Röddunum fjölgar!

Það ánægjulega við Evrópuumræðuna undanfarnar vikur er sú staðreynd að mun fleiri og nýir álitsgjafar hafa tjáð sig um þessi mál. Í gær bentum við við á góða grein Hannesar Péturssonar skálds í Fréttablaðinu á laugardaginn. Í dag kveður Finnur Árnason, forstjóri Haga, sér hljóðs á  Pressunni. Þar segir hann meðal annars:

,,Íslenska þjóðin er í meginatriðum sammála í afstöðu sinni til aðildar að Evrópusambandinu. Í nýlegri könnun kom fram að 71% þjóðarinnar er fylgjandi aðild, svo fremi að við höldum yfirráðum yfir auðlindum okkar. Þetta er ákveðin afstaða og á sama hátt skýr skilaboð til stjórnvalda og samninganefndar okkar.

Það er augljóst að þjóðin vill aðildarviðræður, en er ekki tilbúin að gefa eftir yfirráðarétt að auðlindum, þar með talin fiskimiðin og orkuna. Þetta er skynsamleg afstaða.

Ég er í hópi 71% þjóðarinnar, sem vill kanna hvað er í boði fyrir okkur sem þjóð í viðræðum við fulltrúa Evrópusambandsins. Á sama hátt vil ég standa vörð um auðlindir okkar og að það sé tryggt að þær tilheyri þjóðinni til framtíðar. Samkvæmt framangreindri könnun er vilji til að fá niðurstöðu, þar sem kemur skýrt fram hvað okkur stendur til boða. Ef við höldum yfirráðum yfir auðlindum okkar og samningurinn er hagstæður að öðru leyti er þjóðin fylgjandi inngöngu. Ef við höldum ekki yfirráðum á auðlindum okkar og samningurinn er óhagstæður er þjóðin andvíg aðild. Eitt má þó lesa út úr niðurstöðu könnunarinnar og það er að þjóðin vill láta þessar viðræður fara fram og sjá hver niðurstaðan er."

Hægt er að lesa greinina í heild sinni á þessari slóð:

Athugasemdir

[Gunnlaugur I., 13.7.2010 kl. 18:40]

Hvar er þessi meinta huldukönnun nákvæmlega og hvernig getur maður séð nákvæmar niðurstöður hennar.

Þangað til að ég fæ að sjá það þá dreg þessa meintu könnun og niðurstöður hennar stórlega í efa. 

Bara upp á borðið með þetta Evrópusérfræðoingar !

[Sigurður Þorsteinsson, 13.7.2010 kl. 19:07]

Ja, röddunum fjölgar og stuðningsmönnum fækkar. Með frekari fækkun, verður farið að fjalla um það að þessum fáu liggi hátt rómur. Eða að stuðningsmennirnir séu fallegri en hinir. Lákúran í málflutningum er með ólíkindum.

[Evrópusamtökin, www.evropa.is, 13.7.2010 kl. 19:10]

@Gunnlaugur: Væri ekki nær að þú bæðir MBL um að birta þetta?

[Halldóra Hjaltadóttir, 13.7.2010 kl. 19:33]

Vil taka undir með Gunnlaugi l. og hvet Evrópusamtökin til þess að birta þessa könnun.

kv HH

[Gunnlaugur I., 13.7.2010 kl. 19:42]

Þið eruð ótrúlegir að ætla að poppa upp einhverja meinta skoðanakönnun sem aldrei hefur verið birt og ekki vitað hvort nokkurn tímann var gerð eða hverjar niðurstöður hennar hafi þá verið.

Ja allt er hey í harðindum ykkar ESB sinna, það má nú segja.

Fá svo þennan Baugsstrák hann Finn til að byrta heila bullgrein um þetta í Baugstíðindunum hans Jóns Ásgeirs sem er einn af ESB aftanossunum sem eftir að hafa komið þjóðinni á vonarvöl og vill nú líka í framhaldinu koma henni útí fúafen ESB.

Skyldi kanski vera svona styrkjadeild innan ESB apparatsins sem kemur svona auðrónum eins og Jóni Ásgeiri aftur á lappirnar. Ja það eru nú ýmsar og sérkennilegar matarholurnar hjá ESB elítunni í Brussel. 

Tek undir með Sigurði hér að ofan að lágkúran í málflutningi ykkar er með ólíkindum og nær sífellt nýjum lægðum.

[Gísli Ingvarsson, 13.7.2010 kl. 21:20]

Laumu ESB sinnarnir koma einn af öðrum. Það er líklegt þeim fjölgi heldur úr þessu. Ekki fjölgar nýjum andsinnum hér á þessu bloggi að séð verður.