Dagur ungra fræðimanna í Evrópumálum

Dagur ungra fræðimanna í Evrópumálum

Útvarpsþáttur á Rás 1

Laugardaginn 8. janúar kl. 13:00

Fréttatilkynning                                                                                                                                                                          

7. janúar 2010

Í þættinum Dagur ungra fræðimanna í Evrópumálum á Rás 1 kl. 13:00 á morgun, laugardaginn 8. janúar, er rætt við fimm ungar fræðikonur sem kynntu rannsóknir sínar á degi ungra fræðimanna í Evrópumálum hinn 20. nóvember síðastliðinn. Dagurinn var haldinn í fjórða sinn en hann er samstarfsverkefni Alþjóðamálastofnunar Háskóla Íslands og Samtaka iðnaðarins.

Tilgangurinn með deginum er að skapa vettvang fyrir unga fræðimenn til að kynna rannsóknir sínar á sviði Evrópufræða. Í þetta skipti voru þátttakendur frá tveimur háskólum: Háskóla Íslands og Háskólanum á Bifröst. Fimm konur kynntu rannsóknir sínar en þær eru á fjórum fræðasviðum: Evrópufræðum, alþjóðasamskiptum, lögfræði og stjórnsýslufræðum. Einnig er rætt við Kristínu Ingólfsdóttur, rektor Háskóla Íslands. Umsjón hefur Edda Jónsdóttir.

Athugasemdir

[Gunnlaugur I., 8.1.2010 kl. 18:12]

Ja hérna, þetta minnir æ meir á trúarbrögð hjá ykkur ágæta fólk, ja eða kanski svona rétttrúnaðar- boðskap eins og kommúnismann ! 

Heilu fræðasetrin eru orðinn andsetinn af ESB- fagnaðarboðskapnum og rétttrúnaðinum, sem lævíslega reynir að kaupa sér velvilja og virðingu fræðasamfélagsins með því skipulega að ausa fjármunum og ómældum styrkjuma úr áróðursmálaapparötum ESB- Stórríkisins.

Svona lævísan áróður ber sérstaklega að varast og í raun ætti að banna erlendu yfirríkjabandalagi að bera hér fé á fólk og samtök til þess eins að auka völd sín og áhrif og vera þannig með óþolandi og ólíðandi afskiptasemi um viðfangsefni sjálfstæðs og fullvalda ríkis ! 

Minnir æ meir á áróðursdeildir Sovétsins sáluga !