Ný nálgun á fiskveiðistjórnun í ESB - EcoFishMan verkefnið

Dr. Sveinn Margeirsson, forstjóri Matís, fjallar um verkefnið EcoFishMan en Evrópusambandið væntir þess að í EcoFishMan verkefninu verði þróuð ný aðferðafræði sem nýtist við breytingar og umbætur á fiskveiðistjórnunarkerfi sínu.

Lögð er áhersla á samstarf við sjómenn, útgerð og vinnslu og að hagnýta upplýsingar úr rafrænum afladagbókum. Markmið verkefnisins er að stuðla að vistvænni, sjálfbærri og hagrænni stjórnun með sérstakri áherslu á rekjanleika og að lágmarka brottkast afla. 

Verkefnið er þverfaglegt  og nýtir upplýsingar sem eru byggðar á vistfræðilegum, félagslegum, hagfræðilegum og stjórnunarlegum þáttum. Að EcoFishMan verkefninu koma alls 13 stofnanir, fyrirtæki og háskólar í átta Evrópulöndum, þar á meðal Háskóli Íslands og Háskólinn í Tromsø í Noregi. Gert er ráð fyrir að verkefnið kosti 3,7 milljónir evra á þremur árum og nemur styrkur ESB 3 milljónum evra.  

Dr. Anna Kristín Daníelsdóttir, sviðsstjóri hjá Matís, er verkefnisstjóri og dr. Sveinn Margeirsson, forstjóri Matís, situr ásamt henni í vísindanefnd verkefnisins.

Föstudaginn 25. mars 2011, Lögberg 101, frá kl. 12 til 13.  

Allir velkomnir.

Athugasemdir

[Jón Valur Jensson, 22.3.2011 kl. 13:13]

Ekkert, sem Evrópusambandið gerir, hvort heldur í áróðurs- eða öðru skyni, getur réttlætt það, að stjórnmálastétt Íslands hafi forgöngu um að láta innlima landið í það stórveldi, sem krefur okkur um ekkert minna en að veita ESB yfirstjórn sjávarútvegsmála hér á landi og þar að auki öll æðstu löggjafarréttindi. Þið eigið ekki einu sinni að láta ykkur dreyma um að mæla með slíku.