Evrópumál!

Ísland er í þeirri sérkennilegu stöðu að æðsta löggjafarvald þjóðarinnar hefur bannað notkun myntarinnar í alþjóðaviðskiptum!  Samt eru stjórnmálaflokkar í kjöri sem ekki hafa skýra sýn á því hvers konar stefnu Ísland eigi að taka í gjaldmiðilsmálum framtíðarinnar.  Evrópusamtökin hvetja alla Íslendinga til að styðja þá stjórnmálaflokka sem hafa skýra sýn í gjaldmiðilsmálum því þetta er eitt mesta hagsmunamál íslensks almennings og fyrirtækja bæði í nútíð og framtíð.
Viðskiptaráð hefur sent frá sér ályktun varðandi gjaldeyrismál. Þar segir meðal annars:

,,Staðan í gjaldeyrismálum þjóðarinnar er óviðunandi. Eftir þrot bankanna á síðasta ári og inngrip stjórnvalda á gjaldeyrismarkaði með setningu víðtækra hafta er íslenska krónan rúin trausti á alþjóðlegum fjármálamörkuðum. Þessi staðreynd takmarkar verulega umsvif íslenskra fyrirtækja í alþjóðlegri starfsemi sem og almenna getu landsins til utanríkisviðskipta. Um þessar mundir stendur krónan einnig í vegi fyrir flæði erlends fjármagns inn í landið en við því má íslenska hagkerfið ekki til lengri tíma.

Haftakróna líkt og nú er við lýði getur vart verið hugsuð sem framtíðarlausn, enda sýnir nýleg endurskoðun á löggjöf um gjaldeyrisviðskipti hversu óskilvirkt stýritæki gjaldeyrishöft - og höft almennt - eru. Engu að síður er ekki ljóst hvernig krónan verður losuð úr viðjum hafta án þess að því fylgi veruleg veiking á gengi hennar með tilheyrandi áföllum fyrir hagkerfið. Þegar horft er til lengri tíma eykur óbreytt fyrirkomulag í gjaldeyris- og peningamálum þjóðarinnar l! íkur á stöðnun og efnahagslegri einangrun Íslands. Þess vegna er vart hægt að líta framhjá því að upptaka annarrar myntar hér á landi, í fullri sátt og samráði við alþjóðasamfélagið, gæti orðið verulega til bóta fyrir innlendan efnahag, jafnt til skemmri og lengri tíma. Í raun stendur valið ekki lengur á milli áframhaldandi sjálfstæðrar peningastefnu og upptöku annarrar myntar, heldur má færa gild rök fyrir því að valið standi einfaldlega á milli upptöku annarrar myntar eða framhaldi á núverandi stöðu.

Lausn á þessu vandamál er líklega mikilvægasta viðfangsefnið í dag, enda munu örlög heimila og atvinnulífs að miklu leyti ráðast af gengisþróun næstu missera. Þessir aðilar eiga heimtingu á því að stjórnmálaflokkar landsins skýri með markvissum og greinargóðum hætti hvernig þeir hyggjast taka á þessu stærsta hagsmunamáli samtímans. Það felst mikill skortur á framsýni í þeim málflutningi að um sé að ræða seinni tíma vandamál og því þurfi ekki að kynna lausnir þegar í st! að. Að sama skapi felst í því virðingarleysi gagnvart þeim fjölmörgu h eimilum og fyrirtækjum sem eiga allt sitt undir þróun á gengi krónunnar á komandi misserum."

Skoðunina í heild má nálgast hér.

http://www.vi.is/files/Hagkerfi%20í%20viðjum%20örmyntar_1341101631.pdf