FRBL: Evrópuþingmenn hvetja Íslendinga

Í FRBL í dag stendur: "Íslendingar ættu að halda áfram að veiða hval og stjórna eigin fiskveiðum. Þeir eiga ekkert að gefa eftir í þessum efnum í komandi aðildarviðræðum.

Þetta kom fram í máli nokkurra Evrópuþingmanna á opnum fundi sem utanríkismálanefnd Evrópuþingsins stóð fyrir í Brussel á fimmtudag. Fundurinn fjallaði um aðildarferli Íslands og áskoranir tengdar því. Frá Íslandi ávarpaði fundinn Baldur Þórhallsson prófessor ásamt Nikulási Hannigan úr utanríkisráðuneytinu og Alyson Bailes úr Háskóla Íslands, sem fjallaði um öryggismál.

„Ég bjóst við hvössum spurningum en Evrópuþingmennirnir reyndust bara mjög miklir stuðningsmenn aðildar Íslands," segir Baldur.

Breskur þingmaður, Dr. Charles Tannock, gerði hvalveiðar að umræðuefni, segir Baldur, og hvatti Íslendinga ekki bara til að halda þeim áfram heldur til að fá hvalveiðar flokkaðar undir sjávarútvegsmál frekar en umhverfismál, eins og þær eru flokkaðar í dag hjá ESB.

„Svo var þarna portúgölsk þingkona, Comes að nafni, sem vill að Íslendingar fái að ráða sem mestu í sjávarútvegsmálum, enda telur hún að við séum sú þjóð sem best hefur staðið sig í þeim málum. Hún vill að við stöndum föst á okkar og gefum ekkert eftir í viðræðum," segir Baldur."

Öll fréttin 

Góður punktur hjá Baldri Kristjánssyni

Það er áhugaverður punktur sem Baldur Kristjánsson bendir á á bloggi sínu:

"Við þurfum að uppfæra íslenska mannréttindalöggjöf og gefa mannréttindum meira stjórnskipunarlegt vægi. Við ættum að gefa alþjóðlegum sáttmálum sem við undirritum lagalegt gildi. Innleiða viðauka nr. 12 við Mannréttindasáttmála Evrópu sem bannar mismunun. Innleiða löngu tímabærarar tilskipanir í vinnurétti frá ESB. Ganga í Evrópusambandið ekki síst vegna mannréttinda. Við megum ekki einangrast og forpokast meira en orðið er."

Blogg Baldurs 

Athugasemd um ATHUGASEMDIR

Ritstjórn ES-bloggsins vill taka fram: Öllum athugasemdum er hleypt að, nema þeim þar sem um er að ræða persónulegar árásir og ljótt orðbragð. Sem stendur eru tvær slíkar athugasemdir óbirtar.

Það verður að halda ákveðnum "standard" hér, við getum haft siðareglur blaðamanna sem viðmið.

Hér á að fara fram málefnaleg umræða, því ESB-málið er málefni! Og það hefur tekist ágætlega hingað til.

Þetta blogg ber þess merki að það er "Mogga-blogg" og þ.a.l. eru fleiri sem gera athugasemdir, sem eru á móti ESB. Sem er allt í lagi. Við þolum það alveg.

Við höfum hinsvegar margoft bent á að þetta blogg er OPIÐ, ólíkt bloggi NEI-sinna, sem verður að teljast mjög merkilegt.

Það bendir til þess að þeir óttist OPNA UMRÆÐU um ESB-málið! 

Það er kannski í takt við háværar kröfur Nei-sinna um að draga ESB-málið til baka og taka því af Íslendingum þann möguleika um að kjósa um málið í þjóðaratkvæðagreiðslu.

Sem verður að teljast furðuleg afstaða, vegna þess að innan hóps Nei-sinna er að finna raddir sem predika beint lýðræði og þjóðaratkvæðagreiðslur og hafa gert það árum saman!

Helsti talsmaður hins beina lýðræðis er Styrmir Gunnarsson, fyrrum ristjóri Morgunblaðsins, það er ekkert launungamál. 

Höldum áfram að ræða málin! 

FRBL:Valdið frá Brussel til ríkjanna - (fiskveiðimál)

Í Fréttablaðinu í dag stendur í frétt: "Maria Damanaki, sjávarútvegsstjóri Evrópusambandsins (ESB), boðaði í ræðu í gær að endurskoðuð fiskveiðistefna sambandsins yrði „einfaldari, grænni og svæðisbundnari".

Damanaki sagðist myndu sjá til þess að skrifræði yrði minna og ábyrgðin yrði færð á hendur aðildarríkjunum. „Færri ákvarðanir verða teknar í Brussel. Í framtíðinni verða ákvarðanir teknar af aðildarríkjum við hvert hafsvæði. Til dæmis munu ríkin við Norðursjó geta samið um nýtingu stofna þar."

Öll fréttin 

Engin ástæða til að sleppa Evrunni

Mats Persson, sænskur hagfræðiprófessor, segir í viðtali við finnska Hufvudstadsbladet að það sé engin ástæða til að leysa upp Evru-samstarfið. 

Hann gerir það það tillögu sinni að um 20-30% af skuldum skuldugustu Evruríkjanna verði afskrifaðar og telur að það muni ekki hafa áhrif að virði Evrunnar.

Þá segir, Juhana Vartiainen, sem er yfirmaður rannsókna hjá KI-stofnuninni í Stokkhólmi, sem fæst við efnhagsrannsóknir og greiningu, að Evru-samstarfið muni lifa af slíka skuldaafskrift.

Það myndi sennilega skapa einhvern óstöðugleika, en hann telur að það sé nóg af pólitískum vilja til að glíma við vandann.

Endaloka alræðis minnst í Eystrasaltsríkjunum - löndin aftur orðin eðlilegur hluti af Evrópu

Um þessar mundir eru liðin 20 ár frá því Eystrasaltsríkin brutust undan járnhæl Sovétríkjanna, sem sjálf voru þá komin á grafarbakkann.

Þessara atburða, sem kostuðu blóðsúthellingar, er nú minnst í Lettlandi, Litháen og Eistlandi.

T.a.m var Jón Baldvin Hannibalsson, viðstaddur athöfn í Vilnius (Litháen) nú í vikunni, þar sem þess var minnst að sovéskir hermenn myrtu 15 almenna borgara, sem annaðhvort voru skotnir eða lentu undir sovéskum skriðdrekum.

Þessir atburðir gerðust við sjónvarpsturninn í borginni, þar sem mannfjöldinn hafði safnast saman til að mótmæla alræðinu.

Jón Baldvin studdi frelsisbaráttu Litháa dyggilega og er m.a. ein gata Vilnius skýrð í höfuðið á honum.

Ísland var síðan fyrsta landið til að viðurkenna sjálfstæði Eystrasaltsríkjanna. 

Hér má heyra viðtal við Jón Baldvin á Rás tvö um málið. Símasambandið var hinsvegar ekki gott.

Ríkin þrjú; Eistland, Lettland og Litháen, gengu síðan öll í ESB árið 2004, einmitt til þess að tryggja til framtíðar fullveldi og sjálfstæðið.

Löndin eru aftur orðin eðlilegur hluti af Evrópu.

Video frá atburðunum 1991 (Vörum við innihaldi myndanna!)

 

ÁFRAM ÍSLAND!

Þegar þetta er skrifað er leikur Íslands og Ungverjalands að hefjast.

Evrópusamtökin óska landsliði Íslands góðs gengis á HM í handbolta!

"Strákarnir okkar" hafa staðið sig frábærlega á undanförnum mótum.

Vonum að svo verði einnig raunin núna!

ÁFRAM ÍSLAND! 

 

Aðeins einn sannleikur á Bændablaðinu: ESB er vont! - Forysta bænda ritskoðar blaðið!

Rás tvö birti í gær afar athyglisvert viðtal við fyrrverandi ritstjóra Bændablaðsins, Þröst Haraldsson, en hann sagði upp störfum fyrir nokkrum vikum, vegna ritskoðunar formanna Bændasamtakanna og framkvæmdastjóra.

Þröstur, sem hefur tæplega 40 ára reynslu af blaðamennsku, sagði einnig í viðtalinu að "línan" sem lögð var hafi síðan verið sú að Bændablaðið skyldi skrifa GEGN ESB og ekkert annað.

DV skrifar frétt um málið og þar segir m.a: "Formaður bændasamtakanna og framkvæmdastjóri vildu fá að lesa allt efnið fyrirfram áður en það var birt.

„Það urðu ýmsar deilur um það. Málið er ég held að þetta hafi verið óöryggi nýs framkvæmdastjóri til einhvers sem hann þekkti ekki. Hann getur ekki lifað við þá óvissu að það standi eitthvað í blaðinu annað en hann það sem hann vill,“ sagði Þröstur í samtali við Síðdegisútvarp Rásar 2 í dag.

Þröstur sagði að sú stefna hefði verið sett að bændablaðið ætti að halda uppi málstað bænda gagnvart Evrópusambandinu. „Það var beinlínis gerð sú krafa til okkar að við værum komnir í stríð gegn Evrópusambandinu og finna allt neikvætt um það,“ segir Þröstur og bætti við að forystumenn samtakanna hefðu sagt að það væru nóg af öðrum fjölmiðlum til að finna það jákvæða við Evrópusambandið. Þröstur segist ekki hafa verið sáttur við þennan þrýsting."

Þröstur segir að sú krafa hafi komið fram að blaðið yrði hreint áróðursblað með þessu markmiði; að tala bara neikvætt um ESB. Þessu neitaði Þröstur og ritstjórnin fylgdi honum að málum.

Í þessu samhengi er vert að rifja upp að Bændasamtökin fá árlega um 500 milljónir frá Ríkissjóði til síns reksturs og á vegum þess starfa um 60 manns.

Sem er hlutfallslega miklui hærra en hjá ESB, en þetta myndi samvara því að uum 90.000 manns ynnu hjá sambandinu. Árip 2008 voru 37.000 manns á launaskrá hjá ESB og þjóna um 500 milljónum manna.

Nýr ritstjóri er tekinn við á Bændablaðinu, en það verður áhugavert að sjá hvernig hann "tæklar" þetta. 

(Leturbreyting í DV tilvitnun - ES blogg)  

Allt viðtalið við Þröst. 

Frétt DV 

 

Evrópuvika hjá Þróunarfélagi Austurlands

Hugmyndin með Evrópuvikunni er að bjóða Austfirðingum upp á fræðslu, umræður og ráðgjöf um Evrópumál og Evrópustyrki. Ólíkum hagsmunaðilum var boðin þátttaka, ekki náðist að skipuleggja málþing með Heimssýn, hreyfingu sjálfstæðissinna í Evrópumálum,það verður haldið og auglýst síðar.

Mánudagur 17. janúar kl. 17-19, ÞNA Fróðleiksmolanum á Reyðarfirði.Fræðslufundur um „Samningaviðræður við Evrópusambandið, helstu málaflokkar,staða viðræðna og næstu skref“ kynning frá fulltrúa utanríkisráðuneytisins og umræður.Miðvikudagurinn 19. janúar kl. 13 – 18. ÞNA Vonarlandi, Egilsstöðum.

Kynning á tækifærum og styrkjum í Evrópusamstarfi.Fulltrúar evrópskra samstarfsáætlana og þjónustuskrifstofa standa fyrir kynningu á styrkjaog samstarfsmöguleikum á vegum evrópskra áætlana (www.evropusamvinna.is). Kjöriðtækifæri fyrir einstaklinga, skóla, fyrirtæki, stofnanir og samtök að kynna sér möguleika til samstarfs á flestum sviðum menntunar, menningar, æskulýðsstarfs og atvinnulífs.

Dagskrá:13:00 – 13:10 Evrópusamvinna.is 13:10 - 13:55 Menntaáætlun EvrópusambandsinsComenius – leik-, grunn- og framhaldsskólar Grundtvig – fullorðinsfræðsla e-Tvinning – rafrænt skólasamstarfLeonardo – starfsmenntun. 13:55 – 14:25 Evrópa unga fólksins Kaffihlé 15:00 – 15:30 Evrópumenning 15:30 – 16:00 7. rannsóknaáætlun ESB, Euraxess evrópska rannsóknastarfatorgið. 16:00 – 16:30 NPP norðurslóðaáætlunin og NORA Norður-Atlantshafsnefndin 16:30 – 18:00 Fulltúar áætlananna verða til staðar fyrir frekari upplýsingar og ráðgjöf.Fimmtudagurinn 20. janúar kl. 20 - 22 hjá ÞNA Vonarlandi Egilsstöðum.

Spurt og svarað um Evrópumálin - STERKARA ÍSLAND, hreyfing Evrópusinna
Á fundinum gefst tækifæri til þess að spá í spilin og spyrja um hvaðeina í tengslum við
aðildarviðræður og aðild að ESB.

Austurland í ESB - hvers má vænta?
Anna Margrét Guðjónsdóttir, sérfræðingur og stjórnarmaður í Sterkara Íslandi.
Tækifæri frumkvöðla á landsbyggðinni innan ESB.
Rannveig Þórhallsdóttir, framkvæmdastjóri Sagnabrunns.
Er austfirsk þekking útflutningsvara?
Hafliði Hafliðason, framkvæmdastjóri Þróunarfélags Austurlands.
Í lok fundarins verður stofnaður undirhópur fyrir Sterkara Ísland á Austurlandi.
 

Teitur Atlason (í Svíþjóð) um sænskan landbúnað, ESB og kjúklinga

Hinn vinsæli DV-bloggari, Teitur Atlason, bloggar um sæsnkan landúnað og ESB, í nýjustu færslu sinni. Teitur segir:

"Fyrsta kúltúrsjokkið sem ég fékk eftir að ég flutti til Svíþjóðar, voru gæðin á matnum hérna. Búðirnar hérna eru æðislegar. Meir að segja "bónusinn" í Svíþjóð (sem heitir Willy´s) er dúndur-flottur. Flottustu búðirnar heita ICA og Hemköp.

En kjötið hérna. Maður minn góður. Það er æðislegt. Sænskur landbúnaður er sterkur og vörurnar eru frábærar. Alveg sama hvar maður treður niður. Smjör, ket, mjólkurvörur, kjúklingar.

Svíþjóð er í ESB eins og margir vita, en tala lítið um, og verandi í þessum ágæta samstarfi, þá verða Svíar að opna markaðinn sinn fyrir landbúnaðarvörum frá öðrum evrópuþjóðum. það innifelur í sér t.d danska kjúklinga sem eru sirka 30% ódýrari en þeir sænsku.

En hvernig bregðast sænskir kjúklingabændur við þessum ódýru kjúklingum. Jú það er gert með upplýsingum.

Það kom inn um lúguna bæklingur sem vakti athygli á muninum á kjúklingum frá á fyrirtækinu Kronfågel og ódýrum kjúklingum frá Danmörku (oftast þaðan)

Það er hamrað á því að sænskar kröfur eru harðari en þær í ESB og að eftirlit sé betra. það eru tiltekin mannúðarsjónarmið varðandi ræktun og slátrun og minnt á að salmonellusýkingar eru mikið fátíðari í sænskum kjúklingum en þeim ódýru frá Danmörku. Svo er það orðið á götunni sem er á eina lund. Þegar maður steikir danskan kjúkling, rýrnar hann um svona 30% en ekki sá sænski. þar með er verð-trompið Dananna fokið ofan í Eyrarsund.

Þetta gerir það að verkum að um 70% allra kjúklinga sem keyptir eru í Svíþjóð, eru sænskir."

Allur pistill Teits 

Ríkisskuldabréf rokseldust á Spáni, Portúgal og Ítalíu. Jákvætt teikn, segja sérfræðingar

Portúgal tókst í gær og Spáni og Ítalíu í dag, að selja ríkisskuldabréf í stórum stíl.

Spánn seldi bréf fyrir 3 milljarða Evra í dag og var eftirspurnin meiri en menn höfðu vonað.

Ítalía seldi ríkisskuldabréf fyrir 6 milljarða Evra. Við þetta stigu markaðir í Róm og Madríd og Evran styrktikst gagnvart dollar.

Allt þetta eru talin jákvæð teikn þess að ákveðinn stöðugleiki sé að komast á í hagkerfum Evrópu.

Financial Times fjallar m.a. um þetta. 

Hvað eru Nei-sinnar eiginlega að lesa?

Á heimsíðu Nei-sinna eru stutt "frétt" um að aðildarviðræður í Króatíu sé að valda ólgu í landinu og stuðningur við aðild sé lítill, eða eins og segir í "fréttinni": ...,,ein könnun segir 38 prósent þjóðarinnar fylgjandi en önnur 26 prósent..."

Hvaða kannanir eru Neis-sinnar eiginlega að lesa? Í könnun sem ES-bloggið hefur lesið segir hinsvegar að stuðningur sé VAXANDI við aðild í landinu, eða eins og segir í frétt:

"Support among Croatians for European Union membership has significantly grown in the past months, according to a poll released Thursday.

Some 76 percent of those polled said they would participate in a referendum on Croatia's EU membership; 64 percent of respondents said they would cast a 'Yes' vote, showed the survey conducted by the Ipsos Plus agency.

The numbers are 12 percent higher then those from one of the previous polls done in June, results showed."

ÞETTA ER KÖNNUN FRÁ ÞVÍ Í DESEMBER, en þarna kemur fram að 64% muni segja JÁ við aðild að ESB!

Og um  er að ræða 12% aukningu frá könnun í júní í fyrra. 

Könnunin er gerð af franska fyrirtækinu Ipsos. 

Þá er að spurningin, hvaða kannanir eru Nei-sinnar að lesa? Kannanir meðal Nei-sinna kannski? 

Twitter-málið á dagskrá Evrópuþingsins-óskað eftir skýringum frá BNA

Hið svokallað "Twitter-mál" hefur vakið athygli, en bandarísk yfirvöld vilja t.d. fá að komast í Twitter-virkni og gögn Birgittu Jónsdóttur, alþingiskonu.

Það eru þingmannahópur frjálslyndra á Evrópuþinginu (ALDE), sem hefur lagt fram munnlega fyrirspurn um málið, en frá þessu er sagt á vefsíðunni www.thinq.co.uk

Vilja þingmennirnir m.a. fá úr því skorið hvort Bandarísk stjórnvöld hafi brotið evrópska löggjöf um friðhelgi einkalífsins, með aðgerðum sínum.

Í tilkynningu frá ALDE-þingmannahópnum segir: "The EU should as a matter of urgency ask the US authorities for clarifications on the subpoenas imposed on Twitter and most probably on other private companies to provide personal information and communications of persons - including EU citizens - they consider to be related to Wikileaks. The Commission should explain if EU data protection rules have been violated and if the US authorities have jurisdiction to impose the lifting of EU citizens' privacy rights." 

Hér er s.s. farið fram á að ESB óski eftir skýringum á þessu máli og þeirrar spurningar spurt hvort bandarísk yfirvöld hafi í raun vald til þess að ganga framhjá  evrópsku einkalífslöggjöfinni í þessu sérkennilega Twitter-máli.

Fyrsta vika Evru í Eistlandi - hlutabréfaverð upp um 8% - góðum hagvexti spáð

Eistland tók upp Evru um áramótin og verður mjög fróðlegt að sjá hvernig til tekst. Þetta hefur farið vel af stað og í Baltic Business News er fjallað um þetta í leiðara. Þar segir að útlitið sé gott:

"One indication of euro's positive impact is the stock market. In four days when Estonia has been in the eurozone, share prices in Tallinn have gone yup by 8.5% with respectable turnover. There are many local Estonian investors among the people who are now investing in shares.

Many were surprised to read at the beginning of this year that Tallinn was one of the best-performing stock markets last year and saw its share index go up 75% during a year. Also stock analysts are fairly optimistic about 2011."

S.s. fjárfesting í hlutabréfum tók kipp, og markaðurinn í Tallin var einn af þeim bestu á síðasta ári.

Í Fréttablaðinu í dag er Eistland einnig til umfjöllunar og í frétt segir:

"Eistland Útflutningur frá Eistlandi nam 860 milljónum evra (132,4 milljörðum króna) í nóvember síðastliðnum samkvæmt bráðabirgðatölum eistnesku hagstofunnar. Aukning frá fyrra ári nemur 48 prósentum að því er fram kemur í umfjöllun Baltic Business News.

Í umfjöllun Bloomberg fréttastofunnar segir að vöxtinn sé helst að rekja til aukinnar eftirspurnar í Svíþjóð og Finnlandi, en þar sé að finna helstu markaði Eistlands, sem tók upp evru í þessum mánuði. 69 prósent útflutnings Eista eru til landa Evrópusambandsins.

Haft er eftir Hagstofu Eistlands að útflutningur hafi aldrei áður verið meiri í einum mánuði. Fram kemur hjá Bloomberg að hagkerfi Eista, sem er það næstminnsta í ESB á eftir Möltu, hafi skroppið saman um nærri fimmtung árin 2008 og 2009 vegna áhrifa af sprunginni eignabólu og fjármálakreppu heimsins. Nú geri spár hins vegar ráð fyrir 3,9 prósenta árlegum hagvexti á þessu ári og næsta, eftir 2,5 prósenta vöxt í fyrra."

 

 

Hefur Árni Þór kúvent?

Önnur frétt sem vakti athygli í dag var forsíða Fréttablaðsins þar sem sagði: "ESB-viðræðunum kann að verða slitið þyki ástæða til" og þar segir: "Ekki er fullvíst að viðræðum um aðild Íslands að Evrópusambandinu verði lokið með samningi sem borinn verður undir þjóðina. Áður en af því getur orðið kann sú staða að koma upp að Alþingi endurmeti aðildarumsóknina. Þetta er mat Árna Þórs Sigurðssonar, starfandi formanns þingflokks Vinstri hreyfingarinnar - græns framboðs.

"Það getur vel verið að þær aðstæður komi upp að það þurfi að ræða það í þinginu hvort við eigum að halda þessu ferli áfram. Að við þurfum á einhverjum tímapunkti að meta okkar hagsmuni upp á nýtt í ljósi þeirrar þróunar sem verður í viðræðunum. En sá tímapunktur er ekki kominn," segir Árni Þór."

Í frétt á Pressunni er haft eftir Bjarna Benediktssyni að þetta sé kúvending hjá Árna Þór. En hvar er kúvendingin? Það væri fróðlegt að heyra það frá Árna sjálfum, sem hefur tekið á málinu af miklu raunsæi. Hann hleypur ekki á eftir hagsmunum einhverra Nei-hreyfinga, heldur vinnur hann eftir samstarfssamkomulagi ríkisstjórnarflokkanna, sem eru sammála um að vera ósammála í ESB-málinu, en að hefja aðildarviðræður og leggja málið í dóm kjósenda.

Það eru hinsvegar margir sem sjá RAUTT við þá tilhugsun að Íslendingar fái að kjósa um aðildarsamning að ESB! 

Okkur á ES-blogginu sýnist frétt FRBL vera einhverskonar fræðilegar pælingar um það sem mögulega geti gerst, ef þannig aðstæður skapist! 

Þær hafa hinsvegar ekki skapast og ekkert sem segir að þær muni yfirhöfuð skapast! 

En ESB-málið er RÆKILEGA á dagskrá!