Ólína Þorvarðardóttir: Vill skoða Bændasamtökin

Ólína Þorvarðardóttir vill kíkja á Bændasamtökin í kjölfar frétta um stuðning þeirra við NEI-samtökin, Heimssýn. Í pistli á bloggi sínu segir Ólína:

,,Bændasamtökin hafa árum saman starfað fyrir opinbert fé. Já, það hefur af einhverjum ástæðum þótt eðlilegt að hluti af skattfé almennings rynni í það að halda uppi hagsmunasamtökum bændastéttarinnar. Rökin fyrir því hafa sjálfsagt hljóðað eitthvað á þá leið að íslenskur landbúnaður ætti undir högg að sækja, það þyrfti að styðja íslenska bændur í því að halda uppi byggð í landinu … eða hvað veit ég. Í seinni tíð hafa verkefnasamningar legið til grundvallar (a.m.k. einhverju af) ríkisframlaginu, en hrædd er ég um að eftirlit með því hvernig fjármununum er varið sé (a.m.k. stundum) í hálfgerðu skötulíki.

Jæja, samtökin hafa hingað til ekki talið sig of haldin af þessum framlögum. Kannski það sé nú að breytast. Þau virðast a.m.k. ekki telja eftir sér að halda uppi öðrum samtökum sem berjast gegn inngöngu Íslands í ESB . Ríkisútvarpið hefur nú greint frá því að Bændasamtökin styðja hreyfinguna Heimssýn með beinum fjárframlögum og leyfa henni að auglýsa frítt í Bændablaðinu."

Síðan skrifar hún: ,,Nú held ég það sé tímabært að endurskoða hin opinberu framlög til Bændasamtakanna, á grundvelli opinberrar úttektar á fjárreiðum samtakanna. Meðal þess sem þarft væri að skoða er hvernig verkefnasamningum þeirra við ríkið hefur verið framfylgt."

Lífleg umræða er um málið í tengslum við pistil Ólínu.

(Mynd: www.visir.is)

Athugasemdir

[Sleggjan og Hvellurinn, 1.11.2010 kl. 20:00]

Ekki seinna vænna.

[Stefán Júlíusson (IP-tala skráð) 1.11.2010 kl. 20:50]

Ekki seinna væna;)

[Sigurgeir Jónsson, 1.11.2010 kl. 21:36]

Nú hlýtur að standa upp á Ólínu að standa við orð sin og leggja fram á Alþingi þingsályktunartillögu um það sem hún er að fjalla um.Þingmenn eiga að vera ábyrgir orða sinna.En það er ekki nýtt að Ólínu sé í nöp við bændastéttina, eða  flokkur hennar Samfylkingin og þar áður Alþýðuflokkurinn.Það þarf ekki ESB andstöðu bænda til að krataliðið í R.vík og fylgilið þeirra hatist út í bændur á Íslandi.Nei við ESB.