Bændaforystan: Reynt að "klína" ábyrgð á okkur!

Greinilegt er að bændaforystan er rasandi vegna þeirra (réttmætu) ábendinga sem komið hafa fram og skrifað hefur verið um hér á blogginu.

Í Fréttablaðinu í dag segir frá leiðara Bændablaðsins í gær, þar sem Haraldur Benediktsson sakar Stefán Hauk Jóhannsson, aðalsamningamann Íslands gagnvart ESB um að reyna ,,að klína ábyrgð" á samtökin vegna ESB-málsins. En eins og kunnugt er hafa Bændasamtökin firrt sig allri ábyrgð á málinu. 

Í FRBL segir (og hér er Haraldur að tala um orð Stefáns Hauks frá því um síðustu helgi): ,,Því með þeim sé reynt að „klína ábyrgð á bændur" á samningum Íslands við ESB. Þetta viðhorf Stefáns Hauks „stórskaðar það traust sem ríkja þarf" milli nefndarinnar og samtakanna, segir Haraldur.

Kveðst Haraldur hafa sent Stefáni Hauki bréf og krafist nánari skýringa á þessum orðum."

Bændur eru í bullandi vörn í málinu, því Stefán Haukur lýsti raunverulegum aðstæðum. Það er raunveruleiki að þegar verið er að ræða landbúnaðarmál, þá er heppilegra að hafa bændur með. Þetta vita menn í Bændahöllinni.

Öll tilkölluð hagsmunasamtök, sem koma með beinum hætti að ESB-málinu eru með, nema bændur!

Allir hjálpa til - nema bændur! 

 

Athugasemdir

[Þorsteinn Briem, 3.12.2010 kl. 20:25]

BÆNDASAMTÖK ÍSLANDS fá á þessu ári um 540 milljónir króna úr ríkissjóði.

Fjárlög fyrir árið 2010, sjá bls. 67

[Þorsteinn Briem, 3.12.2010 kl. 20:26]

Bændablaðið er í eigu BÆNDASAMTAKA ÍSLANDS og er dreift ÓKEYPIS til þeirra sem stunda búskap.

(Sjá Bændablaðið, 12. tölublað 2010, bls. 6.)

Blaðinu hefur einnig verið dreift ÓKEYPIS í verslanir.

[Þorsteinn Briem, 3.12.2010 kl. 20:29]

Samanburður á löggjöf Íslands og Evrópusambandsins nóvember 2010 - júní 2011

[Þorsteinn Briem, 3.12.2010 kl. 20:32]

Fyrsti samanburðarfundurinn um landbúnað síðastliðinn þriðjudag