Sannir Finnar ekki með í finnsku stjórninni

Sannir Finnar verða ekki með í ríkisstjórn Finnlands, en verða stærsti stjórnarandstöðuflokkurinn. Þetta kom fram í finnskum fréttum fyrr í dag.

Finnskur stjórnmálafræðingur sagði þetta létti fyrir finnsk stjórnmál, þar sem innan flokks Sannra Finna væru einstaklingar sem sýndu kynþáttafordóma með opnum hætti.

Sannir Finnar segja að stuðningurinn við Portúgal hafi skipt sköpum og að þeir geti ekki verið með í því samkomulagi.

Athugasemdir

[Hrafn Arnarson (IP-tala skráð) 12.5.2011 kl. 20:17]

Andstaðan við ESB skiptir Sanna Finna miklu máli. Þeir gera fjárhagsaðstoð við Portugala að úrslitaatriði. þeir munu nú verða stór flokkur í stjórnarandtöðu. En Sannir Finnar eru ekki einir á báti. Nánast í öllum löndum Evrópu hafa komið fram hægrisinnaðir flokkar sem eru gegn Evrópusamruna. Þeir óttast útlendinga og Íslamtrú. Þeir vilja ekki borga fyrir mistök annarra. Einnig í Þýskalandi hafa slík viðhorf fengið meðbyr.Hvarvetna má sjá andstöðu við Evrópusamrunann, ótta við Íslam og allt sem útlent er.