Ögmundur Jónasson vill FLÝTA viðræðum við ESB!

Snúningarnir í ESB-málinu verða æ villtari.

Í viðtali við Stöð tvö í kvöld sagðist Ögmundur Jónasson (mynd: Alþingi) vilja flýta ESB-viðræðunum! Við tökum okkur það bessaleyfi að birta alla fréttina af www.visir.is 

,,Ögmundur Jónasson, ráðherra innanríkismála, vill að aðildarviðræðum við Evrópusambandið verði flýtt og niðurstöður þjóðarinnar liggi fyrr fyrir. Þetta sagði Ögmundur Jónasson í viðtali við Heimi Má Pétursson fréttamann Stöðvar 2 í kvöld.

„Ég hef hvatt til þess að þessum viðræðum verði flýtt. Við fáum niðurstöður fyrr en rétt undir lok kjörtímabilsins og fáum niðurstöðuna á borðið og setjum hana fyrir þjóðina. Ég held að það sé hægt að flýta þessu ferli og koma þannig til móts við þær kröfur sem hafa risið innan vinstri hreyfingarinnar - græns framboðs," segir Ögmundur.

Ögmundur segist ekki vera viss um að það sé meirihluti fyrir því í þinginu að draga til baka aðildarumsókn að Evrópusambandinu. „Ég hef ekki breytt minni afstöðu svo dæmi sé tekið," sagði Ögmundur. Hann lagði áherslu á að hann vildi hlusta á varnaðarorð sem hafa komið upp um að Ísland sé komið í aðlögunarferli. Sér lítist ekki á ef svo sé raunin."

Er þetta sami maðurinn sem birti í ágúst um daginn grein sem hét Virkisturn í norðri í Morgunblaðinu?

Eru einhverjar fléttur í gangi eða?

 

Athugasemdir

[Þorsteinn Briem, 31.10.2010 kl. 22:28]

Minn maður!!!

En hvað á Urður að gera við allt kaffið sem hún var búin að kaupa fyrir viðræðurnar??!!

Speed It Up - Free software

[Sigurgeir Jónsson, 31.10.2010 kl. 23:14]

Ögmundur hefur rétt fyrir sér.Tímamörk á hvað ESB bíður og kjósa um það.

[Hólmfríður Bjarnadóttir, 1.11.2010 kl. 02:31]

Ögmundur er oft ótrúlegur í sinni pólitík og er það núna. Ekkert vil ég frekar en að það gangi sem allra greiðast að við komumst inni í ESB. Hef Ögmund frænda minn reyndar grunaðann um að flýtir á samingaviðræðum geti þýtt lakari samning og þá meiri líkur á neitun.

En svo getur það ótrúlega verið að gerast sem er að hann sé loks að sjá samhengi milli aukinnar hagsældar til framtíðar og ESB.

[Stefán Júlíusson (IP-tala skráð) 1.11.2010 kl. 09:50]

Best að semja eðlilega við ESB um aðild Íslands að bandalaginu. 

En þetta er nú svolítið þekkt.  Annaðhvort alls ekki eða loka augunum og setja allt á fullt;)