Viltu 30% launalækkun til frambúðar? Guðmundur Gunnarsson spyr

Á bloggi sínu segir Guðmundur Gunnarsson: "Umræðan um ESB aðild kosti hennar og galla virðast vekja upp hræðslu við breytingar, þjóðernisrembing og ofsafengin viðbrögð sérhagsmunahópa. Þeir þola ekki að bent sé á hvaða hag við hefðum að samstarfi við önnur Evrópulönd. Þeir þora ekki að láta reyna á samninga við ESB og vilja að tryggja óbreytt ástand í efnahags-og stjórnmálum þjóðarinnar.

Ein helsta orsök Hrunsins var sú að hingað flæddi ódýrt lánsfé sem átti að ávaxtast á okurvöxtum á Íslandi. Uppgjör bankana á árinu 2008 leit vel út m.a. vegna gengishagnaðar. Hefði þjóðin haft nothæfa mynt í stað krónunnar, árin fyrir hrun, hefði líklega hvorugt átt sér stað. “Lífskjarabatinn” sem rekja má til óeðlilega sterks gengis krónunnar hefði ekki orðið. Íslenskur almenningur býr við stökkbreytingar á skuldum og um 25 þús. heimili liggja í valnum. Á meðan ekkert slíkt gerðist á hinum Norðurlandanna.

Kostnaðurinn íslendinga við að hafa krónuna kemur fram í hærri vöxtum hér á landi og verðtryggingu, því enginn fjármagnseigandi, hvorki innlendur né erlendur vill lána krónur án verðtryggingar. Skoðum kostnað við 20 milljón króna íbúðarláni hér á landi annarsvegar og í öðru Evrópulandi: 

Dæmi um lán á Íslandi.
Íbúðarlán hjá Íbúðarlánasjóði 20 milljónir til 25 ára með 5% vöxtum verðtryggt.
Endurgreiðsla, vextir, verðbætur og annar kostnaður 64,2 milljónir króna.

Dæmi um lán í Evrópulandi innan ESB.
Íbúðarlán hjá evrópskum banka 20 milljónir til 25 ára með nú 3,79% til 4,24% vextir, en mjög fjölbreytileg kjör eru í boði og finna mátti hagstæðari kjör en þessi.
Endurgreiðsla, vextir og annar kostnaður kr. 32,6 milljónir króna. Engar verðbætur.

Mismunurinn er 31,6 milljónir króna eða að meðaltali 105 þúsund krónur á mánuði, hvern mánuð í 25 ár.

Mest munar þar um að verðbætur á tímabilinu eru 29,1 milljón eða 9,1 milljón króna umfram upphaflegan höfuðstól lánsins."

Öll færsla Guðmundar 

Athugasemdir

[Gunnlaugur I., 22.12.2010 kl. 17:40]

Guðmundur Gunnarsson er ekki trúverðugur maður og sést ekki fyrir í blindum og öfgafullum ESB áróðri sínum því hann er einn af ASÍ elítunni og jafnframt einn af  ESB postulunum 12 og langar mikið til að komast í hið svokallaða Verkalýðsmálaráð ESB apparatsins sem er algerlega gagnslaus Elítu samkoma gelstu verklalýðs silkihúfu forkólfa af ESB svæðin og þeir eyða helmingi ársins á 5 stjörnu hótelum ESB Elítunnar og skálaglamri í gylltum sölum ESB elítunnar í Brussel og á 2földum dagpeningum og allt í nafni Alþýðunnar !

Trúverðugt ESB silkihúfu pakk eða hitt þó heldur  en einmitt Guðmundur Gunnarsson hefur fengið smjörþefinn af þessu hoflífi Elítunnar sem hann vill brátt tilheyra.

Honum verður sem betur fer aldrei að ósk sinni og það eru ekki einhver ímynduð hagsmunaöfl á Íslandi sem munu koma í veg fyrir það heldur aðeins það sem Guðmundur Gunnarsson hefur aldrei þolað en það er sauðsvartur almúginn á Íslandi !

Hann mun stöðva þessa ESB vitleysu fyrr en seinna !