Medvedev og Evran

Við ræddum um það hér um daginn að Styrmir og Björn á Evrópuvaktinni væru að nota efni frá norskum kommúnistum á vef sínum. Okkur fannst þetta áhugavert. Önnur skondin frétt birtist þar hjá S&B fyrir skömmu, en hún snerist um það að Medvedev, Rússlandsforseti, efaðist um Evruna! Það er öllu tjaldað til!

Medvedev sló reyndar í og úr í þessari frétt. Svo var haft eftir honum: „Velgengni Rússa byggist að verulegu leyti á því hvernig gengur á meginlandi Evrópu. Við erum ekki aðilar að Evrópusambandinu en við erum Evrópuþjóð.“

Þetta á við um fleiri þjóðir en Rússa. Öflug Evrópa er ekki bara góð fyrir Rússa, heldur allan heiminn!

Ps. Gengi Evrunnar hefur verið stöðugt undanfarna daga og hér til gamans er 10 ára gengi Evrunnar. 

Ps-2: Það er eitthvað að myndakerfinu hjá Birni og Styrmi, svakalega margar myndir úr fókus!

Athugasemdir

[Gunnlaugur I., 22.6.2010 kl. 09:22]

Það eru nú margir fleiri en Medvadev Rússlandsforseti sem efast um Evruna og myntsamstarfið.

Þó svo að þið efist reyndar aldrei neitt í ykkar eina sanna og stóra ESB rétttrúnaði ykkar.

Alveg sama þó Evran sé að falla þá er það bara allt saman gott og blessað, nú ef hún er að styrkjast þá er það bara allt gott og blessað líka. Commísörum hins allt um vefjandi ESB apparats verður aldrei neitt á þeir eru hinir óskeikulu og fullkomnu boðberar viskunnar og réttlætisins.

Gagnvart Evruni og ESB og því semn þar er að gerast Þá eruð þið svona álíka trúverðugir og PRAVDA málgagn Sovéska Kommúnistaflokksins var á sínum tíma.

Þar var upptendrað kerfið alltaf varið og dreginn upp nánast guðdómleg mynd af óskeikulum  fullkomleik þess.

Þar var aldrei frekar en hjá ykkur efast eitt né neitt um yfirburði og ágæti þessa kerfis, ekki heldur að þar væri nokkurn tímann skýrt frá aragrúa spillingar og hneykslismála sem þar stöðugt komu upp, ekki frekar en þið gerið gagnvart ESB elítunni og þeirr ormagryfju spillingar og siðleysis sem hún og ólýðræðislegt valdakerfi hennar hefur alið af sér.

Meira að segja margir leiðtogar ESB hafa rætt um að Evran og tilvera myntsamstarfsins sé í stórhættu. Fjöldi virtra hagfræðinga skrifa um vandræði og stórfelld vandamál evrunar og myntsvæðisins sjálfs og efast um að það eigi sér langra lífdaga auðið. 

En þið eruð líkt og aparnir þrír, þið hlustið ekki, sjáið ekki og heyrið ekki.

Þið eruð eins og flokksmálgagnið Pravda, styngið bara höfðinu í sandinn og neitið að trúa fréttum sem ekki passa ykkar einföldu og upphöfnu heymsmynd fullkomleikans. 

Ykkar veröld er gerviveröld nytsamra sakleysingja og sanntrúaðra ESB trúboða.