Tillaga Nei-sinna felld á flokksráðsfundi VG - eykur líkur á skynsamlegri umræðu

VG virðist vera að ná áttum í Evrópumálunum.

RÚV hefur greint frá því að tillaga um að hætta aðildarviðræðum við ESB, var felld á flokksráðsfundi flokksins, sem nú er haldinn í Hagaskóla.

Það má því segja að skynsemin hafi haft vinninginn í þessu máli.

Þetta eykur líkurnar á því að hægt verði að ræða ESB-málið af meiri alvöru en hingað til. Sérstaklega innan VG. 

Mögulega eykur þetta einnig líkurnar á því að VG geti farið að hugsa meira um það hvernig flokkurinn geti stuðlað að framförum á sviði umhverfismála (en þetta er sá málaflokkur sem verður hvað fyrirferðamestur, á heimsvísu, á næstu áratugum), með aukinni samvinnu á vettvangi Evrópu. 

Segja má að FRAMTÍÐIN hafi sigrað í þessu efni hjá VG og því ber að fagna! 

 

 

Athugasemdir

[Sigurgeir Jónsson, 20.11.2010 kl. 12:21]

Munurinn er minni en nokkur átti von á,28 gegn 38.Það er ljóst að skilaboðin eru skýr til ESB.Sá skilningur Árna Þórs Sigurðssonar að VG verði að kingja því að Íslandi verði nauðgað inn í ESB, til þess að minnka hættuna á því að Sjálfstæðisflokkurinn komist ekki í ríkisstjórn, er málflutningur sem enginn ínnan VG á að láta út úr sér, ef flokkurinn á að eiga sér lífsvon.Að sjálfsögðu geta íslensk stjórnvöld hraðað ferlinu ef vilji er fyrir hendi.En það er ESB og Samfylkingunni í hag að draga ferlið og Samfylkingin er ekkert að fela það.Eins og staðan er í dag þá eru þau sem hafna aðild á fullri ferð í stuðning við Sjálfstæðisflokkinn og flokkurinn mun að sjálfsögðu njóta þess í næstu Alþingiskosningum sem verða í síðasta lagi eftir rúm tvö ár.Nei við ESB

[Sigurgeir Jónsson, 20.11.2010 kl. 12:22]

Á að vera"Sjálfstæðisflokkurinn komist í ríkisstjórn"

[Linda, 20.11.2010 kl. 13:16]

Enginn grætur VG-ing
einan sér og dáinn,
þegar allt er komið í kring
kyssir torfa náinn.

Mér er þetta mátulegt,
mátti vel til haga,
hefði ég betur flokkinn þekkt
sem harma ég alla daga.

[Ragna Birgisdóttir (IP-tala skráð) 20.11.2010 kl. 15:44]

Góðir hlutir gerast hægt Það skal vanda er lengi á að standa.

[Sleggjan og Hvellurinn, 20.11.2010 kl. 15:56]

Flott ræða hjá Steingrím J í fréttunum í gær. Gjemli var reiður. Það mátti lesa í orðunum hjá honum... já rétt hjá Sigurgeir... að ef VG hætta ekki þessu ESB ósætti þá kemst XD til valda.   ekki flókið

[Þorsteinn Briem, 20.11.2010 kl. 22:10]

Sigurgeir Jónsson,

Ögmundur Jónasson á stofnfundi smábátaeigenda: Brýnasta verkefnið að uppræta kvótakerfið

[Þorsteinn Briem, 20.11.2010 kl. 22:20]

Sigurgeir Jónsson segist hafa kosið Vinstri græna í síðustu alþingiskosningum.

Sigurgeir er sjómaður og dansar vínarpolka, vals og ræl - Myndband

Ísbjarnarblús Sigurgeirs Jónssonar - Ísbjörn hét áður Ísbjörninn

AFLAKVÓTI SIGURGEIRS JÓNSSONAR VERÐUR INNKALLAÐUR!!!