Ungir bændur þögnin ein

Hvorki hefur heyrst hósti né stuna frá Samtökum ungra bænda vegna opins bréfs frá stjórn Evrópusamtakanna, sem birt er á vefsíðum okkar.

Hinsvegar liggur nú fyrir að textinn í auglýsingunni er fenginn að láni hjá Nei-samtökum Íslands, Heimssýn, í færslu frá 15.maí s.l. Textinn er því ekki verk ungra bænda.

Kannski ekkert skrýtið hvaðan rangfærslurnar og staðreyndaskekkjurnar koma!  En óskiljanlegt er hversvegna ungbændur gera þetta nú. Liggur þeim ekkert annað á hjarta? Er þetta brýnasta hagsmunamál ungra bænda? Ekki staða þeirra sem stéttar, nýliðun í greininni o.sfrv. Magnað!

Athugasemdir

[Gunnlaugur I., 1.6.2010 kl. 08:03]

Auðvitað dettur bændum og þeirra samtökum ekki í hug að svara þessu frekjulega og dæmalausa áróðursbréfi Evrópusamtakanna.

Ykkur kemur stefna og rekstur bændasamtaka Íslands alls ekkert við, sama hvort þeir njóti lögbundinna framlaga frá hinu opinbera, það skiptir ekki neinu máli. 

Þið hafið engan rétt til þess að heimta einhver svör eða þetta eða hitt, eða eitt né neitt af Samtökum ungra bænda. Þeir geta þess vegna ákveðið að hunsa  

Ungir bændur eru frjáls félagasamtök í frjálsu og fullvalda landi.

Þið hafið engan rétt til þess að stjórna umræðunni um ESB og/eða skoðunum fólks eða félagasamtaka um þau mál. 

[Jón Frímann Jónsson, 1.6.2010 kl. 08:28]

Gunnlaugur I, þú hefur þetta er alrangt hjá þér. Samtök Ungra Bænda vita uppá sig skömmina, og það vel virðist vera.

[Gunnlaugur I., 1.6.2010 kl. 10:07]

Eru Evvrópusamtökin að taka að sér að leika hér einhverja ESB löggu sem ætlar sér að stjórna hugsunum og skoðunum fólks.

Það væri eftir öðru með þessi ESB trúarbrögð ykkar !

Jón Frímann, Ungir bændur geta borið höfuðið hátt og þurfa ekki að skammast sín neitt og sitja ekki uppi með neitt.

Ef það er einhver sem situr uppi með SVARTA PÉTUR og skömmina þá er það ESB trúboðið á Íslandi og þeirra legátar.

[Jón Frímann Jónsson, 1.6.2010 kl. 10:13]

Gunnlaugur I, Ef fram sem horfir. Þá verða flestir ungbændur gjaldþrota innan nokkura ára vegna þess að dæmið gengur ekki upp á Íslandi í núverandi og komandi árferði.

Annars eru ásakanir þínar í garð Evrópusamtakana fáránlegar og ekkert annað en uppspuni. Sérstaklega í ljósi þess að Heimssýn, sem er félag andstæðinga ESB á Íslandi leyfir ekki einu sinni umræður á sínum vef eða á sínu blogg hérna á blog.is. Á þeim grundvelli geta þeir sett fram hvaða dellu sem er og án þess að hægt sé að fletta ofan af henni á þeirra eigin vef.

Lýðræðisleg umræða andstæðinga ESB á Íslandi er nákvæmega engin og þannig vilja þeir hafa þeir það.

Þessi stóru orð þín í garð ESB eru markleysa, vegna þess að þú veist fullvel að það sem þú ert að segja er tóm della. Þar sem þú býrð í ESB ríkinu Spáni og hefur gert lengi samkvæmt því sem þú hefur sagt sjálfur og sett á þitt eigið blogg.

[Þorsteinn Briem, 1.6.2010 kl. 10:40]

Útgjöld hins opinbera til landbúnaðar hérlendis voru um 12 milljarðar króna árið 2007.

Sænskir bændur fá um 135 milljarða íslenskra króna á ári í styrki frá Evrópusambandinu, meira en nettótekjur bændanna, en rúmlega helmingur allra útgjalda sambandsins er til landbúnaðarmála.

Árið 2008 störfuðu hér 2,5% vinnuaflsins við landbúnað, sem var þá 1,4% af landsframleiðslunni og fjöldi bújarða um þrjú þúsund.

Meðalaldur búfjáreigenda hérlendis er 54 ár og margir þeirra eru með mjög lítil sauðfjárbú, þannig að þeir vinna einnig utan búanna, sem verða sumarbústaðir þegar þeir bregða búi.

Árið 2008 voru hér 1.318 sauðfjárbú, þar af 1.083, eða 82%, með 400 ærgildi eða færri. Blönduð bú voru þá 138 og kúabú 581.

Fastur kostnaður meðalsauðfjárbús var þá 249 þúsund krónur á mánuði að meðtöldum launum eigendanna.

Neysla á kindakjöti á öðrum Norðurlöndum er mjög lítil og engin ástæða til að reikna hér með innflutningi á kindakjöti í einhverjum mæli.

Við flytjum út um fjögur þúsund tonn af sauðfjárafurðum á ári, þar af um 1.200 tonn af kindakjöti, langmest til Evrópska efnahagssvæðisins, 2.200 tonn af gærum og 500 tonn af ull.

Árið 2009 voru flutt hér út 1.589 lifandi hross, um 90% til Evrópska efnahagssvæðisins.

Hérlendis eru hins vegar einungs 22 svínabú.

Í febrúar í fyrra kostaði kílóið af smjöri í þýskum verslunum 2,64 evrur, 391 íslenskar krónur á þávirði, en 537 krónur í verslunum hérlendis og verðmunurinn því 37%, miðað við verðlag á öllu landinu.

Verð á lítra af mjólk til framleiðenda í Finnlandi var um 0,33 evrur í febrúar síðastliðnum, um 58 íslenskar krónur á þávirði.

Samkvæmt ákvörðun Verðlagsnefndar búvara hér hækkaði verð á viðmiðunarmjólk frá framleiðendum í 83,49 krónur fyrir lítrann 1. janúar 2005 en í febrúar það ár var verð á mjólk í verslunum hérlendis 80 krónur fyrir lítrann, miðað við verðlag á öllu landinu.

Beingreiðsluhluti mjólkur til framleiðenda var þá 39,32 krónur fyrir lítrann og afurðastöðvahluti greiðslu til framleiðenda fyrir innlagða mjólk 44,17 krónur fyrir lítrann, eða 53% af verði mjólkurinnar til framleiðenda.

Verð á lítra af mjólk til framleiðenda hérlendis var 100 krónur að beingreiðslum meðtöldum árið 2008, en 91 króna í verslunum hér í ágúst það ár, miðað við verðlag á öllu landinu.

Hagtölur landbúnaðarins 2010

Sænskir bændur og Evrópusambandið

Finnska hagstofan - Verð til framleiðenda:

Monthly producer prices of milk

Monthly producer prices of meat

Monthly producer prices of eggs

Monthly producer prices of food potatoes

Monthly producer prices of cereals and rape