Jón Sigurðsson um möguleika bænda vegna ESB

Jón Sigurðsson, fyrrum ráðherra og formaður Framsóknarflokksins skrifar grein í Fréttablaðið í dag og segir þar meðal annars:

"Bændasamtökin og landbúnaðarráðherra vilja stöðva viðræður um aðild Íslands að Evrópusambandinu. Þess vegna krefjast þau þess að tollar verði áfram lagðir á evrópskar landbúnaðarvörur eða innflutningur bannaður – þvert gegn samþykkt Alþingis um aðildarumsóknina og einnig þvert gegn meginreglum ESB.

Utanríkisráðherra hefur brugðist til andsvara. Hann bendir á að það geti komið út á eitt fyrir bændur þegar vöruverð til neytenda lækkar en ríkisstyrkir ásamt Evrópustyrkjum til bænda hækki þá verulega á móti. Varla talar utanríkisráðherra svo skýrt nema fyrir liggi sterkar líkur eða fullvissa um slíkan samningsárangur.

Þetta eitt eru stórtíðindi. Bændasamtökin hljóta að óska eftir nánari upplýsingum um þetta, og þ. á m. hvort þetta verður sérstakt samningsákvæði eða hluti af svonefndum Norðurslóðastuðningi.
En Bændasamtökin hljóta einnig að leggja áherslu á fleiri atriði í viðræðunum um aðild Íslands að ESB. Meðal slíkra áherslumála hljóta að vera þessi:
1 Vernd gegn dýrasjúkdómum, en Íslendingar hafa hörmulega reynslu af þeim.
2Vernd fyrir íslenskum búfjárstofnum, en Íslendingar rækta sérstök kyn nautgripa, hrossa, sauðfjár, geita, hunda og hænsna.
3 Ákvæði sambærileg á við þau sem gilda nú innan ESB um landbúnað á Azoreyjum, Madeira og Kanaríeyjum, og um atvinnurekstur, fasteignir og jarðeignir á Möltu og Álandseyjum.
Evrópusambandið er mjög metnaðarfullt varðandi varnir gegn dýrasjúkdómum. ESB er einnig mjög áhugasamt og metnaðarfullt varðandi vernd og öryggi fyrir fjölbreytni í lífríki. Landbúnaður á Azoreyjum, Madeira og Kanaríeyjum nýtur sjálfræðis og sérstöðu samkvæmt 349. gr. aðalsáttmála ESB. Reglur ESB banna kaup á lóðum, jörðum, húsum eða öðrum eignum á Möltu og Álandseyjum nema kaupandi hafi lögheimili og reglulega búsetu á staðnum."

Jón telur að í ESB-málinu hafi bændur einstakt tækifæri til þess að hafa áhrif á samningaferlið og það með því sé hægt að tryggja mikilvæga hagsmuni bænda á Íslandi.

Öll greinin

 

Athugasemdir

[Sigurgeir Jónsson, 11.6.2011 kl. 08:27]

Jón skilur ekki þá sem hafna aðild að ESB.Bændasamtökin hafna aðild að ESB.Það er nú ekki flóknara en það.Það sama gera milli 60-70% Íslendinga.Jón Sigurðsson segir ekki bændum fyrir verkum það verður hann að skilja.Bændur hafa meiri þekkingu á íslenskum landbúnaði en Jón Sigurðsson. Það verður hann líka að skilja, rétt eins og aðrir ESB sinnar.Nei við ESB.

[Sigurgeir Jónsson, 11.6.2011 kl. 08:33]

Jón hefur áður vitnað í Möltu,Kanaríeyjar og Asoreyjar máli sínu til stuðnings vegna sjávarútvegssamninga ESB.Hann er hættur því enda voru röksemdir hans hreint bull.En það er gott að hann tjáir sig, því flestir sjá í gegnum málflutning hans og fleirum verður ljóst að lífskjör á íslandi munu ekki batna  í framtíðinni ef Ísland gengur í ESB.Nei við ESB.

[Sigurgeir Jónsson, 11.6.2011 kl. 08:41]

Hvað á íslenskur landbúnaðaður sameiginlegt með landbúnaði í Afríku.Jón minnist ekki á það.Enda getur hann það ekki.Landbúnaður á hjara veraldar á ekkert sameigilegt með landbúnaði þar sem meðalhiti er 20 gráður.

[Þorsteinn Briem, 11.6.2011 kl. 12:52]

Af íslenskum landbúnaðarvörum sem seldar eru til annarra landa fer meirihlutinn til Evrópska efnahagssvæðisins.

Og við aðild Íslands að Evrópusambandinu yrði tollur af þeim felldur þar niður.

Geymsluþol nýmjólkur er of lítið til að það borgi sig að flytja hana hingað til Íslands með skipum þúsundir kílómetra frá öðrum Evrópulöndum og of dýrt yrði að flytja mjólkina með flugvélum.

Neysla á kindakjöti á öðrum Norðurlöndum er lítil og engin ástæða til að reikna hér með innflutningi á kindakjöti í einhverjum mæli, enda þótt Ísland fái aðild að Evrópusambandinu.

Héðan voru fluttar út landbúnaðarvörur fyrir átta milljarða króna árið 2009 og þar af 60% til Evrópska efnahagssvæðisins.

Árið 2008 voru flutt héðan út um fjögur þúsund tonn af sauðfjárafurðum, þar af um 1.200 tonn af kindakjöti, langmest til Evrópska efnahagssvæðisins, 2.200 tonn af gærum og 500 tonn af ull.

Árið 2009 voru flutt hér út 1.589 lifandi hross og þar af um 90% til Evrópska efnahagssvæðisins.

Hagtölur landbúnaðarins 2010