Straumhvörf í Evrópumálum?

Grein Benedikts Jóhannessonar í Morgunblaðinu í síðustu virðist hafa valdið straumhvörfum í Evrópuumræðunni hér á landi. Margir Sjálfstæðismenn virðast hafa áttað sig á mikilvægi þess að hefja viðræður við Evrópusambandið. Á eftirfarandi krækjum má lesa greinina:

http://heimur.is/heimur/pistlar/details1_pistlarsida/?cat_id=62658&ew_0_a_id=322873 eða

www.evropa.is

Gunnar Þórðarson, sem starfar í Úganda bloggar einnig um Sjálfstæðisflokkinn og Evruna

http://vinaminni.blog.is/blog/vinaminni/#entry-857434

En það eru að sjálfsögðu ekki bara Sjálfstæðismenn sem eru að blogga/skrifa um þessi mál. Valgerður Bjarnadóttir, varaþingmaður Samfylkingarinnar, er ein fjölmargra sem þekkir þessi Evrópumál mjög vel. Hún skrifar góða grein inn á bloggið sitt um Evrópumálin.

http://blog.eyjan.is/valgerdur/

Framsóknarmaðurinn Friðrik Jónsson hefur einnig verið mjög duglegur að blogga um Evrópumál.


http://fridrik.eyjan.is/

Við minnum svo enna og aftur alla þá sem áhuga hafa á Evrópumál að skoða listann á http://www.sammala.is

Hægt er að senda skeyti á [e-mail], ef fólk er ekki nú þegar komið inn á þennan lista.

 

Meirihluti fyrir EVRUNNI í Svíþjóð

Í nýrri könnun sem gerð var fyrir Sænska ríkissjónvarpið (SVT) kemur fram að meirihluti Svía eru hlynntur upptöku Evrunnar. Er þetta í fyrsta skipti síðan 2003 sem meirihluti Svía vill taka upp Evru. Þá var henni hafnað í þjóðaratkvæðagreiðslu. Nú vilja 47% taka upp Evru, 45% eru á móti. Svíar virðast því vera að hallast á sveif með Evrunni.

Ástæður breytinganna er taldar af þrennum toga: 1) Gengi sænsku krónunnar hefur fallið umtalsvert gagnvart öðrum gjaldmiðlum undanfarnar vikur og mánuði, 2) Svor virðist sem Svíar trúi nú meira á Evruna sem gjaldmiðill og hafi vanist að nota hana víðsvegar í Evrópu 3) Trú þeirra á ESB hefur styrkst.

Anders Björklund, leiðtogi Þjóðarflokksins (frjálslyndir), sem er hluti af hinni borgaralegu stjórn Svíþjóðar vill halda nýja þjóðaratkvæðagreiðslu þegar á næsta ári. Þetta kom fram í umræðuþætti í SVT.

Frétt SVT er hér:

EVRAN í MBL - Reykjavíkurbréf

Vert er að vekja athygli á umfjöllun sunnudagsútgáfu Morgunblaðisins á umræðunni um Evruna í Danmörku. Danir eru með sína krónu bundna við Evruna, en engu að síður er danska krónan berskjölduð gagnvart árásum spákaupmanna, sem smámynt í alþjóðlegu samhengi. Meiri en minni líkur eru á því að Danir muni ganga til þjóðaratkvæðis um Evruna árið 2011. Afstaða Sósíaíska Þjóðarflokksins (SF) mun þar ráða miklu, en þeir eru klofnir í málinu. Í umfjöllun blaðsins er að finna fjölda viðtala um málið. Lengri útgáfur af þeim er að finna á ESB-síðu MBL: www.mbl.is/esb

Í Reykjavíkurbréfi MBL er einnig að finn umræðu EVRU-mál hér á Íslandi og þá tillögu Sjálfstæðismanna um að taka upp EVRU, með aðstoð Alþjóða gjaldeyrissjóðsins(!) og í samvinnu við ESB! Þetta nýjasta ,,útspil" Sjálfstæðismanna er að finna í formi sérálits þeirra í nýrri Evrópuskýrslu. Höfundur Reykjavíkurbréfs veltir þessu fyrir sér og skrifar:

Sérálit sjálfstæðismanna virðist því reist á hæpnum forsendum. Það athyglisverðasta við það er að með því viðurkennir Sjálfstæðisflokkurinn að krónan dugi ekki og Ísland þurfi evru. Hvað gerist þá eftir að látið verður á það reyna hvort Alþjóðagjaldeyrissjóðurinn geti hjálpað okkur að fá evruna án þess að ganga í ESB? Ef það gengur ekki, hvaða ályktun ætla sjálfstæðismenn að draga af því? Að krónan verði að duga? Eða að eina leiðin til að fá nothæfan gjaldmiðil sé að ganga í Evrópusambandið? Af hverju geta menn ekki horfzt í augu við staðreyndir í stað þess að reyna að kaupa sér tíma með því að skálda einhvern gerviraunveruleika í utanríkismálum?

Þarf að segja meira?

 

Hannibalsson og Arnalds í Krossgötum - Í vikulokin

Jón Baldvin Hannibalsson, fyrrum utanríkisráðherra og Ragnar Arnalds fyrrum fjármálaráðherra, tókust á um Evrópu í Krossgötum Hjálmars Sveinssonar á RÚV í dag. Þar viðurkenndi Ragnar Arnalds m.a. að Íslendingar þyrftu væntanlega að skipta um gjaldmiðil á næstu árum. Jón og Ragnar hafa mjög andstæða sýn á Evrópu. Hægt er að hlusta hér.

Einnig var Evrópa ráðandi þema í VIKULOKUM Hallgríms Thorsteinssonar. Báðir þættir eru á Rás 1.

 

Mikil Evrópuumfjöllun í blöðum dagsins

Vert er að vekja athygli á því að morgunblöðin tvö, MBL og FRBL eru ,,pökkuð" af fréttum og greinum um Evrópumál, nú í aðdraganda kosninga. M.a. er fjallað er um nýja Evrópuskýrslu, sem inniheldur fimm sérálit, lendingu stjórnarskrármálsins og afleiðignar þess, svo eitthvað sé nefnt

Grein í Fréttablaði dagsins eftir Jón Karl Helgason, dósent, er t.d. bæði skemmtilega skrifuð og áhugaverð. Þar fjallar hann m.a. um mótsagnarkennd ummæli nýs formanns Sjálfstæðisflokksins, Bjarna Benediktssonar, um Evrópumál á undanförnum vikum. Lesið grein Jóns Karls hér

Stútfullur Spegill af Evrópumálum

Spegillinn á RÚV, föstudaginn 17. apríl var að öllu leyti helgaður Evrópumálum. Þar var m.a. rætt við Benedikt Jóhannesson, sem vakið hefur mikla athygli fyrir grein sína í MBL frá 16.apríl (og hægt er að lesa á www.evropa.is). Einnig var rætt við hagfræðingana Ernu Bjarnadóttur (Bændasamtökin) og John Perkins. Bloggari mælir heilshugar með þættinum, en það er ekki vanþörf á vandaðri umfjöllun um Evrópumál, enda eitt stærsta málið sem þjóðin stendur frammi fyrir.

Slóð á þáttinn: http://dagskra.ruv.is/ras2/4462978/2009/04/17/

Nauðsyn ESB-viðræðna

Guðmundur Gunnarsson, formaður Rafiðnaðarsambandsins,er öflugur bloggari og hefur eins og margir aðrir hugsandi menn miklar áhyggjur af stöðu mála á Íslandi í dag.

Á bloggi sínu á eyjan.is í dag segir hann meðal annars:

,,Ekkert atvinnulíf og þaðan af síður heimili þola þá vexti sem tilvist krónunnar veldur. Það verður enging uppbygging á þesusm vöxtum. Ef ekkert verður gert í þessum málaflokki á allra næstu vikum blasir við gríðarlegt fall fyrirtækja í landinu. Þau hafa haldið sér gangandi á eigin fjármagni, en nú blasir við að ekki verður lengra komist á þeirri braut.

Það er ótrúlegt að þetta skuli ekki vera aðalmál í pólitískri umræðu fyrir komandi kosningar. Ef ekki er verður af viðræðum við ESB á næstunni blasir við þjóðinni gríðarlegt fall og við blasir fjöldagjaldþrot íslenskra fyrirtækja og brottflutningur annarra. Gríðarleg aukning á atvinnuleysi sem mun verða langvarandi,  jafnvel 10 – 15 ár."

Hægt er að lesa bloggið á þessari slóð:

http://gudmundur.eyjan.is/

 

Hugleiðingar Benedikts í MBL

Benedikt Jóhannesson ritstjóri Vísbendingar og mikill Sjálfstæðismaður ritar harðorða grein í Morgunblaðið í dag þar sem hann færir rök fyrir því að hugsanlega lendum við Íslendingar í öðru efnahagslegu hruni ef ekki verður sótt um aðild að Evrópusambandinu.


Benedikt vekur athygli á því að raunvextir á Íslandi séu nú 10-15% meðan nágrannalöndin hafi fikrað sig nær núllinu við hverja vaxtaákvörðun. Því sé staða íslenskra fyrirtækja afar slæm gagnvart erlendum samkeppnisaðilum. Skuldir ríkisins stefni nú í 1.500 milljarða króna. Hvert prósentustig í vöxtum jafngildi 15 milljörðum króna. Ef vaxtaálag lækki um 3% við það að ganga í Evrópusambandið, eins og ráða megi af kjörum lána til ESB-ríkja sem eru nú í vanda, spari það 45 milljarða króna vaxtagjöld á ári. Það sé um það bil þriðjungur af fjárlagahalla þjóðarinnar. “Hvort telja stjórnmálamenn skynsamlegra að taka upp evru og lækka vexti eða beita sársaukafullum niðurskurði ríkisútgjalda á enn fleiri sviðum en ella?” spyr Benedikt.

Greinina er að finna í heild sinni á www.evropa.is

 

Yfir 7000 Sammála um aðildarumsókn

Rúmlega 7000 einstaklingar hafa skráð sig á www.sammala.is sem er vefsíða sem berst fyrir aðildarviðræðum við ESB.

Evrópusamtökin hvetja alla þá sem eru sammála til þess að skrá sig með því að senda tölvupóst á [e-mail]

 

Sterkur pistill í Viðskiptablaðinu

Evrópusamtökin vilja vekja athygli á öflugum pistli Sigurðar M. Jónssonar í Viðskiptablaðinu í dag. Sigurður, sem er einn reyndasti viðskiptablaðamaður landsins, hefur í gegnum tíðina verið frekar efins um Evrópusamrunann. En nú hefur hann snúið við blaðinu af þeirri einföldu ástæðu að hann telur enga aðra leið færa til að koma íslensku efnahagslífi á réttan kjöl að nýju.

Pistilinn er í formi myndar, fæst í góða stærð með því að tvísmella á myndina og stækka síðan rammann, svo heil skjámynd fáist.