Bréf innan úr stjórnsýslunni um hina meintu AÐLÖGUN!!

Andstæðingar ESB-aðilda hrópa hvað þeir geta: Aðlögun, aðlögun, aðlögun, eins og það sé versti hlutur í heimi!

Evrópusamtökunum barst tölvupóstur frá aðila innan stjórnsýslunnar, sem vinnur að málum sem tengjast viðræðuferlinu við ESB.

Eins og kunnugir vita, þá fékk stjórnsýsla landsins nánast falleinkunn í Rannsóknarskýrslu Alþingis, sem kom út í vor.

Og í sambandi við aðildarumsóknina þá stendur Íslendingum til boða svokallaðir IPA-styrkir frá ESB, sem m.a. miða að því að betrumbæta og nútímavæða íslenska stjórnsýslu.

Þessu hafa ráðherrar VG-hafnað og hrópa þess í stað orð á borð við ,,mútur“ og svo framvegis, segja að það sé verið að ,,kaupa“ Íslendinga!

En kíkjum aðeins á bréf viðkomandi starfsmanns:

,,Framkvæmdastjórnin lítur í öll horn og þá ekki aðeins varðandi framkvæmdina, heldur einnig mannauðsmál, upplýsingatæknimál og samstarf við aðrar stofnanir. Þannig vinnum við núna af krafti að samstarfssamningum við þær ótal stofnanir sem við erum í samstarfi við og í kjölfar þessa hefur verið ákveðið að setja upp í hvaða feril mál eiga að fara og verklagsreglur, sem segja nákvæmlega til um hvernig stjórnsýslunni á að vera háttað á hverju sviði.

Þetta er búið að vera í bígerð í áratugi, en kemst núna í verk.
 
Að mörgu leyti erum við þó vel í stakk búin til að mæta þessu verkefni. Ég sé ekkert neikvætt við þessa „naflaskoðun“, sem íslenska stjórnsýslan er sett í, þvert á móti held ég að þetta sé af hinu góða og í raun nauðsynlegt og eðlilegt í ljósi þeirrar gagnrýni, sem stjórnsýslan fékk í þeim skýrslum er birtar hafa verið í kjölfar hrunsins.
 
Ég er þeirrar skoðunar að þessi sjónarmið þyrftu að koma fram. Hér er ekki um aðlögun að ræða, heldur er stjórnsýslan látin „analýsera“ sjálfa sig og hún síðan borin saman við alvöru stjórnsýslu ESB.

Þarna erum við því – að mínu mati – á leið inn í „best practice“ stjórnsýslu í heiminum!

Aðlögun væri hins vegar ef við værum að taka upp þeirra framkvæmd að fullu, kerfi o.s.frv. Þarna eru menn svolítið að rugla saman hlutum.

(Leturbreyting: ES-bloggið) 

Athugasemdir

[Gunnlaugur I., 3.12.2010 kl. 17:30]

"The best practice" stjórnsýsla í heiminum.

Þvílíkt rugl, ESB ofstjórnar-staðlaða brjálæði með vaðandi spillingu upp úr og niður úr !

Þessi stjórnsýsla ESB skriffinnanna tekur næstum Sovéttinu út í spillingu og sérgæsku commízarana og svo sjálfur Mafíuforinginn Berlusconi og öll hans glæpastarfssemi sem veður uppi í skjóli þessarar "fullkomnu" stjórnsýslu.

Allt í boði gjörspilltrar ESB Elítunnar !

Má ég þá frekar biðja um íslenska stjórnsýslu sem þrátt fyrir allt er miiklu betri fljótvirkari og skilvirkari þó svo hún sé ekki fullkominn !

[Evrópusamtökin, www.evropa.is, 3.12.2010 kl. 20:21]

@G: Þar sem feður ráða syni sína í opinber störf og gengið er framhjá tugum umsækjenda? Finnst þér það betra?